CAPCALERA: ajuntament de tolosa
CAPÇALERA2: mot amagat

Jornalet, gaseta occitana d'informacions

Dijòus, 26 de mai

Lo Quentin

Dimècres, 9.2.2022 03h00

LibreOffice 7.3


Comentaris 2 comentaris    
Dolent Fluix Bo Molt bo Fabulós (16 vòtes)
carregant En cargament





La seguida burotica liura LibreOffice ven de sortir son actualizacion granda biennala, s’agís de la version 7.3 Abans de desvelar las novetats un resumit petit dels logicials contenguts dins aquesta aisina.

LibreOffice fornís Writer un tractament de tèxtes, Calc pels fuèlhs de calcul, Impress per las presentacions, Draw per las illustracions, Maths per las formulas matematicas.
 
La màger part dels melhoraments son pel seguiment de las modificacions que concernís ara tanben los tablèus e indica en verd lo tèxte desplaçat. Coma a cada version novèla, la compatibilitat amb los formats Microsoft Office foguèt melhorada. Aqueste còp es lo rendut qu’es mai rapid e permet de dobrir de fichièrs pesucs mai facilament quand son en .doc .docx e .pptx. La conversion PDF foguèt tanben renduda mai rapida. Calc e Impress permeton de picar coma en Bash, es a dire qu’i a una autocomplecion. Ajustèron las possibilitats de crear de còdis de barras, coma al supermercat, los còdis QR se podián ja generar amb LibreOffice. Las linhas qu’indican una deca son ara mai visiblas amb los ecrans que dispausan d’una nauta densitat de pixèls.
 
 
Cossí l’obténer?
 
Windows:
 

Anatz a https://fr.libreoffice.org/download/telecharger-libreoffice/
 
Clicatz “TÉLÉCHARGER”. A la fin del telecargament dobrissètz lo fichièr.
Clicatz “Suivant”. A la pagina seguenta causissètz lo tipe d’installacion personalizada puèi “Suivant”. Desplegatz “Composant optionnels” puèi “Dictionnaires”. Clicatz la crotz roja en fàcia de cada diccionaris que vos fan mestièr. Ara plegatz lo menú “Composants optionnels” e desplegatz lo menú “Langues de l’interface utilisateur” e en fàcia d’Occitan clicatz “Ce composant serà installé sur le disque dur local.” Ara podètz clicar “Suivant”.
 
A la pagina seguenta podètz associar los formats Microsoft amb LibreOffice, coma volètz.
 
Dos clics aprèp l’installacion se lança. Podètz lançar LibreOffice del burèu estant.
 
Amb una distribucion Linux:
 
Podètz esperar que siá disponible als depauses o utilizar las versions empaquetadas Flathub o Snap.
 
O per las distribucions a basa d’Ubuntu lo PPA seguent:https://launchpad.net/~libreoffice/+archive/ubuntu/ppa
 
Mas generalament basta sonque d’esperar la mesa a jorn facha per l’editor.
 
 
La lenga occitana dins LibreOffice
 
Soi pas a l’iniciativa de la traduccion d’aqueste logicial mas i realizi de contribucions de temps en temps. Per la version 7.3 voliái que’ls menús mai visibles foguèsson traduches coma las astúcias a l’aviada. La traduccion d’aquesta seguida burotica es bravament granda. L’ajuda de cadun es benvenguda. Sèm ara a 82% de traduccion acabada.
 
Lo verificador ortografic per defaut en occitan es en lengadocian e se basa sul trabalh del Brunon e dels membres de l’associacion que s’apelava Tot en OC. Podètz utilizar las extensions per installar los diccionaris del Congrès que prepausa lo lengadocian e lo gascon: https://locongres.org/oc/tribalhs-deu-congres/corrector-ortografic
 
 
 
 
abonar los amics de Jornalet
 
 

 



publicitat
BANER3: Ràdio Occitània



Comentaris

9 de febrièr 14.48h

Genhèc! Viva lo liure!!!!!


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

9 de febrièr 14.27h

Grandmercé Quentin !


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Lo Quentin

Lo Quentin logo rss

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions