CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimars, 17 de setembre

Lo Quentin

Dissabte, 22.6.2019 03h00

Mobilizon: organizem-nos!


Comentaris 2 comentaris    
Dolent Fluix Bo Molt bo Fabulós (9 vòtes)
carregant En cargament


Un còp de mai vos parli d’un projècte gerit per l’associacion Framasoft. Aquesta organizacion francesa que lucha pel logicial liure es a realizar un finançament participatiu. L’objectiu es de desvolopar una aisina de gestion d'eveniments. Segon la soma recebuda, de foncionalitats seràn disponiblas. I a 4 nivèls que contenon cadun una lista de foncions. Al moment d’escriure aqueste article an ja recebut 45 400 èuros çò que correspond al nivèl 3.
 
Aquesta campanha fa part de lor objectius de prepausar d’aisinas de descentralizacion e reapropriacion de las donadas personalas.
 
Uèi se volètz informar e gerir la comunicacion d’un eveniment, utilizatz segurament Facebook o MeetUp. Quin es lo problèma ? Simplament que fisatz vòstra organizacion a una entrepresa privada estatunitenca que pòt decedir de suprimir vòstre eveniment o pagina sens vos donar cap de rason. Vòstre perfil numeric pòt èsser tanben establit e vendut.
 
Un exemple: imaginatz que cercatz un emplec e que l’entrepresa que vos agrada crompe vòstre perfil e sap que participèretz a de manifestacions sindicalas. Marca mal per eles.
 
Es sonque amb d’aisinas liuras qu’òm pòt contrarotlar son emprunta numerica. Lo còdi es dubèrt e lo gras de confidencialitat serà a vòstras mans.
 
Que siatz encargat d’una escòla, una associacion, una convergéncia, un comitat, una confederacion, una seccion d’un CE o qu’organizatz un aniversari, avètz de besonhs d’organizacion.
 
La lenga occitana ara: lo logicial es pas encara creat mas es previst que siá multilingüe. Se la volèm dedins, caldrà participar a la traduccion.
 
Vaquí lo ligam del finançament participatiu: joinmobilizon.org
 


abonar los amics de Jornalet



publicitat
BANER1-2-3: DGPL AN LAFONT



Comentaris

22 de junh 11.52h

Responsa simpla : lo còdi del logicial es dubèrt, podètz lo veire e aissí veire çò que fa dins los detalhs.
Es transparent. E se trobetz quicòm que vos agrada pas, podètz tustar lo projècte e tirar los tròces que que volètz e fabricar lo logicial que correspond als vòstres besonhs. Es aquò l’esperit del logicial.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

22 de junh 11.27h

Qui pòd nos assegurar que la societat Framasoft sera dins lo temps indemna de topta corupcion?
99% de la populacion se sert de l'informatic mas i a mas qu'1% que maitrisa entierament l'utilh.
Quo es parier per tota la tecnologia..
Seria bon benleu de reclamar una formacion per tots per saber coma se protegear de los que la fabriquen e fabriquen dins lo mesme temps los garde-fòus.
Es quò que lo vòte electronic es pus segur que le vòte tradicionau?


Valora aquest comentari:   votar positiu 2   votar negatiu 4
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Lo Quentin

Lo Quentin logo rss

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions