Bandièra01 1180x150: Comuna de Tolosa

Opinion

The Small Faces, 1966

Marc Espí

Marc Espí

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

Mai d’informacions
Small Faces siguèc ua des bandes mods damb mès repercosion en panorama britanic e internacionau des annades 1960.
 
En tot panar protagonisme a The Who, aquera banda prenuda coma estandard deth movement modernista apareguda en 1964, es Small Faces apareishèren 2 ans dempús deth grup liderat per Roger Daltrey, en 1966.
 
Small Faces non sigueren ua banda venguda a mod, se que non uns mods venguts a banda.
 
Eth nòm, creat per ua amiga dera banda a mode de badinada, jògue damb eth significat dera paraula “face” laguens deth univers mod: “face” ei coma nomenten as mods que marquen tendéncia laguens era scena.
 
En 1965 neisheren e comenceren era sua trajectòria musicau en tot enregistrar dus singles: “I’ve Got Mine” e “Watcha gonna do about it”, que serà un des hits més ligat ar ensemble.
 

 

 
1966 siguèc un des ans mès profitosi deth grop e eth que poiriem considerar er an deth començament pr’amor qu’ath delà d’enregistrar dus singles mès, veiguèc era lum eth sòn prumèr LP que portarà eth madeish nòm qu’era banda.
 
“My mind’s eye” e “Don’t stop dancing” son es dus singles que, autant coma er LP, enregistrèren damb Decca Records.
 

 
Era fusada que los lançarà ara fama en tot plaçar-los en numèro 3 dera lista de melhors albums deth Reiaume Unit serà er LP qu’enregistreren enes IBC Studios jos era direccion deth productor Glyn Johns e Decca Records.
 
12 son es cançons der album, qu’includís dus singles dera banda. Eth “Watcha gonna do about it” e “Sha-la-la-la-lee” que tanben endevierie ua capitada e apareishèc en gèr de 1966, un mes abantes de qu’er ensemble liderat per Steve Harriot dralhèsse er estudi d’enregistrament.
 
Eth disc compde damb 6 cançons en cada cara.
 
Era prumèra comence damb “Shake”, en tot daurir un trebalh qu’enquiara darrèra menuta rebòsse deth sòn mès caracteristic e depurat des Small Faces.
 

 
Contunhe damb “Come on Children”, “You’d better believe it”, “It’s too late”, “One night Stand” e era ja nomentada “Watcha gonna do about it”.
 

 



 

 
Ena cara B trapam en prumèr lòc “Sorry she’s mine”, seguida d’“Own up time”, “You need loving”, “Don’t stop what you are doing”, “E to D” e finalize damb un aute hit que nomentàuem abantes: “Sha-la-la-la-lee”.
 

 

 

 

 

 

 
Jimmy Winston (prumèr clavierista deth grup) abandonèc era formacion en finalizar er enregistrament deth disc. Ath delà deth sòn trabalh en tot jogar eth Hammond, Winston ajudèc a escríuer cançons coma “Come on Children” o “It’s too late”.
 
Eth sòn succesor, Ian McLagan apareish ena portada der album en tot remplaçar eth lòc der èx-pianista. 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article