Bandièra01 1180x150: Comuna de Tolosa

Opinion

Los Flechazos

Marc Espí

Marc Espí

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

Mai d’informacions
Los Flechazos sigueren ua banda de mod revival/pop afincada ena ciutat de Leon (Espanha). Ena mia opinion, Los Flechazos siguèc era banda més influenta de çò qu’ei era scena revival espanhòla (sense desbrembar Brighton 64).
 
Eth grup apareishèc en 1987, tard en comparacion ar an dera explosion revival en Reiaume Unit (aproximadament en 1978) e en Espanha (a on a començament des 1980 principis des 80 ja trapàuem grops seguidors d’aquera naua ondada).
 
Es membres que la compausèren sigueren Alejandro Díez ena votz (previament liderèc eth grup “Opera Prima” deth que solament se conserve ua maqueta en format cassette), Elena Iglesias en òrgue, José Berrot ena armonica, Hèctor Escobar en baish e ena bateria P.J Alonso.
 
Çò de prumèr qu’enregistreren siguèc un 7’’ damb eth single “Surf de la Botella”:
 


Eth single gessèc en 1988, eth madeish an que es de Leon presenteren eth sòn prumèr LP damb DRO Records (casa de disqui que treiguèc majoritàriament es disqui des prumèri ans dera banda).
 
Er LP portarie eth nòm de “Viviendo en la era Pop” e un son claraments infloenciat per bandes coma The Jam.
 
12 son es temes damb es que compde aguest disc, entre eri i trapam eth single ja esmentat, era cançon que da nòm ara òbra o d’auti tèmes coma “No sabes bailar” (geniau cover de “Nobody but me” des Human Beinz) o “Callejear”:
 

 

 

 
Eth disc siguèc tota ua capitada mès eth baishista Hèctor quitèc eth grop e Ramón Díez aucupec eth sòn lòc.
 
En 1989, damb fòrça pòc temps de marge (casi mens d’un an) apareish un aute LP nomenat “En el Club” on sònen 11 cançons. Cau soslinhar “La chica de Mel” (que prèviament gessèc en format de single”), “Portadas en el Vogue”, o “La Reina del Muelle”.
 

 

 

 
Dempús deth “En el Club” passèren 2 ans entà qu’es leonesi den un còp de punh ena taula e presenten en an 1991 “Preparados, Listos, Ya!”(en tot hèr referència ar eslogan restacat ath modernisme “Ready, Steady, Go!”.
 
Er album comence damb “Chicas, Chicas, Chicas” e contunhe damb ua seguida de cançons que hèn eth totau de 12 des que destaquen “El hombre que confundía los sentidos”, “Luces rojas” o “Suzette”, que se convertirà amassa damb era antiga “Viviendo en la era Pop” en un des temes referents deth grop.
 

 

 

 

 
Pr’amor deth succès amassat damb aguest disc, Los Flechazos viren per Suïssa e en tornar er èx-baishista Hèctor torne a aucupar eth sòn antic lòc deishant dehòra a Ramón.
 
En tot seguir eth sòn frenetic ritme de trèir un LP ar an, en 1992 ges “En Acción” damb 11 cançons. En aguest disc se nòte un cambi en son deth grup en tot aluenhar-se d’aqueth revival mès energètic que casi lèu beuie directament des sòns deth punk 77 o eth powerpop. Mòstra d’aguest cambi ei era cançon “Me estoy cansando”, que s’apròpe a un son més melòdic encara e propèr ath pop.
 

 
“Fred Finley” o “Lágrimas negras” son d’auti exemples de çò que trapam en “En Acción”.
 

 

 
En 1993 ges “El sorprendente sonido de Los Flechazos”, a on traparam pòqui tèmes naui, mès que mès ei ua recopilacion de cançons ja enregistrades.
En 1995 eth grup quite DRO e signe un contracte damb Elefant Records que les produirà “Alta Fidelidad”, un disc de 12 tèmes naui coma “Pussycat”, “Alerta” o “Me he subido a un árbol”.
 

 

 

 
Ja en an 1996 era banda trè eth sòn darrèr LP: “Días Grises”, que compdarà sonque damb 6 cançons.
 

 

 

 

 

 

 
Era banda deishèc d’enregistrar alavetz materiau, mentre qu’ eth cantaire e lider Alejandro contunharà era sua carrèra de vocalista jos eth nòm de “Cooper” en tot prèner un estil encara fòrça més pop.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article