Opinion
Vanitas vanitatum?
Quand mudèri al vilatge on vivi desempuèi annadas ara, anèri saludar lo cònsol que, en me tocant de mans, me diguèt: “Mossur Georges C***, licenciat en letras”.
N’èri estat tot susprés mas coma lo veniái veire per que m’entresenhèsse suls ostals qu’èran a logar e qu’èri un pauc pressat de trobar quicòm, aviái pas fach cap de remarca!
Aquel preambul per vos dire que me tròbi pas tròp a mon aise aicí, dins Jornalet.Com, dins la casa reservada als opinants amb tot un aerof… aeropa… non, un areopage de personas que semblan èsser totas mai saberudas las unas que las autras se ne cresi lor carta de visita.
Ai verificat, dins l’Ubaud ortografic, lo mot que se tròba entre areomètre e areostil, e Le Robèrt, pichon o grand, lo definís coma una “assemblada de jutges, de sabents, d’òmes de letras fòrça competents”.
Son pas que doctors e mèstres en linguïstica, en sciéncias del lengatge, etc. Ai passat de professors agregats e egrègis. Totes naturalament son expèrts —al mens o supausi— de la cultura e lenga occitanas. Ne doblidi, de segur, per çò que ne i a que t’alinhan los pergamins coma d’autres las quilhas a la fièira.
Autres còps, lo monde èran tot ufanoses —e avián rason— de dire qu’avián lo “santificat d’estudis” per mostrar que sabián legir e escriure correctament la lenga da la Republica. Ara, me demandi qu’es aquela tissa d’acompanhar son estat civil, non pas de son mestièr eventualament mas de sos diplòmas. Personalament, vesi pas en qué d’èsser un matematician, un filosòf o un politician te balhariá mai de legitimitat dins lo domeni occitan.
N’es tot parièr pels opinants dels opinants ! De la -e de sosten o la -h muda a la color de l’arcolan, o sabon tot…
Enfin, se la lenga morís, serà pas en causa de la manca d’expèrts.
E aquò vos o pòdi dire, ieu que ne soi un: expèrt es repotegadís!
N’èri estat tot susprés mas coma lo veniái veire per que m’entresenhèsse suls ostals qu’èran a logar e qu’èri un pauc pressat de trobar quicòm, aviái pas fach cap de remarca!
Aquel preambul per vos dire que me tròbi pas tròp a mon aise aicí, dins Jornalet.Com, dins la casa reservada als opinants amb tot un aerof… aeropa… non, un areopage de personas que semblan èsser totas mai saberudas las unas que las autras se ne cresi lor carta de visita.
Ai verificat, dins l’Ubaud ortografic, lo mot que se tròba entre areomètre e areostil, e Le Robèrt, pichon o grand, lo definís coma una “assemblada de jutges, de sabents, d’òmes de letras fòrça competents”.
Son pas que doctors e mèstres en linguïstica, en sciéncias del lengatge, etc. Ai passat de professors agregats e egrègis. Totes naturalament son expèrts —al mens o supausi— de la cultura e lenga occitanas. Ne doblidi, de segur, per çò que ne i a que t’alinhan los pergamins coma d’autres las quilhas a la fièira.
Autres còps, lo monde èran tot ufanoses —e avián rason— de dire qu’avián lo “santificat d’estudis” per mostrar que sabián legir e escriure correctament la lenga da la Republica. Ara, me demandi qu’es aquela tissa d’acompanhar son estat civil, non pas de son mestièr eventualament mas de sos diplòmas. Personalament, vesi pas en qué d’èsser un matematician, un filosòf o un politician te balhariá mai de legitimitat dins lo domeni occitan.
N’es tot parièr pels opinants dels opinants ! De la -e de sosten o la -h muda a la color de l’arcolan, o sabon tot…
Enfin, se la lenga morís, serà pas en causa de la manca d’expèrts.
E aquò vos o pòdi dire, ieu que ne soi un: expèrt es repotegadís!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9
Aquò's vrai que, de còps, som aublijats de coutivar de coneishenças shens diplòmas, percé que nos'n balhan briga la possibilitat. Aimari pr'exemple alargir un pauc mes coneishenças en fitofarmacologia / fitotoxicologia, e hèser validar aquò per un diplòma.... mès n'ec pòdi pas, percé que fau estar dejà çurgent o farmacian per s'inscriver dens la formacion.
#8
Euh, vòli diser en medecina classica, convencionala.
#9-Una analisi per far meditar.
D'efiech, crese pas que degun aquí prese l'ignorància.
D'un, l'i a lo problema daus diplòmas, totjorn metuts en avant en França, coma si un podiá pas èsser "sabent" dins un domeni sens èsser diplomat.
De dos, quò es pas perque un es sabent dins un domeni que quò es necessari de se carrar, de se'n enorgulhir.
Prese mai que tot lo principi grèc de la dòcta ignorància o "Çò que sabe, quò es que sabe ren" e pertant, fau desjà ne'n saber beucòp per se'n avisar. Suvent, mens ne'n sabem, mai cresem ne'n saubre o coma disiá l'autre (Desproges m'es 'vis) : "La cultura, quò es coma la confitura, mens ne'n avem, mai l'espandissem".
Crese mai que tot que l'orgulh es un mau prigond que ne'n patissem personalament e subretot que fai patir los autres e l'orgulh, quò es pas exactament la "fiertat" o la satisfaccion : un pòt èsser fier d'aver acomplit quauquaren (daus estudis...) sens ne'n venir necessàriament orgulhós.
Respieche beucòp la gent que son pertant pas linguistas diplomats mas que, totparier, an de las coneissenças plan finas sus lo subject.
#5
Cresi que los diplòmas -- mès tanben l'experiéncia !! important ! -- son importants per hèser enténder sa voètz dens certèns domènes. Per exemple, en medicina tradicionala.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari