Opinion
The Jam: “In The City”
Probablements un des trabalhs mès influents laguens de çò qu’ath mod revival pertòque, sigue eth disc “In The City” de The Jam.
Comandada per Paul Weller, era formacion compdaue damb Bruce Foxton en baish e Rick Buckler ena bateria.
Ja en institut se comencèren d’amassar a ensajar musica en tot explosionar eth punk e pòc dempús era onada deth mod revival, factors que portarien a toti tres a generar un estil pròpri basat en aguest reviscolament dera cultura mod des 60, mès influenciat de manèra evidenta peth nau ritme punk.
Eth disc “In The City” ei, segur, era òbra on mès caracteritzats se trapen aguesti elements. Produsit pera casa Polydor Records, er album ges en mai de 1977.
Jos eth nòm “In The City” tanben i a era cançon que da nòm ath disc, e que se placèc en top 40 britanic tot just presentar-se.
Er album comence damb Art School e I’ve Changed My Address. Aguesti dus temes inicials ja demòstren eth son caracteristic des Jam, e son fòrça parières e accelerades.
Ara seguida trapam ua version dera cançon de Larry Williams, Slow Down, hèta ara manera d’aguesti gojats de Woking.
I Got By in Time, Away From the Numers e ua auta version, aguest viatge dera banda sonora dera seria Batman, complementen aguesta prumèra fàcia.
Eth “Side Two” que comence damb eth hit In The City, que da nòm ad aguesta opera prima e que pòc a pòc venguèc un imne laguens era generacion mod deth revival e posteriora.
Sounds of The Street e Non Stoping Dance, contunhen era lista de tèmes enquia arribar a ua des cançons mès marcades pera influència deth punk: Takin’ My Love.
Eth disc barre damb Bricks And Morter, cançon que embarre en 2:37 menutes eth son tant pròpi de The Jam que caracterize era òbra e clausure er “In The City”. Sense cap de dubte un disc entà escotar un e un aute viatge e poder apropar-mos as origines d’aguesta dusau onada mod e quines diferències marquèc per çò qu’ei dera prumèra.
Comandada per Paul Weller, era formacion compdaue damb Bruce Foxton en baish e Rick Buckler ena bateria.
Ja en institut se comencèren d’amassar a ensajar musica en tot explosionar eth punk e pòc dempús era onada deth mod revival, factors que portarien a toti tres a generar un estil pròpri basat en aguest reviscolament dera cultura mod des 60, mès influenciat de manèra evidenta peth nau ritme punk.
Eth disc “In The City” ei, segur, era òbra on mès caracteritzats se trapen aguesti elements. Produsit pera casa Polydor Records, er album ges en mai de 1977.
Jos eth nòm “In The City” tanben i a era cançon que da nòm ath disc, e que se placèc en top 40 britanic tot just presentar-se.
Er album comence damb Art School e I’ve Changed My Address. Aguesti dus temes inicials ja demòstren eth son caracteristic des Jam, e son fòrça parières e accelerades.
Ara seguida trapam ua version dera cançon de Larry Williams, Slow Down, hèta ara manera d’aguesti gojats de Woking.
I Got By in Time, Away From the Numers e ua auta version, aguest viatge dera banda sonora dera seria Batman, complementen aguesta prumèra fàcia.
Eth “Side Two” que comence damb eth hit In The City, que da nòm ad aguesta opera prima e que pòc a pòc venguèc un imne laguens era generacion mod deth revival e posteriora.
Sounds of The Street e Non Stoping Dance, contunhen era lista de tèmes enquia arribar a ua des cançons mès marcades pera influència deth punk: Takin’ My Love.
Eth disc barre damb Bricks And Morter, cançon que embarre en 2:37 menutes eth son tant pròpi de The Jam que caracterize era òbra e clausure er “In The City”. Sense cap de dubte un disc entà escotar un e un aute viatge e poder apropar-mos as origines d’aguesta dusau onada mod e quines diferències marquèc per çò qu’ei dera prumèra.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari