CAPÇALERA: OPLO Licèu
CAPÇALERA2: Botiga

Jornalet, gaseta occitana d'informacions

Dissabte, 23 d'octòbre

Lo Quentin

Dimècres, 6.10.2021 11h00

Logicials de videoconferéncia: resultats e informacions


Comentaris 2 comentaris    
Dolent Fluix Bo Molt bo Fabulós (8 vòtes)
carregant En cargament





Vos demandèri quals logicials de videoconferéncia utilizàvetz per dire de veire çò que se pòt far per far dintrar l’occitan.
 
Comenci amb los logicials qu’integraràn pas l’occitan facilamant.
 
 
Zoom
 
Entrepresa estatsunidenca, logicial privador (que priva de libertats coma aquela de contribuir o veire lo còdi font, per simplificar). Aquí aver l’interfàcia en occitan depend pas que de lor volontat. Sabi pas se son a l’escota dels utilizaires suls malhums socials e se los interpelar podriá foncionar, qual sap?
 
Per Cisco Jabber, Cisco WebEx, Teams de Microsoft, poiriái escriure lo meteis paragraf.
 
 
BigBlueButton
 
Logicial liure canadian. L’occitan i es present, a sonque 53,4% amb l’interfàcia Greenlight e 34% amb l’interfàcia HTML5. Me pòrta pena comprendre lor organizacion e lor doas interfàcias. Cal dire qu’es un logicial mai que complet, i podèm far de conferéncia, partejar un tablèu blanc, organizar de sondatges e encara mai. Se volètz ajudar a aumentar aquestes percentatges, se passa per aquí https://www.transifex.com/bigbluebutton/
 
 
Jitsi Meet
 
Logicial qu’èra a la debuta un projècte d’estudi d’un estudiant estatsunidenc a l’universitat d’Estrasborg. Ara fa part d’una entrepresa que publica sos logicials jos licéncia liura.
 
L’occitan i es dempuèi le 25 d’abrial de 2016. La traduccion es fòrça avançada mas l’ajuda es benvenguda plan segur. L’occitan cobrís ara 100% de l’interfàcia. Lo podètz ensajar aquí https://framatalk.org/accueil/oc/
 
Es un logicial que s’installa facilament costat administrator, basta pas qu’un servidor petit a qualques euros per mes e auretz una solucion per vòstra conferéncias o corses en linha.
 
 
Talk de Nextcloud
 
Aqueste logicial fa part d’una solucion integrada de Nextcloud, la tòca es de prepausar d’un biais simple l’autoalbergament per totes. Mas se sètz coma ieu e que vos estimatz confiar aquò a quauqu’un qu’i sap, cap de problèma. Un sol exemple: lo collectiu dels CHATONS per o dire simplament, es un AMAP dels servicis en linha. Las escòlas pòdon demandar un compte a gratís chas zaclys.com.
 
L’occitan cobrís la màger part dels dialògs de l’interfàcia.
 
 
Jami
 
Jami nos ven del Quebèc, es desvolopat per una associacion qu’òbra pel logicial liure.
Es disponible sus mantuna plataforma. Son avantatge s’amaga dins las linhas de còdis, prepausa un chiframent de las conversacions e divèrs solucions per téner de comunicar sus de rets limitadas / susvelhadas. Fau de vulgarizacion aquí. L’occitan es disponible e pensi que las accions mai frequentas son escritas en lenga nòstra.
 
 
Telegram
 
Per çò qu’es d’aqueste malhum, las explicacions se tròban aquí pel monde que vòl ajudar a traduire: https://translations.telegram.org/?start=1
 
Cal un compte utilizaire per prepausar una lenga novèla. N’ai pas, doncas daissi los legeires interessats se’n cargar d’aquò.
 
Vaquí pel viatge per las solucions de videoconferéncia.
 
 
 
abonar los amics de Jornalet

 




 



publicitat
BANER1: Generalitat de catalunya



Comentaris

8 d'octòbre 08.29h

1#
Lo Quentin fa de decas , qual n'en fa pas ? Aquel biais de las corregir dins los comentaris me sembra pas gaire gentil, poiriatz faire aquò amb un comentari privat serià mai educat.
Òsca Quentin per lo teu trabalh!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

7 d'octòbre 17.47h

*quals > quins

*facilamant > facilament

*lor > lors

*a gratís > a gràtis

*divèrs > divèrsas

*pel monde que vòl > pel monde que vòlon

*se’n > se


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Lo Quentin

Lo Quentin logo rss

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions