CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Divendres, 23 d'agost

Lo repotegaire

Divendres, 27.11.2015 03h00

L’autre costat del miralh?


Comentaris 7 comentaris    
Dolent Fluix Bo Molt bo Fabulós (4 vòtes)
carregant En cargament


Seriam donc passats totes de l’autre costat del miralh?
 
Los que, ièr, avián pas de mots pro rufes per blaimar los que volián atemptar a nòstras libertas, se son rengats coma un sol òme darrièr mesuras d’excepcion, temporàrias de segur, mas mesuras d’excepcion ça que la.
 
Los que, ièr, repotegavan contra los suportaires que cantavan pas mas bramavan l’imne nacional li tròban uèi totas las vertuts.
 
Los que, ièr, trobavan que lo drapèl de las tres colors, bastava ben pro que foguèsse agafat suls bastiments oficials, son los primièrs a demandar que cadun lo faga veire a sa finestra o lo penja davant l’ostal.
 
Los que… seriá tròp long de far la lista de tot çò que, ièr, fasiá lo lièch del capitalisme pels uns del nacionalisme pels autres.
 
Soi pas jamai estat personalament un -ista e ai pas jamai tròp aimat los -ismes. E soi pas un afogat ni del drapèl ni de l’imne del país e devi dire que la “sang impura” quitament quand èri drollet m’a pas jamai tròp agradat.
 
Ai pas besonh d’aquò per me sentir un ciutadan responsable que sap çò que deu a la comunitat nacionala francesa mas me sentissi en res un patriòta quand “patriòta”, fins ara, es un sinomim de “replegament”.
 
Los que nos demandan uèi de nos mostrar patriòtas son los meteisses qu’an menat Euròpa dins una carrièra bòrnia en causa de lor egoïsme e de lors interèsses del cort tèrme.
 
A! Son astrucs los que ne son damorats a la “linha blava de las Vosges” e a un país blanc de blanc. Pòdon ben jubilar que, quitament se l’an pas fach exprès, gràcia a qualques fadorlas, poirián metre benlèu lor ideologia en practica dins pauc de temps.
 
Nòstra classa politica —pas totes de segur— e sa mesquinariá a pavat lo camin jorn après jorn, eleccion après eleccion, per la mòrt d’una cèrta democracia.
 
La quita lenga francesa, la sabon pas mai utilizar e elegits, mèdia, seguits per ciutadans nombroses, venon de descobrir lo mot: resisténcia!
 
E quina resisténcia! Tornar beure un cafè en terrassa, tornar al cinèma o a l’espectacle per mostrar que, nosautres los franceses, sèm capables de resistir. Se n’anariá temps benlèu que dobriguèssen un diccionari.
 
Lo lendoman del chaple, nòstres elegits, sens cap de vergonha mas al nom de la democracia, se comportèton en sesilha coma de grossièrs personatges — que son? E, a l’eleccion venenta, cadun pensarà pas qu’a sa parròquia per assegurar son avenidor dins las urnas.
 
Ai pas jamai comprés res a res mas m’ensenhèron los parents que lo civisme èra pas quicòm de vergonhós e qu’ajudar son vesin èra pas un crimi. E, per aquò far, ges de besonh del drapèl de las tres colors e d’un imne guerrièr…



publicitat
BANER1-2-3: DGPL AN LAFONT



Comentaris

28 de novembre 10.51h

Bé, arrivats aquí, que hi ha darrera d'estat Islàmic? Perqué ens odíen tant? Potser no veïem el que passa al món Àrab? Qui els manté? Perquè moren els inocents? Quins interessos hi ha, perquè existèixi aquesta gent? Ens cauria la cara de vergonya si hi savessim?
No ho sé, però miro mès enllà i el que veig no m'agrada la sang no s'apaga amb la sang.
Però igualment odio al que fan o han fet això.
L?Ernest. "El Tàrrega".


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

27 de novembre 16.40h

#5

Avètz de pròvas o es sonque un deliri verbal?


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

27 de novembre 15.54h

L'occitan es una lenga sens Estat e sens nacion ; aquí perqué es a las escanas. Tot lo mond o sap.


Valora aquest comentari:   votar positiu 8   votar negatiu 5
Respondre comentari replica Comentari inadequat   Formulari d'abús de comentari

27 de novembre 15.12h

#2
Donc èstre occitan es illegal? ;)
Seriosament, espère que plan lèu los occitans e las organizacions de defensa de l'occitan anam avedre las fòrças socialas sufisentas per tornar bastir una reflexion e un discors politic fòrt sus la diférencia entre "ciutadanatge" e "nacionalitat" per mostrar a quan ponch França se trufa dau mond...


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

27 de novembre 11.45h

#2

Mercés mossur l'administrator de la legalitat ;-)


Valora aquest comentari:   votar positiu 4   votar negatiu 2
Respondre comentari replica Comentari inadequat   Formulari d'abús de comentari

27 de novembre 08.35h

#1
bé òc, d'un punt de vista administratiu, legau


Valora aquest comentari:   votar positiu 3   votar negatiu 5
Respondre comentari replica Comentari inadequat   Formulari d'abús de comentari

27 de novembre 07.06h

"nosautres los franceses"?!
Ah ben ça alors!


Valora aquest comentari:   votar positiu 8   votar negatiu 5
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Categorias

Mai d'articles

Archius




D'autres articles


Jornalet, gaseta occitana d'informacions