Opinion
La solucion es Internacionala
Bon, le titòl es un pauc una galejada en referéncia aus dos autres articles “La solucion es Occitània” e “La solucion es lo Socialisme”. Le ponh z-es mai que mai de parlar d’un autre biais de veire complementare aus autres articles, le biais de veire internationau.
Ai un pauc l’impression qu’una partida dau monde occitaniste z-es barrat dins Occitània, dins l’occitan, e que le sol país en defòra z-es Catalonha. Quo-es una caricatura, què-es benliau pas vrai, mas quo-es una impression que tène. Me sovène per exemple, de quauqu’un que sabiá pas qu’una partida dau Daufinat es arpetana, o d’aquelas videos que podèm trobar sobre YouTube de “l’Istòria d’Occitània” (que son franchament dau roman nacionau occitan, mas quo serà per un autre article), ente i aviá d’un costat “Occitània” e de l’autre mas “França” o enquèra ‘quelas cartas ente i a “l’occitan” d’un costat e “le francés” de l’autre, sens comptar tots los païses, dialèctes, e culturas d’oïl que son benliau pas d’acòrdi embei quo.
Mas le ponh d’aqueste article z-es pas de blamar quauquas personas, quo-es sobretot de mostrar un biais de carcular mai internationaliste per las lutas occitanas (e d’esquèrra tanben).
Sèm pas tots sols per èsser daus pòbles, de las culturas, de las lingas, minorizadas. Dins chasque caire dau monde ne’n i a. Avèm un interèst commun embei un molon d’autres pòbles dins le monde, que se baton maitot còntra un imperialisme, mai o mens aisament que nosautres.
Embei tant d’interèsts communs, quo-es franc domatge que n-i a pas mai d’alianças embei ‘quel monde.
Ne n’i a un pauc, a l’eschala de França, “Pour que vivent nos Langues”, “Régions et Peuples Solidaires”... Tanben en Euròpa embei per exemple l’ALE. Pas grand chausa per l’internationau.
Nos faudriá botar en plaça mai d’iniciativas coma quo. Mai d’estructuras per partajar nòstra sapiença, per sostèner le monde que son le mai en dificultat, e sobretot, per pesar davant los imperialismes.
Per çò que l’occitanisme tot sol vai pas jamai capitar. Le sabèm dejà, e quo-es per quo que n-i a sovent Catalonha que nos ajuda.
Mas nos fau pas totjorn quemandar l’ajudar aus catalans, n-i a pas qu’ilhs dins le monde, e nos fau ajudar los autres que son pas de bona fòrça, per çò que van totjorn nos tornar quicòm d’interessant (e per çò que si defendèm l’occitan, defendèm per extension totas las culturas minorizadas dau monde, sinon comprène pas per de que fasètz quo, fau m’explicar).
Dirai que nos manca sobretot una estructura internacionala fòrta per los pòbles minorizats
Vos fau totjorn vos interessar a las autras culturas que l’occitan, si sètz occitanistas. Aus autres biais de formar una luta coma quo. n-I a totjorn quicòm d’interessant. Per exemple, iu ame ben m’interessar a las lingas d’Oïl (o Linga d’Oïl?), e las lingas amerindianas.
L’occitanisme deu pas faire las mèsmas errors que la cultura francesa e se sarrar sobre ilh. L’occitanisme deu totjorn èsser una dobèrtura sobre las autras culturas, e una potencialitada d’alianças per z-o faire capitar.
Ai un pauc l’impression qu’una partida dau monde occitaniste z-es barrat dins Occitània, dins l’occitan, e que le sol país en defòra z-es Catalonha. Quo-es una caricatura, què-es benliau pas vrai, mas quo-es una impression que tène. Me sovène per exemple, de quauqu’un que sabiá pas qu’una partida dau Daufinat es arpetana, o d’aquelas videos que podèm trobar sobre YouTube de “l’Istòria d’Occitània” (que son franchament dau roman nacionau occitan, mas quo serà per un autre article), ente i aviá d’un costat “Occitània” e de l’autre mas “França” o enquèra ‘quelas cartas ente i a “l’occitan” d’un costat e “le francés” de l’autre, sens comptar tots los païses, dialèctes, e culturas d’oïl que son benliau pas d’acòrdi embei quo.
