CAPCALERA: ajuntament de tolosa
CAPÇALERA2: mot amagat

Jornalet, gaseta occitana d'informacions

Dijòus, 26 de mai

Lo Quentin

Dimècres, 17.11.2021 03h00

Ensajar Ubuntu 21.10


Comentaris 2 comentaris    
Dolent Fluix Bo Molt bo Fabulós (11 vòtes)
carregant En cargament


Sortiguèt la version intermediària d’Ubuntu, la 21.10 Impish en octòbre.
 
Las versions que van entre las previstas pel long tèrme permeton de profitar de las darrièras versions dels logicials contra un manteniment mai cort. Mas aquò rai, dos còps per an sòrton doas versions d’Ubuntu.
 
Per rapèl, Ubuntu es un sistèma operatiu que deriva de la distribucion – coma disèm – Debian qu’es reputada per son estabilitat granda. Ubuntu n’es la filha destinada als debutants al monde de las distribucions Linux.
 
Aquesta nòva sortida nos pòrta GNOME 40, mentre que la version 41 sortiguèt a la fin del mes de setembre, Firefox 93, LibreOffice 7.2.1 pels logicials mai coneguts. E lo nuclèu Linux 5.13 plan segur.
 
L’environament grafic per defaut es GNOME Shell, mas se vòstre ordenador es pas pro potent e que vos agrada mai un autre estil i a un molon de derivacions d’Ubuntu, que d’unas son oficialas.
 
I a Ubuntu MATE, Ubuntu Budgie, Ubuntu, Xubuntu, Lubuntu, Ubuntu Studio, Xubuntu e Ubuntu Kylin a destinacion dels utilizaires asiatics. Vos cal veire aquò coma de bricas, i a d’autras distribucions qu’utilizan MATE, d’autres Shell etc.
 
Tocant la lenga occitana, la màger part dels tèxtes son disponibles en occitan amb Ubuntu, Ubuntu MATE e Xubuntu. Ubuntu Budgie ten de tròces traduches. Pensi qu’es una version, amai d’èsser sòbria e agradiva, que pòt convenir als utilizaires acostumats a MacOS, de per lo biais que son ordenats los menús, encara que la distribucion ElementaryOS siasque mai adaptada.
 

Cossí ensajar
 
Per ensajar una de las distribucions de vòstra causida avètz doas solucions: emplegar una clau USB o DVD, o executar lo sistèma operatiu dins d’una maquina virtuala. Dins aqueste article vos explicarai aquesta solucion.
 

Un ordenador dins l’ordenador
 
Per començar, telecargatz lo logicial Oracle VirtualBox a partir del site oficial https://www.virtualbox.org/
 
Clicatz “Download” puèi Windows hosts s’utilizatz Windows o OS X s’utiliza lo sistèma d’Apple.
 
Installatz lo logicial. A la fin de l’installacion clicatz Terminer per dobrir lo logicial.
 
Ara quichatz la tòca Ctrl e N per crear una maquina virtuala novèla.
 
Donatz-li lo nom d’Ubuntu, clicatz Suivant. Coma talha de memòria, depen de vòstre ordenador, se possedís 8 Go de memòria viva, alogatz 4 Go. 1 Go es pauquet. Clicatz Suivant, daissat marcat “Créer un disque dur virtuel maintenant” e clicatz Suivant. Suivant tornamai, e de tresen còp. Alogatz almens 20 Go al disc virtual, asseguratz-vos de dispausar d’aqueste espaci de verai. Clicatz Créer.
 
Ara clic drech pel nom de la maquina virtuala e “Configuracion...”, onglet Système e cercatz Processeur. Ieu dòni 4 processors del 8 que ten mon ordenador. Clicatz OK.
 

Recuperar Ubuntu
 
Per recuperar la version de basa d’Ubuntu clicatz aquí
 
Per Ubuntu MATE aquí
 
Per la version Ubuntu Budgie aicí
 
Esperatz la fin del telecargament

 
Lançament
 
Un còp lo telecargament de l’imatge ISO tornatz al logicial Oracle Virtual Box. Doble clic sus la maquina creada. Una bóstia de dialòg vos demandarà lo disc d’amorçatge, clicatz l’icòna del dossièr per percórrer l’ordenador e causir lo fichièr que venètz de telecargar. Clicatz Ajouter, e causissètz lo fichièr just tot ben telecargat amb lo boton “Dobrir” puèi “Choisir”, e finalament “Démarrer”.
 
