Bandièra01 1180x150: Comuna de Tolosa

Opinion

Ieu tanben, vos pòdi far de promessas…

La Cort Europèa dels Dreches Umans
La Cort Europèa dels Dreches Umans
Abans l’Estivada, nòstre president diguèt que voliá far adoptar la Carta de las lengas istoricas de França.
 
Vaquí un president qu’a de la seguida dins las idèas, non? Aver d’idèas còsta pas res e vos pòt amenar d’electors!
 
Se’n parlèt donc a l’Estivada, se’n parlèt dins la premsa occitana e Jornalet  ven de publicar un punt de vista de Gèli Grande que repotèga contra aqueles jornals satirics que se trufan de nosautres. Lo Sumien n’aviá publicat un (de punt de vista) per dire que tot aquò èra pas que de podra als uèlhs.
 
En cas que l’auriatz pas remarcat, soi pas un independentista, per que qué siá de tota faiçon, pas pus per Occitània que per França.
 
Seriá benlèu temps de vénguer al mens europèu!
 
O sabèm que la premsa exagonala seguís la linha majoritària francesa.
 
E sabèm que los elèits Franceses son mai anglosaxons que non pas exagonals. Mas l’unicitat de la nacion, la linha blava de las Vosges son un biais per eles de gardar lo poder, lor poder.
 
Allòc de maudire aqueles “sacrés Français” que ne fasèm partida que o volgam o pas, fariam mailèu de nos interrogar sus las amiras a aténger.
 
Serà pas una frasa dins la Constitucion que cambiarà que qué siá.
 
Ai pas la solucion si que non vos l’auriái balhada, brave monde. Mas tot passa e passarà per una pression constanta suls elegits que permetriá d’avançar a passes menuts.
 
Devèm luchar encara e encara contra lo nacionalisme linguïstic —e autre— en ensajant, perque pas, d’anar en justícia. Utopia?
 
Cal mostrar l’ipocrisia de l’Estat quan exigís que los entrants novèls dins Euròpa respecten las minoritats linguïsticas de lor país mentre que França se contenta de dire que i a pas cap de minoritats linguïsticas en cò nòstre.
 
Nos cal ensajar de desvolopar los mèdia e sabi que i a d’Occitans que se’n preocupan.
 
Avèm progressat aquelas recentas annadas. Mas deu i aver quicòm que truca quand vesèm la premsa nòstra amb tant pauc d’abonats. Cal anar cap al monde per los convíncer de s’abonar o d’ajudar.
 
Perqué pas envisatjar pas d’accions contra los mèdia tele?
 
Nos cal denonciar e denonciar encara l’ipocrisia que nos environa…
 
E en disent tot aquò, me sentissi copable per çò que vivi dins mon canton coma un salvatge!
 
Soi segur d’una causa, ça que la: se totes los que repotegan dins Jornalet, a la Setmana e enlòc mai quitavan de dire “iakafaukòm” aquò balhariá benlèu de coratge als autres que son mai timides e que fan coma lo can de Nivelle —es a dire que se’n van luènh, luènh— quand legisson totas aquelas asenadas!
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

lo repotegaire
7.

#4 amic,
Ieu soi lo repotegaire anomim oficial amb lo nihil obstat de la redaccion de Jornalet, condicion de ma collaboracion , aquò per rasons personalas e deontologias. Soi un escondut oficial, qué !

  • 0
  • 0
Gèli Grande Lairac en Agenés
6.

#5
Amic Balloux avètz mal compres

Mai de quaranta ans de practica dels estats espanhòls e francés fa que soi coma D Sumien. Soi gaire optimista per l'avenidor de las lengas autras que lo francés e l'espanhòl dins aqueles dos estats e d'autres se los pòbles concernits ne sortisson pas.

La volontat d'aparèisser coma una sècta o sabètz es pas jamai estada nòstra ...
Que que fagam, son los estats que senhorejan los nòstres pòbles que nos vòlon pas balhar los medishes dreits linguistics e culturals que los de las populacions qu'an totjorn parlat espanhòl o francés.

Reclamam pas d'èsser a despart per èsser a despart.
Reclamam l'EGALITAT

Partènt d'un moment cal causir :

Sia prenèm las causas en man e decidissèm del nòstre avenidor e serem çò que bastirem (Federalisme, Autonomia o independéncia)

Sia cresèm que podèm encara negociar e coma dins l'afar de la cauma de la fam del David Grosclaude, un decret de creacion de l'OPLO nos es prometut per la fin de l'estiu sens precisar l'estiu de quina annada.

  • 2
  • 0
Gaby Balloux
5.

#4
N'èster pas avuglament per l'independéncia occitan(ist)a shen discutar, shens nuançar nat punt, vòu díser èster un enemic a combàter infeudat a la França, per vos ? E ben m'estona pas que certens comparin lo combat per les lengas miaçadas demb una religion.

  • 0
  • 0
Gèli Grande Lairac en Agenés
4.

Car repotegaire

D Sumien e ieu avèm lo fetge de signar nòstres punts de vista del nòstre nom d'ostal vertadièr del temps que vos amagatz darrièr un escaisnom.

L'avantatge de jornalet es que i se pòdon exprimir monde que son per o contra l'independéncia d'Occitània. Es lo vòstre dreit de voler gardar fòrt e mòrt la vòstra cadena blava blanca e roja.
D'aqui a afortir "aqueles “sacrés Français” que ne fasèm partida que o volgam o pas" aquò engatja pas que vos.

Escrivètz que "Devèm luchar encara e encara contra lo nacionalisme linguïstic —e autre".
Lo nacionalisme que siaga lo d'un estat imperialista (Espanha, França, Italia o d'autras) o lo d'un pòble que luta per son autonomia o son independéncia, a la basa i a tostemps una basa linguistica, i podètz pas escapar.

Cal arrestar de somiar, las estructuras dels estats Espanhòl, Francés e Italian son fachas per l'espanhòl, lo francés o l'italian ... son pas fachas per assegurar la subrevida del catalan, del basco, del portugués de Galicia, del còrs, de l'alemand d'Alsacia o del Tiròl, del nederlandés, del breton o de l 'occitan.

L'Euròpa de l'egalitat de totes los pòbles es una luta de cada jorn

  • 1
  • 0
lachaud
3.

"Mielhs vau far lo bian que criticar lo mau" disia un autre satge.
Fau pas criticar dins lo sens "tu, m'espleitar, tu me fas aqui, aquò."
Fau balhar daus arguments que montran qu'avem aitau lesat, mocat, mesprisat coma zo faria un avocat de la defensa.
Anar en justici quò es montar un dossier.
Es quò que dins jornalet, la setmana, pausam las questions que los occitans se pausan? Es quò, si eratz pas ocitanistes butir per l'idéia de defendre e espandir la cultura occitana, aimeriatz legir jornalet?

  • 1
  • 0

Escriu un comentari sus aqueste article