CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Divendres, 24 de mai

Lo repotegaire

Dijòus, 21.5.2015 03h00

“Ma lenga de casa es la sola que valga!”


Comentaris 19 comentaris    
Dolent Fluix Bo Molt bo Fabulós (13 vòtes)
carregant En cargament


I a ja qualque temps que me pausi de questions sus l’oportunitat de contunhar a me batre per nòstra lenga…
 
Lenga particulara que los vièlhs i tornan un còp a la retirada per tornar trobar çò que foguèt lor vida de pichons. Son uroses, segur, de trobar de monde que, sens èsser occitanofòns de naissença, luchan per la lenga e la cultura e los pòdon ensenhar.
 
Devi admetre qu’aquò fa plaser de los veire engolir la grafia e de transmetre la lenga del brèç.
 
Mas es pas tot… los vièlhs tròban dins aquela activitat una ocupacion mas lo problèma amb eles es que an fach lor vida e son per morir lèu… quitament se lor desiri de viure lo mai longemps possible!
 
Una lenga e una cultura an besonh d’un avenidor. Pòt arribar que la cultura demòre e que la lenga morisca… Mas nautres disèm que volèm que nòstra lenga visca…
 
I a los joves calandrons e los de las classas bilingüas que son plen d’estrambòrd… N’i a qualques uns que se “salvaràn” mas son pas  nombroses a servar la lenga un còp daissada l’escòla.
 
E i a los regiments —lo regiment?— dels que se bolegan per far progressar la lenga e tot çò que va amb ela.
 
Mas aquò dich, ont ne sèm?
 
Quand òm legís las remarcas dels que comentan sus “Jornalet.com“ o sus d’autres sites, que legissèm?
 
Lo mai sovent, son pas que garrolhas, que criticas per una -e en tròp o una -a en mens, per un subjontiu doblidat, etc.
 
Son nombroses los que vòlon a tota fòrça servar, dins lors intervencions cap a un public divèrs, lo parlar d’ostal al nom de la libertat de ci… del drech de là…
 
Mas, macarel, ont nos mena aquela faiçon de far?
 
I a los literators, escrivans, poètas, etc. que se vòlon al dessús del vulgum pecus e que demandan la libertat de creacion sen se sociar del public.
 
Òc ben, participan, s’an pas ren mai a far, a las manifestacions (quand n’i a) en favor de la lenga e, aprèps, tornan dins lor tòrre d’evòri.
 
De qué fan per l’espandiment de la lenga se degun los legís?
 
Cap a un estat e a un monde politic qu’a santificat lo francés e sa cultura, cap a de mèdia que commprenon pas que lo patois es pas un patois, se cal pas plànger e plorinejar contra lo capitalisme, e totes los autres -ismes, cal far d’accions cada jorn, cadun de son costat e arrestar de criticar quand n’i a qu’organizan una accion de massa.
 
Soi pas jamai estat un afogat de las maniestacions e las manifestacions occitanas son gaireben las solas que i participi.
 
Mas aquí tanben, cadun se bota darrièr la bandièra de son vilatge…
 
N’ai vist dempuèi annadas un fum qu’an abandonat, qualques uns que son venguts anti-occitan; e parli pas de los que repotègan contra l’assassinat de la lenga bearnesa o provençala o la lenga de mon c… e que o fan en francés.
 
I a la lenga de casa, coma dison los Gascons mès i a la lenga de comunicacion que cal espandir. Digatz-me a qué servís de dire: alimau, alimaut, animaut, —pòdi perque pas metre totas las letras de l’alfabet!— per animal o animau?
 
