CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Lutz Averós

Dissabte, 8.3.2014 03h00

Los limits de la comptabilitat


Comentaris 7 comentaris    
Dolent Fluix Bo Molt bo Fabulós (9 vòtes)
carregant En cargament


 Fa qualques setmanas, vegèri se far partejar suls malhums socials un imatge, amb de grafics que pròvan que l’immigracion non nos còsta pas, mas qu’es en fait benefica per l’economia francesa (rapòrta mai de 7 miliards). La tòca d’aquel imatge es de far calar los xenofòbs que dirián “l’immigracion nos pren nòstres emplecs, nos còsta car en ajudas socialas”. Es segur qu’es totjorn bon d’opausar una vertat a una messòrga, e l’escasença n’es tròp bèla! 

Mas aquel bais de far me pausa un problèma: nos foguèsson pas favorablas las chifras, quins serián nòstres arguments? 
 
Cada còp qu’escoti los debats politics, soi afartada d’estatisicas. Un sortís son grafic, l’autre lo sieu, se tustan sus las chifras, e qual ganha lo debat? Lo qu’a la mai polida corba? Lo qu’a lo sondatge que fa mai paur? Fan de las “donadas” un argument d’autoritat, per se donar l’imatge de qualqu’un de seriós, de rigorós. Al risc de negar l’espectator dins una mar de grafics. Mas un grafic se pòt contradire per un autre que mòstra çò contrari, o son interpretacion se pòt tòrcer. Una epòca que basa sas idèas sus de chifras es una epòca plan materialista. 
 
Disi pas que l’economia a pas son importància, al contrari soi convencuda que s’i cal interessar per evitar de se far colhonar o dire tròp de neciardariás. Ça que la, la compreneson dels fenomèns economics a pas res a veire amb la batalha de las chifras: un amic mieu parla d’economia en la comparar a la permacultura, per exemple.
 
Sur d’unes sicuts (aquí per exemple) me sembla que las chifras deurián pas èsser lo còr de la question. 
 
La question que val lo còp de se la pausar es: dins quina mena de societat volèm viure? 
 
Siá nos sentissèm amenaçats per l’autre, culturalament coma economicament, dins nòstre “biais de viure” (coma n’i a per o dire), e avèm una vision del país “fortalesa assetjada”: los que son defòra vòlon intrar, los que son dedins vòlon sortir, e l’estat (que doncas cal fòrt) n’empacha pas ni los unes ni los autres. 
 
Siá cresèm que l’autre nos amenaça pas, comprenèm qu’es natural per tot uman d’anar ont la vida li pòt èsser mai doça, avèm pas paur del movement, e doncas sèm per una societat dubèrta. Es segur qu’aquela vision m’agrada mai! 
 
A mai, seriá ipocrita d’importar de produits mas d’acceptar pas la venguda de personas. S’apèla la liura circulacion, deu foncionar per tota causa, o pas brica. Puèi francament: que val una frontièra? Pr’amor qu’un cap d’estat faguèt un dessenh sus una mapa, las aspiracions umanas ne serián vengudas diferentas?



publicitat
BANER1-2-3: DGPL TRADUCTOR



Comentaris

10 de març 10.04h

#6 Plan merces! S'agis pas de prospectiva mas del descriptiu. faràs diser al la chifras ren de mai que çò ensenhant et per aquò far sufis de los comparar amb las chifras d'ençò d'autres. Apèi te fas ton ideía.
Cric e crac lo compte(conte) es acabat i tornarai pas mai.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

10 de març 09.18h

#5 Aquò s'apela comprénguer pas un article. Chifras de totis en trobaràs segon on los vas trobar, en te diran lo contrari. Dempèi una annadas nis fasèm colhonar per sembla-economistas qu'an pas sonque la tòce d'apraubir los que son dejà praubes e enriquir los que son dejà rics. Dens las annadas 2000 los mes rics deu monde son vasuts encara mes rics. Crisi ? Colhonada, tiò


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

9 de març 20.06h

#4 Te rebecarai atal:

Bruxelles : La remarque sonne comme un avertissement. «Les hausses d'impôts en France ont atteint un seuil fatidique», estime Olli Rehn, vice-président de la Commission européenne, chargé des affaires économiques et monétaires. Dans une interview au JDD , 25/08/2013

Mardi, le ministre de l'Économie, Pierre Moscovici, avait crevé l'abcès en reconnaissant que le niveau d'imposition en France devenait problématique. «Je suis très sensible à ce ras-le-bol fisc... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

9 de març 11.32h

Mercés Lutz per quel article ! Iò falia dire tot quò. Quitament si me sembla que ton punt de vuda, que partege, es pas partejat per la majoritat de la gent (e mai dins lo quite movement occitanista).

#1 N'i a p'una associacion qu'aia pas d'ideologia, qu'es a dire un sistema de pensada que l'i permet d'interpretar las donadas. Qu'es necessari d'aver una ideologia, un sistema de pensada. Fau far la diferéncia emb lo dogme, la creiença, que permet pas vertadierament la reflexion.

Sei 'nat ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

8 de març 17.31h

#2 "Cap a la reconstruccion espirituala de l'umanita e donc a una pensada autra de notre biais de dirigear lo monde." ça nos dises.... Perque pas ? Malastrudament avem pas los mejans ne tanpauc la potencia per o far. Polit de somiar malaisit de far. (sens los mejans e la potencia)


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

8 de març 16.35h

Coma se fai que 7 miiliards de personas volan tots la mesma causa : la patz, lo bonhur, la santat, la solidaritat, l'entraida e que dempuei de nombros milenaris avem lo contraria? Trobaretz sur lo site "bouger la vie" una conferencia de dos americains que posan la question (Neale Donald Walsch et, Barbara Marx Hubbard ). Donald Neale arrieba a la conclusion que çò qu'es damandat, au jorn d'anuech, es la reconstrucion espirituala de l'umanitat. Quo nos amena lunh daus materialistme e d... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

8 de març 09.15h

Segur qu'ambe prèp de detz millions de caumaires, nos cal mai d'immigracion. Vèire lo sit "contribuables associés" que legisson pas las donadas ambe un filtre politic nimai ideòlogic, enfin se pòt supausar...
Vaqui lo rapòrt :
http://www.contribuables.org/wp-content/uploads/2008/03/monographie14_le_cout_reel_de_limmigration.pdf


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Lutz Averós

Lutz Averós logo rss

Femna de letras, observatritz del mond, romegaira coma cal

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions