Bandièra01 1180x150: Comuna de Tolosa

Opinion

PennyCocks (I)

Marc Espí

Marc Espí

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

Mai d’informacions
Barcelona, junhsèga de 2009. 4 amics passionats pera musica powerpop, revival e punk de fin des annades 70 s’amassen entà bastir un grop musicau que sonèsse coma çò qu’escotauen e que semblaue impossible de trapar en panorama musicau proplèu ada eri.
 
Ei alavetz quan nèishen PennyCocks, ua banda d’ara qu’artenh portar ath public as sòns e ambients des ans de major glòria deth punk a través d’acòrds distorsionats e bateries frenetiques.
 
Era banda comence d’ensajar es prumères cançons mès Hèctor abandonarà eth grop ath cap de miei an pr’amor que se’n va a víuer a Berlin.
 
Marc pren eth sòn lòc ena posicion de baishista e PennyCocks se hè pòc a pòc un lòc en es sales musicaus e bars dera scena punk catalana en tot hèr incorsions en d’auti ambients dehòra de Catalonha en tot vesitar Euskadi, València, Madrid e d’autes ciutats.
 
Ei en octobre der an següent quan ges ara lutz dera man de Common People e Lleida Rules eth prumèr materiau grabat d’aguesti gojats. Un EP que compde damb 4 cançons e qu’arrase en tot agotar-se es 500 còpies dera prumèra edicion en sonque 3 mesi.
 
Eth disc presente Burning down my youth, Lousie, Midnight Train e Breakdown.
 
Dempús deth succès artenhut era banda gaudís dera oportunitat de jogar damb un bon nombre de grops que les an infloenciat des deth prumèr moment e pionèrs dera scena punk, coma U.K Subs, Vibrators, Stiff Little Fingers, Toy Dolls, eca. Contunhen de hèr concerts pera geografia espanhòla e amplien eth sòn encastre de difosion en tot cambiar era camioneta per avion visitant ciutats e sales d’Alemanha o França.
 
Se caracteritzen per un dirècte cuert ath viatge qu’intens, damb pòques presentacions entre cançon e cançon, deishant mès lòc ara musica que saben hèr. Es cançons son breus mès acrancantes e soent se pòt gaudir de bères versions de hits deth punk e deth revival a cargue des 4 gojats catalans.
 
Recentament (er iuèrn passat), PennyCocks enregistren eth sòn projecte mès ambiciós: Do it Cock, produsit pes cases de disqui BCore, Common People e Contra Records.
 
Eth resultat son 13 temes que, que ne trapam 2 repetits deth prumèr EP (Burning down my youth e Midnight Train), denòten ua prospèra evolucion en tot trapar detalhs coma era inclosion de vents, organs electrics o reverberacions ena veu com ei eth cas d’Use Me.
 
Ath delà, PennyCocks enregistren un EP amassa damb era mitica banda de punk britanica Peter and The Test Tube Babies a on es de Barcelona compartissen damb es britanics dus des sòns temes: Playing With Fire e Down The Underground. Dera man de Peter and The Test Tube Babies trapam Youth of Today e The twitter song.
 
D’aguest Down The Undeground ne ges un videoclip rodat per RBS films ena sala deth barcelonina Underground qu’ei eth prumèr trebalh a nivèu audiovisuau deth grop.
 
En tot veir eth progrès en un periòde de temps tant cuert des PennyCocks, podem díder qu’èm deuant d’un grup qu’ei en tot envolar e que, plan segur, estonaràn agradablement as amants deth punk mes classic autant com as deth powerpop o es de quinsevolh genre dera epòca des 70-80.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Robèrt
1.

Quina brava descubèrta. S'agís d'una banda de las bonas qu'arribaràn luènh!!! Mercés plan per aquel brave article e òsca pels PennyCocks!

  • 3
  • 0

Escriu un comentari sus aqueste article