L’abat Grégoire voliá anientir los patois… Los de París an pas de lagui a se far, los Occitans se’n cargan!



publicitat
BANER1-2-3: DGPL AN LAFONT



Comentaris

23 de julh 08.03h

#18 Si-ben! Sèi franc d'accòrd ambei tu par las manifestacions... Me pense qu'aquò siriá un gèste fòrt d'unitat par nosautres occitans dau nòrd. En mai, aquò ensenharà le monde "lamda" de las nòtras frontèiras que ben sovent las conéisson pas gaire.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

21 de julh 19.20h

Voldriái dire au Sénher Chovel, a perpaus de son vejaire datat dau 30 de mai, que li done rason.
Ja, me fai gaug de legir de bas-auvernhat, de per sas respònsas, que save pas de noms d'autors occitans escrivent dinc lo parlar de Clarmont e son ròde. Lurs sémblon que son oblidats los bas-auvernhats, e aqueste sentit es bien normau. Segon ieu, son pas pro representats.
Fasètz-nos assaupre de noms d'escrivans, de revistas d'Auvèrnha Bassa e d'autras causas non sai...

De mai, quand parlatz,... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

16 de julh 19.53h

#15 As parlat de totas las menas d'occitan, mas par surat, as obledat l'Auvernat... Sabe bin que l'as pas fait par mau, mas qu'es totjorn pareir... E l'jorn ente bastiràn aquel occitan 'standar quò sira quò-mesme! ...obledaràn coma de costuma l'Auvernhat, sobretot sa varietat dau nòrd... Qu'es aquò que me fai paur... Se la nòtra linga z-es en dangeir... que dire par le Bas-auvernhat?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 de julh 13.59h

FIN

L'an passat, capitère sus lo wèb un jornalet que sortiá d'articles enteressants. Chascun i donava son vejaire. Tot aquò èra d'un nivèl pro enauçat e quò m'anèt bien.
Puèi, plan-planet, vos veguère s'acampar de monde que se pòdon pas empachar de donar lur vejaire sens cercar brega o tustar los legeires. Se pòt donar son vejaire sens escupir sas verinadas, pasmens...
I a quauquas personas que màncon de mesura e se deuriáun beure una tisana de limoneta, per de dire de s'amaisar... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 de julh 13.56h

SEGUIDA

Aitanben, per non s'embestiar la vida, avèm totjorn la possibilitat de causir (per lur prestigi tant istoric coma economic o literari) lo lengadocian occidentau, o lo provençau rodanenc, o ben lo provençau maritime de Gélu, Bernard, o ben lo daufinenc de l'Abat Moutier, o ben lo lemosin de Chèze, Grenier, Mouzat, Chapduèlh, o ben lo gascon de las Lanas, d'un Manciet o d'un Godolin, vos save ieu...
Solucion autra : podèm totjorn causir un parlar d'escambarlons sus totas aquestas ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 de julh 13.54h

Mon diu ! Aquí un subjèct que s'amerita de i perpensar. Que la lenga s'atupigue per morir completament deman, que se mescle au francés o que n'enfluéncie solament sus lo fons la sintaxi e l'eime, de tot biais, mai per lo pauc de lenga que fasèm viure, nos fau una lenga estandardizada sens o èstre. N'aurem de besonh. Aquò empacharà pas qu'aquela lenga uniformizada veirà espelir, quauque jorn, una evolucion : es la vida qu'es coma aquò. Produrrà ela mai sa quita tièira de dialèctes (... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

10 de junh 19.38h

#12 Tanben, se la nòstra linga vendriá oficiala un jorn, l'espere, seriá perfèitament disposat d'empleiar un occitan 'standar... Par surat! E vese pas gis de problema par aquò...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

30 de mai 18.42h

Nos faudriá treitot escriure en lengadocian??? pfff!!! Son los meimas que que parlan de la beutat de de la nòstra diversitat lingustica e que volon nos empachar de parlar nos dialeites! Ieu, contunharai d'escrire 'linga' par lenga, benliau par benlèu e d'autres enquèra... Sobretot qu'es sovent par de rasons de prononcicions... Pardeque quò me fai gran plaser de partatjar de particularitats d'Auvèrnha-bassa, d'embei le monde que commentan los articlhes...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

28 de mai 10.24h

#9 Encara un que se crei jutge !


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

26 de mai 18.59h

Aqueste article ditz la vertat, coma cal. Mercé, lo Repotegaire!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Categorias

Mai d'articles

Archius




D'autres articles


Jornalet, gaseta occitana d'informacions