Dempuèi lo 16 de decembre de 2014, lo grop Pythéas [Piteàs], un dels projèctes de Lou Dàvi [Lo Dàvid], es en corsa per lo Prèmi Ricard Live SA. Lo principi n’es simple, es un espectacle de talents sus lo web, los vòtes dels internautas ne fan lo classament: al 16 de genièr de 2015, nos cal restar (encara) dins lo tòp 100 per que nòstre projècte siá presentat a la jurada. L’artista qu’averarà lo prèmi ganharà una tornada e l’enregistrament d’un album, qu’aquò correspond a una dotacion de 60 000 èuros!
 
L’originalitat de l’identitat estetica de Pythéas (elèctro oriental d’òc) es pas de bon metre dins una casa, concorrèm donc dins la categoria “cançon francesa”. Sabèm pas per ara se i a d’autres grops que cantan en lenga occitana, mas sabèm que vosautres, en votant, sostendretz un grop que fa raionar la pluralitat de nòstra cultura e que son prepaus deu passar nòstras frontièras.
 
Per descobrir o redescobrir Pythéas, que faguèt especialament un pas remarcat a la darrièra edicion de l’Estivada de Rodés, i a de son e de vidèo sus la pagina del concors.
 Es sus aquela pagina, atanben, que nos poiretz sosténer en clicant sus “votar”, puèi esitetz pas a compartir nòstra candidatura.
 
Per accedir a mai de contenguts, vos podètz gandir sus nòstre sit web o sus nòstra pagina Facebook.

 
Una autra possibilitat: escotatz nòstre primièr EP sus de plataformas de musica en linha (Spotify, Deezer, iTunes…), qu’aquò vos permetrà d’esperar fins a la sortida de nòstre disc avenidor, previst lo primièr trimèstre de 2015.


 
Clicatz per nosautres e menatz Pythéas amb la cultura occitana sus las estradas de França, comptam amb vosautres!