Vaquí avètz un sistèma operatiu Ubuntu que s’avia:)

 
Installacion
 
Lo menú GNU GRUB apareis podètz quichar ENTRADA o esperar 30 segondas. L’installador d’Ubuntu s’avia. Aprèp la musiqueta clicatz “Install Ubuntu” per l’installar dins la maquina virtuala. Al menú “Keyboard layout” a man esquèrra causissètz French e a man drecha “French – French (alt.) Clicatz Continue enbàs. A l’ecran venent marcatz “Install third-party sofrware.....” puèi “Continue” puèi “install now” confirmatz la pichona fenèstra amb “Continue”, Continue tornamai a l’ecran de fus orari. Picatz vòstre nom o un escais-nom, un per l’ordenador puèi un nom d’utilizaire e finalament un senhal. Podètz metre la meteissa causa per totes los camps se volètz. Es una maquina virtuala, pas prevista per gardar de causas importantas, sonque ensajar. Es possible que l’agençament del clavièr siasque pas encara pres en compte, per ieu allòc d’un Q ai un A. A la fin de l’installacion serà coma cal. Clicatz Continue e anatz vos far un cafè.
 
Trigarà 5 minutas segon vòstra connexion Internet.
 
Al cap d’un moment una fenèstra vos indicarà que l’installacion es acabda e que cal reaviar. Clicatz “Restart Now”. Puèi quand demandat quichatz ENTRADA
 

Cambiament de lenga
 
Lo sistèma se tornarà lançar. Clicatz lo nom d’utilizaire qu’avètz causit e picatz lo senhal puèi ENTRADA. A man esquèrra enbàs clicatz lo carrat amb de ponches e dins “Type to search” marcatz “language” e clicatz “Language Supp...” puèi “Remind Me Later”.
 
Clicatz lo boton “Install/Remove Languages...” cercatz “Occitan (post 1500) e clicatz dessús puèi “Apply”. Picatz vòstre senhal. Se telecargaràn los paquets lingüistics requerits. Dejós “Language for menus and windows:” desfilatz e mantenètz clicat per far montar l’Occitan en primièr dins la lista a la plaça d’English (United States). Ara clicatz “Apply system wide”, picatz lo senhal.
 
Ara a l’onglet Regional Format allòc de français causissètz “Occitan” e tornamai “Apply System-Wide” e finalament Close. Podètz clicatz a man drech ennaut “Power Off / Log Out” puèi “Restart...”. 
 
A l’aviada l’ordenador vos parlarà en occitan! Podètz ensajar de navigar sus internet amb Firefox, escriure un tèxt amb LibreOffice o çò que volètz! Vos aconselha de clicar lo carrat amb los ponches e picar “Mesas” per trapar las darrièras mesas a jorn per començar puèi de picar “Afichatge” per reglar la talha de l’ecran de la maquina virtuala. Bona descobèrta!
 
 
 
 
abonar los amics de Jornalet

 


 



publicitat
BANNER1 - comuna tolosa



Comentaris

17 de novembre 08.34h

Ah ben ! Òc demanda de ben voler cercar l'informacion, qu'es sovent disponibla, e de demandar als forums. Lo comunautat es benvolenta amb los nòuvenguts.
Es vertat qu'òm ensaja sovent una distribucion Linux per reviscolar un ordenador ^^
Utiliza quina varianta d'Ubuntu ? La bruta ? MATE, Xubuntu etc ?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

17 de novembre 07.25h

L'ai installat dins un vièlh aparelh que data dau temps de Vista, qu'èra naturalament tròup lent per Windows 11. E siéu encantat dau foncionament rapide e estable. Segur, li a de cauas que li mi devi acostumar, ma s'atròvon facilament d'explicas quora as una dificultat ò ti paues una question.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Lo Quentin

Lo Quentin logo rss

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions