CAPÇALERA: CURSOS CAOC

Jornalet, gaseta occitana d'informacions

Dissabte, 19 de setembre

Lo Quentin

Divendres, 1.5.2020 03h00

Al reveire e pensadas


Comentaris 12 comentaris    
Dolent Fluix Bo Molt bo Fabulós (13 vòtes)
carregant En cargament





Fa qualques meses qu’ai pas mai de plaser a participar al mitan occitan. Encara uèi sabi pas exactament dire perque. Una lectura que m’agradèt ça que la tocant aqueste tèma. Pòdi ensajar de listar unas rasons.
 

— Per un que fa n’i a dètz que critican: los qualques comentaris que recebi son de correccions ortograficas, jamai res sul fons.
 
— Los occitans son un pòble fòrça illectronic: demandar al monde de cambiar las opcions de lor navigador Internet per aver l’occitan es tròp demandar. «E qu’es aquò una navigador, es Google? Windows? Te sabi ieu» imagini ben romegar los legeires.
 
— Las demandas d’ajuda son ignoradas, amai pels amics. Passar de temps per aprendre o far quicòm de pas costumièr es tròp demandar. Quantes de temps ai esperat aprèp una relectura puèi abandèri.
 
— Lo monde amb qui aimi parlar son los qu’òbran. Totes me dison que fan de causas per l’occitan perque degun o fariá pas a lor plaça. E tot coneisson aquela abséncia de reconeissença...
 
— Non Facebook es pas la modernitat, es la modernitat segon los vièlhs que son ara conhats sus Facebook e se creson al jorn. Sorry Papie, los joves son endacòm mai. E un còp mai cal veire lo fons. Perque Facebook es gratuit? Que fan amb vòstras informacions? Es pas refusar la modernitat de voler pas tot centralizat sus un site estatsunidenc, es una causida.
 
— Encoratjar e èsser benvolent còsta pas res.
 
— Los panèls d’entrada de vilatge o vila menan a mai de reaccions que non pas la sortida d’aisinas per far de velha en linha o la creacion d’un motor de reconeissença vocala.
 
— La cultura del partatge es pas mai occitana. De còps me diguèron que caliá botar los dreches d’autor sus mas traduccions. Bah non, vòli que sián utilizadas e reütilizadas tan que podèm! Lo monde del mitan estima mai gardar sas causas per se. Anatz demandar a un professor de metre en linha sos corses. «Ah bah non, lo monde se’n servirà per far cor!» Seriá un brave risc que’l monde milhoren sos corses en ajustant de contengut òc vertat...
 
Per tot aquò vesi pas mai perque passi tan de temps a presentar d’aisinas que respèctan una certana etica liura, se los primièrs concernits las utilizan pas. De còps me meti la pression per acabar la traduccion abans la sortida d’una nòva version, perqué? De figas.
 
Ai encara previst dos articles que respondon a un article mai ancian, per milhorar l’informatica del mitan occitan. Èran previstes, los sortirai e serà finit.
 
Cric crac mon compte es acabat.
 
 
 
 
 
abonar los amics de Jornalet
 
 

 



publicitat
BANNER1: IEO Arièja



Comentaris

5 de mai 20.53h

Quentin, vos coneissi pas, mas me rend trista vòstre constat. Segur que sètz probable tombat sus de gosta-solets, de mond que passan son temps a criticar los autres, de preferéncia dins l'anonimat, mas lo mond occitanista, es coma lo mond en general, i a de tot, de plan cons, e de mond plan. Segur que vos gonflan coma ieu los que, sus Jornalet, entre autres, critican - anonimament, plan sovent - lo trabalh dels autres e respondon a un article d'idèas per de comentaris fòra-subjècte. Soi p... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

4 de mai 18.14h

E òc, maissants Occitans qu'aiman mai s'acampar per beure un còp, cantar, caquetar e ausir de musica. Paures colhas qu'estiman mai lo real que non pas lo virtual... Solide que sèm fotuts !


Valora aquest comentari:   votar positiu 0   votar negatiu 2
Respondre comentari replica Comentari inadequat   Formulari d'abús de comentari

2 de mai 17.09h

Te comprèni! Quora èri mai jove (e òc! aquò fuguèt...), revirèri en occitan d'uneis aisinas (Star Downloader, PDF creator, Easy Cleaner, Bottin, lo Monopòli...). Aguèri jamai un solet retorn occitanista!


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

2 de mai 08.11h

Adieu Quentin,
Sabi pas de qué te dire... Dins lo fons as (plan) rason, es un constat que nos fasèm, tròp sovent, amb un amic, grand occitanista de tria de grandas qualitats umanas e intellectualas que s'es implicat e contunha implicat dempuèi fòrça mai ans e temps que ieu, qu'es gaireben impossible de trabalhar en grop, e d'avançar coma cal o mai d'avançar... Las luchas intestinas per la causida d'un mot, l'e de sosten, lo nom de la lenga, la(s) varietat(s) de referéncias, la critica ... Legir la seguida


Valora aquest comentari:   votar positiu 19   votar negatiu 0
Respondre comentari replica Comentari inadequat   Formulari d'abús de comentari

1 de mai 17.58h

Lo pòble occitan es privat d'una part de sa cultura e de la lenga, los occitanistas son privats d'energia e sabon pas ont anar, donc çò que disètz es pas estonant. Vos deuriatz pas descoratjar. Cal avançar.

I a una causa que compreni pas brica dins vòstre article. Escrivètz: "Las demandas d’ajuda son ignoradas, amai pels amics. Passar de temps per aprendre o far quicòm de pas costumièr es tròp demandar. Quantes de temps ai esperat aprèp una relectura puèi abandèri."

Que vòl di... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

1 de mai 15.57h

Qu'es verai que la cultura electronica es plan febla dins lo mitan occitanist. Mai d'un occitanista coneis ren dau monde liure per exemple e ne'n vòu ren conéisser subretot, e mai quand l'i son pas opausats, comprene que l'i àia de qué se descoratjar, comprene ben ton maucòr mas quò seriá domatge que plantes entau ton trabalh d'informacion e de desvelopament de las aisinas electronicas per l'occitan. Los occitanistas son malurosadament pas los solets a ne'n ren saber, quel afar de drechs... Legir la seguida


Valora aquest comentari:   votar positiu 18   votar negatiu 0
Respondre comentari replica Comentari inadequat   Formulari d'abús de comentari

1 de mai 13.32h

Cal pas arrestar.

Sens voler deconsiderar çò que disètz viure ni èsser auturós tanpauc, semblatz arribar a un punt ont sèm fin finala nombroses a i èsser passats : lo perqué se butar a fotre d'energia dins quicòm qu'es tant mòl e que se bolèga pas pro ? E qu'a mai rapòrta pas dirèctament ...

Los occitans son romegaires e andicapats. Son totjorn cap "a çò que i a de far" e incapables "d'apreciar çò qu'es fach e de se'n servir" - o pièger encara : de far fèsta a çò positiu... Legir la seguida


Valora aquest comentari:   votar positiu 19   votar negatiu 0
Respondre comentari replica Comentari inadequat   Formulari d'abús de comentari

1 de mai 11.31h

Amic vos arestatz pas! Es plan important lo presfatch que fatz! Avem besonha de mond coma Vos qu'avem pas de visibilitat sus la tela. Probable que lo compren pas gran monde ara mas vos cal pas abandonar que n'havem besonha! Coratge que siatz un animadoir important de la gaseta!


Valora aquest comentari:   votar positiu 16   votar negatiu 0
Respondre comentari replica Comentari inadequat   Formulari d'abús de comentari

1 de mai 11.08h

La vita es un combat.
Avètz benlèu besonh de far pausa per trobar de plaser d'un autre biais amb l'occitan.
Podètz pas forçar lo mond a vos seguir dins vòstres plasers. Els n'an tanben e de pantaises de seguir d'autres parièr.
Se pòt compréner l'amarum, e mai qu'es dur de trobar coma acabar o suspendre una participacion parelh.


Valora aquest comentari:   votar positiu 17   votar negatiu 1
Respondre comentari replica Comentari inadequat   Formulari d'abús de comentari

1 de mai 10.45h

Som plan trist de vòstre renonciament, vos cal contunhar


Valora aquest comentari:   votar positiu 12   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Lo Quentin

Lo Quentin logo rss

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions