Bandièra01 1180x150: Comuna de Tolosa

Opinion

The Lambrettas

Marc Espí

Marc Espí

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

Mai d’informacions
The Lambrettas prenen eth nòm dera marca italiana de ciclomotors que se popularizèc, amassa damb Vespa, laguens er univers mod.
 
Neishèren apròp de Brighton a finaus des ans 1970 quan Doug Sander e Jez Bird, que jogauen en ua banda nomentada “Shakedown”, decidiren abandonar eth projècte entà formar ua banda de revival mod amassa damb Paul Vincer e Mark Ellis.
 
Era banda comencèc de jogar per diferents pubs anglesi en tot consolidar-se pòc a pòc laguens dera escena mod revival e ei en an 1979 que trèn eth  sòn prumèr single, “Go Steady”, produsit pera productora d’Elton John Rocket Records.
 

 
Un an dempús, era madeisha casa de disqui les produsís eth single “Poison Ivy”, que endevierie eth tèma mes caracteristic deth quartet.
 

 
Aqueth madeish an ges ara lutz eth sòn prumèr album: “Beat Boys in the Jet Age”:
 

 

 

 
En 1980, era banda tamben treirà un 7’’: “Another Day (tamben coneishuda coma “Page 3”) e “Steppin’ Out” ena fàcia B.
 

 
En 1981, The Lambrettas presènten çò que serà eth sòn dusau e darrèr àlbum: Ambience (jos era produccion de Rocket Records).
 

 

 

 

 
En 1982 Lambrettas tornen a trèir un 7’’ damb eth nòm de “Somebody to Love”.
 
Era banda quitèc era musica pendent quauqui ans, mès en es annades 1990 s’amasseren puntuaument entà jogar bèth concert.
 
En 1997 renregistreren eth sòn “Da-a-ance. En 2008, Jez Bird moriguèc de cancèr damb 50 ans. Totun, era banda contunhe de hèr concerts puntuaument aué en dia.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article