Mas le ponh d’aqueste article z-es pas de blamar quauquas personas, quo-es sobretot de mostrar un biais de carcular mai internationaliste per las lutas occitanas (e d’esquèrra tanben).
Sèm pas tots sols per èsser daus pòbles, de las culturas, de las lingas, minorizadas. Dins chasque caire dau monde ne’n i a. Avèm un interèst commun embei un molon d’autres pòbles dins le monde, que se baton maitot còntra un imperialisme, mai o mens aisament que nosautres.
Embei tant d’interèsts communs, quo-es franc domatge que n-i a pas mai d’alianças embei ‘quel monde.
Ne n’i a un pauc, a l’eschala de França, “Pour que vivent nos Langues”, “Régions et Peuples Solidaires”... Tanben en Euròpa embei per exemple l’ALE. Pas grand chausa per l’internationau.
Nos faudriá botar en plaça mai d’iniciativas coma quo. Mai d’estructuras per partajar nòstra sapiença, per sostèner le monde que son le mai en dificultat, e sobretot, per pesar davant los imperialismes.
Per çò que l’occitanisme tot sol vai pas jamai capitar. Le sabèm dejà, e quo-es per quo que n-i a sovent Catalonha que nos ajuda.
Mas nos fau pas totjorn quemandar l’ajudar aus catalans, n-i a pas qu’ilhs dins le monde, e nos fau ajudar los autres que son pas de bona fòrça, per çò que van totjorn nos tornar quicòm d’interessant (e per çò que si defendèm l’occitan, defendèm per extension totas las culturas minorizadas dau monde, sinon comprène pas per de que fasètz quo, fau m’explicar).
Dirai que nos manca sobretot una estructura internacionala fòrta per los pòbles minorizats
Vos fau totjorn vos interessar a las autras culturas que l’occitan, si sètz occitanistas. Aus autres biais de formar una luta coma quo. n-I a totjorn quicòm d’interessant. Per exemple, iu ame ben m’interessar a las lingas d’Oïl (o Linga d’Oïl?), e las lingas amerindianas.
L’occitanisme deu pas faire las mèsmas errors que la cultura francesa e se sarrar sobre ilh. L’occitanisme deu totjorn èsser una dobèrtura sobre las autras culturas, e una potencialitada d’alianças per z-o faire capitar.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Una solucion en permèir, per començar, es d 'ÈSTER occitan si-medish a tot moment : pensar en occitan, se parlar occitan a si-medish tostemps, / , emplegar l'occitan per TOT a casa / emplegar l'occitan damb lo monde , quitament damb los que ne lo parlan pas , un mot, una frasòta , un dit, atau , a tot moment ... / víver occitan tan que se pòt en hèser arrepè au pensar globish e franchiman deu consum... Com los pairs e mairs e aujòus vivèvan en occitan naturalament .... Un rocàs en las èrsas , contre las èrsas. .... Mei aisit atau de convénquer los autes .
#6 E ben, per surat qu'en disant quo, anèm pas ren faire capitar. Si disèm que l'occitanisme quo-es 'chabar, dònc vau tornar parlar francés, quo-es mai aisat dins la vida.
Mas non, iu vòle pas z-o creire, vòle faire batalha mèsma si quo-es perdut d'avança.
Per çò que sèi surat d'una sola chausa, si menèm pas batalha, quo serà per surat perdut.
E vòle dire maitot que n-i a jamai i-una solucion, mas un molon de biais de faire.
#5 Sèi d'accòrdi ! Pense que los tres articles son complementarres.
#4 Ò ! Sabiá pas que quo existiá ! Quo-es franc cool ! Mas de çò que vène de veire semblan un pauc moribond :/
E òc-es, per surat que l'esperanto z-es le melhor biais de parlar en luòc de l'inglés !
#4 Ò ! Sabiá pas que quo existiá ! Quo-es franc cool ! Mas de çò que vène de veire semblan un pauc moribond :/
E òc-es, per surat que l'esperanto z-es le melhor biais de parlar en luòc de l'inglés !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari