CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Lo repotegaire

Dijòus, 30.10.2014 03h00

L’enemic del dedins: aquí l’alh!


Comentaris 3 comentaris    
Dolent Fluix Bo Molt bo Fabulós (3 vòtes)
carregant En cargament


Avant, i aviá los “Roges”, lo “cotèl entre las dents”, qu’èran prèstes a rotlar amb lors carris d’assaut sus los Camps elisèus coma los amics d’Otra Rin lor avián mostrat un pauc abans. Aquel enemic desapareguèt quand daissèron tombar lo mur de Berlin. D’aquí endavant, anava èsser “patz sus la tèrra als òmes de bona volontat”.
 
Los Sovietics, venguts Russes, abandonèron, pendent un temps al mens, lo “cotèl entre las dents”. Lo mond occidental, e los Franceses en particular, ne foguèron tot destimborlats.
 
Lo mond occidental se’n trobèt un autre lèu lèu mas aqueles volián far a la guèrra sens n’aplicar la règlas admesas dempuèi sègles demest las nacions civilizadas. En mai d’aquò, considerèt que de prometre setanta verges al paradís als combatents que se fan petar ont que siá [was] not sport” coma dison los Angleses. Aquel enemic novèl, considerat coma mespresable, èra pas de comptar.
 
Euròpa, e los Franceses en particular, foguèron en consequéncia daissat a lor manca d’enemics tradicionals: los Angleses longtemps a, los Teutons mai recentament e los Russes qu’avián pas pensat a l’usança del temps…
 
Alara, los Franceses se deguèron trobar un enemic del dedins, inventat en son temps per un èx-ministre de l’Interior, Raymond Marcellin.
 
Fa de temps ara que vòtan pas mai per una politica mas contra una autra. Vòtan pas per un òme politic mas contra un autre, etc.
 
Los còrses constituits, los partits, los sindicats, los grops de pression – lobbies en francés – per la votz de lors representants prenon generalament una posicion contrària a la que seriá estada la lor foguèsson estats dins lo camp advèrse; los uns coma los autres al nom naturalament de l’interès de qualques uns que fan passar per l’interès general.
 
Disi pas qu’aja cambiat dempuèi l’an pèbre mas, al jorn de uèi, los “elements de l’engatge” son fornits als uns e als autres per los “consultants en comunicacion” qu’emplegan totes los meteisses arguments “fòra sòl”. E ne vesèm las consequéncias!
 
Sèm venguts un país ont las gents se parlan pas pus mas co-mu-ni-can.
 
Los blòcs – politics – an fonduts e, amb lo rescalfament, nos traobam totes enfangats (ops!) e vos cal pas pus demandar perqué vòstra filha es muda!



publicitat
BANER1-2-3: DGPL TRADUCTOR



Comentaris

30 d'octòbre 22.38h

#2 As plan rason, dròlle, i a causas qu'escapan sustot quand òm escriu a la lèsta... Çaquela, son pas que parpèlas d'agaça e aquò deuriá pas metre nòstra lenga en dangièr.
Mas, al luòc de far lo professor dels trabalhs acabats, deuriás escriure pel jornalet... O sabes que, se la critica es aisada, l'art es...
Sens rancura...


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

30 d'octòbre 17.31h

Corregir: "foguèron en consequéncia daissatS a lor manca d’enemics"
"nos trObam totes enfangats"


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

30 d'octòbre 08.29h

camps elisèus = Alis camps ! e dins lo quite paris i a un "square" aliscamps ! topin de diu ....


Valora aquest comentari:   votar positiu 1   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Categorias

Mai d'articles

Archius




D'autres articles


Jornalet, gaseta occitana d'informacions