Bandièra01 1180x150: Comuna de Tolosa

Opinion

Bilbo Baggins

Marc Espí

Marc Espí

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

Mai d’informacions
Bilbo Baggins qu’ei eth nòm d’un personatge der univèrs Tolkien d’ua importància transcendentau ena òbra dera istòria dera Tèrra Mejana. Autant, eth nòm tanben amasse a ua banda damb era madeisha trascendéncia entara scena Glam d’Escòcia.
 
Neisheren en Edimborg en 1972 en tot amassar-se coristes dera banda Bay City Rollers entà formar un grop damb sòns de Glam Rock, gènere qu’aqueth 1972 artenhèc era sua esplendor maximau.
 
 Dev, Colin, Brian, Fid e Tosh sigueren es membres d’era formacion originau.
 
Dus ans dempús d’amassar-se e de començar a compausar e a hèr concerts, es Bilbo Baggins presenteren damb Polydor Records (discografica que balharie ath public era màger part deth brèu trabalh des escocesi) eth single “Saturday Nigth”- “Monday Morning Blues”.
 

 
Aqueth madeish an apareisherien tanben “Back Home”, “What’s Goin’ On”, “The Sha-na-na-na Song” e “Run with the Devil”.
 

 

 
Eth hèt d’èster ua banda fòrça locau (joguèren un totau de 100 concèrts ena sua trajectòria ath long deth Reiaume Unit), e que sigue dificil de trapar es fàcies B des sòns singles sus era net.
 
Un an dempús, contunhan damb Polydor, Bilbo Baggins reapareish damb “Hold me Tight”, damb ua connotacion més melodica que d’auti temes pasats mès contunhant damb es acòrds ritmics e fòrts caracteristics der ensemble.
 
Era fàcia B l’aucupe “Dance to the Band”, damb un ritme fusionat damb eth Rock and Roll mès primitiu.
 

 
En tot contunhar es sòns petiti torns peth Reiaume Unit, un an dempús ges eth single “It’s a Shame”- “Please Sir” damb tòcs proplèus ath Funky e eth Disco, mes coma enes ans precedents, sense abandonar es sues raitz.
 

 
Eth darrèr trabalh dera banda siguèc distribuit per Lightning Records e vedèc era lutz en 1978. Un single aperat “I Can feel Mad” damb “Dole Q Blues” ena fàcia B. Se denòte un cambi musicau que ven dera trasicion des dus singles anteriors e pòrte a sòns mès Pop e melodics damb incursions d’efèctes electronics fòrça discrèts mès que mèrquen era diferéncia damb es prumèrs singles.
 

 
Damb aguest single era banda arturèc era sua corsa en an 1979, non abantes sense deishar constància de beri boni tèmes ara scena juvenil escocesa.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Marc Garòs
2.

A tu!

  • 1
  • 0
Eric Arbanats 33
1.

Un grop que descobrissi, e aimi lo rock'n'roll, donc plaser doble ! Mercés Marc

  • 2
  • 0

Escriu un comentari sus aqueste article