Bandièra01 1180x150: Comuna de Tolosa

Opinion

The Burial

Marc Espí

Marc Espí

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

Mai d’informacions
The Burial ei ua banda formada en 1981 en Norton, localitat plaçada en comdat britanic de Yorkshire, en nòrd d’Anglaterra damb ua fòrta tradicion obrèra e de movements d’esquèrra politics.
 
Eth grup qu’ère compausat per Michael’Mick’ Hall ena votz (maugrat que dempús toti es membres e cantèssen), Chris Weston coma guitarra solista, Eric “Barney” Barnes coma guitarra ritmica, Ashely Bell en baish e Charlie Seymour ena bateria.
 
Era sua musica se caracterize peth hèt qu’ei fòrça complicat poder-les classificar laguens d’un genre concret pr’amor que The Burial siguèc infloenciat per Oi!, eth Ska dera segona onada, beth trèt deth Revival Mod o eth Soul, en tot hèr es sues cançons fòrça particulares.
 
Eth dusau factor que les marque ei eth fòrt ligam que mantenguèren damb es movements obrèrs d’esquèrres (sustot anarquistes) que i auie ena epòca.
 
Eth membre mès actiu de toti, que siguèc Eric Barnes, membre de Militant Tendency (partit troskista) e que dèc fòrça supòrt ara National Union of Miners, pr’amor que venguie d’un vilatge a on era mineria e ère eth recors basic.
 
The Burial trèn eth sòn prumèr materiau enregistrat en an 1983 en un EP de 2 cançons que s’aperaue The Demo. Es dus tèmes que la formauen son “I Can’t Forget” ena cara A e “Backstreet Child” ena cara B.
 
Eth madeish an amassa damb eth poeta Nick Toczek e jos eth nom de The Britanarchist presenten ua auta demo que compde damb “Stiff with a quiff” e “Things to do on a saturday night”.
 
Un an dempús aparèishen en recopilatòri “The Oi! Of Sex” presentant “Here we Go”, “Friday Night”, “Old man’s poisson” e era anterior “Stiff with a Quiff”.
 
En an 1986 s’amassen un aute viatge damb Toczek entà trèir un 12’’ titolat “More to Hate” damb 2 tèmes: “Hitler’s Birthday Party” e era precedenta “Things to do on a saturday night”.
 
Aqueth madeish an apareish “Sheila” en recopilatòri “The Hills are alive with the sound of Oi!”.
 
En 1987 aparèishen encara en un recopilatòri, eth “Oi! Glorious Oi!” damb era cançon “Holding On”.
 
Dus ans dempús The Burial trèn ce que serie eth sòn solet LP: “A Day on the Town”. Damb aguest disc era banda desapareish completament, mès en tot deishar-mos cançons coma era que da nòm ath disc e d’autes. Un LP que rebrembe molt er estil de ua auta banda fòrça similara des madeishi ans: The Redskins.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Robèrt Lauragués
1.

Cada setmana descubrissèm quicòm nau de musica d'endacòm mai. Òsca per ta cultura musicala e per tas aportacions de "normalitat" al Jornalet.

  • 4
  • 0

Escriu un comentari sus aqueste article