Bandièra01 1180x150: Comuna de Tolosa

Opinion

The Nipple Erectors/Nips

.
.
Marc Espí

Marc Espí

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

Mai d’informacions
Shane Mcgowan ei un musician irlandés des mès emblematics e pintoresqui qu’a balhat era isla. Conegut per èster eth lider dera banda de fòlk The Pogues e pes sòns excessi damb er alcòol e d'autes substàncies, Mcgowan comencèc era sua carrèra musicau en ua banda de punk apareishuda en 1976 aperada “The Nipple Erectors”.
 
Eth grup lo compausauen Roger Towndrown ena guitarra, era baishista Shanne Bradley, Arcane Vendetta ena bateria e Mcgowan ena votz.
 
Neishuts en Londres, es Nipple Erectors actuèren peth prumèr viatge en Roxy Club Coven Garden en 1977.
 
Un an dempús Stan Brennan les prodosís eth prumèr single que treirien titolat “King of the Bop”, damb clares influències deth rockabilly e enregistrat en Soho Records, vedèc era lutz en junh de 1978.
 

 

Ena cara B d'aguest single trapam “Nervous Wreck”:

 

 
Dus mesi dempús damb eth madeish sagèth discografic e productor enregistren un aute single que se rebrembe coma ua des peçes mès identificatives der ensemble: “All the time in the world”.

 

 

Complete eth disc pera auta cara eth tema “Private Eyes”:
  

 

En 1979 es Nipple Erectors, tanben coneguts coma The Nips, compausen dus tèmes mès qu'enregistraràn en sòn tresau single: “Gabrielle/Vengeance”.
 

 

 
1980 serà er an en qu’era banda treirà eth sòn prumèr e unic LP, dera man de Soho Records.
 
Porte eth nòm d'“Only the End of the Beggining” e compde damb ua durada de 43 menutes que la conformen 14 cançons (aparegudes enes singles autant coma tèmes jamès enregistrats).
 
Ací que podetz entèner tot er LP:
 

 
Un an dempús es components se separèren, Mcgowan contunhèc era sua corsa musicau en tot fundar The Pogues en 1982, coma tamben contunhèc era baishista Bradley en bastir era banda The Men They Couldn't Hang.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article