CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 21 d'agost

Lo repotegaire

Dijòus, 29.10.2015 03h00

Repotegaire anonymous


Comentaris 6 comentaris    
Dolent Fluix Bo Molt bo Fabulós (11 vòtes)
carregant En cargament


Son una causa extraordinària las estatisticas: segon los organizators, i aviá un quinzenat de milièrs de manifestants al Clapàs, segon la polícia, sièis mila! Seriá benlèu temps de s’amagar pas darrièr nòstre det, pichon o pas e d’acceptar d’èsser mens nombroses que prevists, non?
 
“Anèm òc! per la lenga occitana!” cridavan los pichons de las calandretas  per se far entendre. Aparentament, i aviá pas grand monde per cridar: “Anèm, òc, per la lenga dins l’educacion publica!” Curiós, non?
 
La coordinacion per la manifestacion regropava l’IEO e Calandretas… Lo Felibrige e la Felco èran plan amagats  per çò que los ai pas vists. Benlèu que fonhavan. Curiós, non?
 
Lo percors èra un modèl del genre per geinar pas degun e ai quitament demandat a qualques personas qu’èran seitadas a un arrèst de tram se volián montar dins la manif per çò que i aviá encara de plaça. E òc, per los que i èran pas, los manifestants remplaçavan los trams en seguint sa rota sus la màger part de l’itinerari. Interessant, non?
 
Sabi qu’es pas aisit de negociar amb las autoritats, la polícia, etc. Mas aquí los organizators son estats preses per de colhons. Vos estona?
 
Lo candidat de Los republicains se passegèt dins lo vilatge occitan abans la manifestacion e me faguèt un polit signe del cap quand me crosèt. Lo cònsol del Clapàs montèt sus l’empont e parlèt del Midi pel nom a venir de la novèla region. Interessant, non?
 
Los organizators parlèron tanben sus l’empont e volguèron galvanizar las folas. Avián recrutat un animator que, a cada frasa prononciada per un d’entre eles cridava: “Òsca!” e ensajava de far cridar los qu’escotavan.
 
I a quitament un organizator qu’aviá d’accents guerrièrs, d’après çò qu’ai pogut compréner. Disiá que la region deviá… que la region èra responsabla de… e tot aquò amb de “Macarèl!”, “Nom de Dieu!” e autres renècs que portavan res de res a sos rotaments lingüistics mas que fasiá —al mens es çò que deviá pensar— mai popular, estant que lo pòble occitan, se sap, emplega de renècs cada dos o tres mots per èsser pas confondut amb un francimand.
 
O sabi que cal de tot per far un monde, coma disiá ma grand, mas seriá temps que los qu’aiman tant la lutz e que se creson sortits de la cosina de Jupitèr saupèsson se calar per èsser pas ridiculs e grotèsques.
 
E ieu, paure occitan e occitanista de basa, qu’auriái degut gular contra aquela vergonha vergonhosa d’un tal eveniment dins son ensemble, ai manifestat amb los autres e me soi calat en entendent aquelas cridadissas…
 
Ieu tanben me soi sentit ridicul mas al mens me ne rendi compte…



publicitat
BANER1-2-3: DGPL DICTADES



Comentaris

30 d'octòbre 20.59h

#5 Mercés de m'aver assabentat.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

30 d'octòbre 15.58h

#4 La pausicion de la FELCO es pas solament la de la "capoliera" (paraula de capolier) : nostre foncionament es collectiu, sio pas segur que totes poschen dire parier. Serè un jorn possible de far d'analisis qu'anen un pauc en delai de las questions de personas ? De rasonar e de parlar politica, per ex? La realitat, en defora dau fach que tot es estat fach per d'unes per nos forabandir de tota coordinacion sus la basa d'ultimatums inacceptables, es que pensaviam que la granda manif en un sol... Legir la seguida


Valora aquest comentari:   votar positiu 7   votar negatiu 4
Respondre comentari replica Comentari inadequat   Formulari d'abús de comentari

30 d'octòbre 13.40h

#3 Sias solet a pas saber perque i èran pas ! FELCO = pas contenta la capolièra (ai reçauput mai d'un messatge per demandar de ne pas manifestar), Felibrige oficial = volia pas causir entre La (Montpellier) e Las (Arles) lengaS d'Oc.


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

29 d'octòbre 14.31h

#2 Ieu tanben n'ai vist mas çò que voliái dire es que, per rasons que conèissi pas, e lo Felibrige e La Felco èran absents.
E sabèm totes que la cèba ( l'oignon en francés) fa la fòrça a! a! a!
La rason d'aquel escumenge? O sabi pas, personalament


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

29 d'octòbre 13.58h

Ieu n'ai vist de felibres e de redactors de Prouvènço d'aro...


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

29 d'octòbre 10.27h

Era triste d'èsser dins la même manifestacion qu'aquel fotut camion.


Valora aquest comentari:   votar positiu 5   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Categorias

Mai d'articles

Archius




D'autres articles


Jornalet, gaseta occitana d'informacions