Bandièra01 1180x150: Comuna de Tolosa

Opinion

The Chords

Marc Espí

Marc Espí

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

Mai d’informacions
Billy Hassett e eth sòn cosin Martin Mason, originaris deth South East de Londres e passionats deth movement mod revival qu’ere en tot bastir-se a mejans-finaus des ans 1970, decidiren bastir un grup damb caracteristiques similares a tanti d’auti qu’emergiren per aquera epòca.
 
Damb era intencion de trapar musicaires, s’anoncièren en magazin NME (New Musical Express) entà trapar un aute guitarrista qu’acompanhèsse es acòrds e votz de Hassett en 1978.
 
Chris Pope serie er escuelhut e venguèc er escrivan des cançons. Ena bateria se placèc Paul Halpin que quauqui mesi dempús abandonarie er esturment entà vier eth viraire deth grup e deishar lòc a Brett “Buddy” Ascott.
 
Un an dempús se presentauen The Chords en sòn prumèr concert que le seguirien d’auti ena primavèra e enestiu de 1979. Aguest prumèr an tanben servic entà qu’es gojats enregistrèssen eth son prumèr single damb Polydor Records que pendent es ans 1980 serie era sua discografica de referència.
 

 

 
1979 siguèc un an de profit entàs Chords, non sonque pr’amor qu’actuèren en 2 des hestenaus mods mès importants dera epòca, senon tanben pr’amor qu’eth ditgèi John Peel les enregistrèc entà ua des sues coneishudes Peel Sessions.
 
Dempús d’aguest bon començament, en 1980 eth grup enregistre quasi tot çò que compausèren.
 
Atau, trapam ua seguida de singles qu’apareisherien pendent aqueth an e que consolidarien eth quartet ath nivèu d’autes bandes similares coma es Purple Hearts o Merton Parkas.
 
Eth prumèr EP en aparèisher compdarà damb 3 tèmes: “Maybe Tomorrow”, “I don’t wanna know” e era version deth classic des Small Faces “Hey Girl”.
 

 

 

 
La seguirà un aute single damb “The British Way of Life” e “The Way it’s got to be”.
 

 

 
Er avantdarrèr single d’aqueth an siguèc “Something’s Missing” e “This is what they want”.
 

 

 
Entà acabar aguest profitós an, es Chords enregistren un aute single compausat d’“In my Street” e ua version d’“I keep on Holding on”.


 

 
Serà aguest er an on presentaran eth sòn prumèr e unic LP titolat “So Far Away” on se trapen tèmes apareguts enes singles anteriors e d’auti naui.
 
Ací bèth exemple:
 

 

 

 

 

 

 
Dempús d’aguest LP es anglesi contunheren en an 1981 en tot enregistrar 2 singles mès: “One more minute”/ “Who’s killing who” e “Turn away again”.
 
Er aspecte més important a destacar ei eth cambi que patic era formacion abans d’enregistrà’c, pr’amor que dempús d’un concert en “London’s Music Machine” en noveme era banda decidic cambiar a Hassett en tot mèter ath front ath cantaire d’aqueth moment des Vibrators Kip Herring.
 

 

 

 
Era banda s’arturèc as pòqui mesi dera aparicion deth darrèr single.
 
En 1986 era casa Unicorn Records treiguèc ara lutz un concert en directe enregistrat en 1980.
 
Er an 2010 se tornèren a amassar era formacion originau entà promòir un nau single aperat “Another Thing Coming”.
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article