CAPÇALERA: Generalitat de Catalunya
CAPÇALERA2: IEA-AALO

Jornalet, gaseta occitana d'informacions

Diluns, 29 de novembre

Maime Caillon

Divendres, 13.9.2013 03h00

Elisée Reclus, geograf anarchista e ecologista


Comentaris 8 comentaris    
Dolent Fluix Bo Molt bo Fabulós (5 vòtes)
carregant En cargament


Elisée Reclus
© Nadar




Etiquetas
caillon, reclus

Coma ecologista e occitanista me pause la question d’una ecologia occitana. Existís una espeficitat occitana dins la pensada ecologista? La responsa es’cepta: si existís una ecologia occitana, au sens primier dau mot, d’estudi dau mitan naturau, coma zo nos mostran los tres darriers articles de Gabrièu Balloux, existís pas de pensada ecologista especificament occitana. Pertant daus occitans an participat a la creacion de quela sciéncia e de quela pensada politica. Vos los voudriá presentar.
 
Lo primier serà Elisée Reclus. Nasquet en 1830 a Senta Fe la Granda (Agenés). Filh d’un pastor protestant, anarchista que participet a la comuna de París, autor d’una geografia universala que vai transformar lo biais d’abordar quela sciéncia, Elisée Reclus es mens conegut coma ecologista nimai coma precusor de l’ecologia scientifica. Pertant fuguet un daus primiers a alertar sus lo dangier representat per las destruccions diversas de la natura tant per ela que per l’umanitat.
 
Jòune, venguet vegetarian après aver vist lo tractament reservat aus pòrcs. Un viatge au Brasil ont descubrirà la bochariá industrializada lo marcarà tanben. Detestava la corrida. Son biais noveu per un geograf d’analizar los territòris – en soslinhar la complexitat dau mitan e sens privilegiar un sol factor – li permetrà de devinar lo sòrt reservat aus èssers vivents marcats per la pollucion: “Puraràn los peissons, si l’i prenon pas garda: los glaciers, los torrents, los oceans, las nibles seràn solhats... Fau defendre la natura, breç e oxigen de l’òme”. Exilhat en Soïssa après la Comuna, i denonciarà enquera las atentas a l’environament: “Leu aglas, voutors, gipaets existiràn nonmàs dins nòstres museus, desjà se vei mas un sol niu d’un auseu solitari e mesfiós, vielh mieg paralizat, minjat per los parasits. L’orsilhon gingaire, lo lop an desjà desaparegut”. E mai i denonciarà lo productivisme: “(los especulaires) s’ocupan pas dau luench avenir: d’en primier ganhar, marchar sus un chamin pavat d’argent, e veirem mai tard: los enfants s’adobaràn! Après nautres lo deluvi!”
 
Vos conselhe de legir doas de las soas òbras que se poden trobar en linha o reeditada recentament. Son daus vertadiers tractats d’ecologia: son histoire d’un ruisseau – istòria d’un riu – e son histoire d’une montagne - istòria d’una montanha.



publicitat
BANNER1 - IEO 09 divendres espaci occitan



Comentaris

15 de setembre 12.08h

#6 A, zut, avia pas la sang, mèrda, annulatz l'article siuplèt, i a un fachò cap e tot que se tròba mau.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

14 de setembre 20.26h

Interessant de notar que son nom foguèt représ en omenatge per lo GIP Reclús de Montpelhièr que renovelèt la geografia dins las annadas 90 altorn de Roger Brunet e realizèt una novèla geografia universala.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

14 de setembre 15.11h

La familha Reclus qu'èra miei gavacha deu costat de la mair, ua Trigant de la La Ròcha Chalés, la sola comuna d'òil de Peiregòrd.


Valora aquest comentari:   votar positiu 0   votar negatiu 3
Respondre comentari replica Comentari inadequat   Formulari d'abús de comentari

14 de setembre 11.13h

Òsca e mercés per hèr conéisher aqueth òmi !


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

13 de setembre 14.57h

L'Elisèu qu'ahura a òmi de qui cau e benurós, a maudespieit d'estar Reclús.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

13 de setembre 13.43h

Plan mercés Maime per aquesta cultura ecologista que me balhas article aprèp article.

Brave e òsca!


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

13 de setembre 12.27h

«Jòune, venguet vegetarian après aver vist lo tractament reservat aus pòrcs. »
A! tè… Èra pas encara industializat a l’epòca, pr’aquò…


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

13 de setembre 10.28h

E. Reclus a prepaus de Menton : "Menton perle de la France"...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Maime Caillon

Maime Caillon logo rss

Engenhaire de formacion, militet dins mai d'una associacion ecologista dempuei sos 19 ans.

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions