Bandièra01 1180x150: Comuna de Tolosa

Opinion

Truhes e caulets: Los Vegetales

Marc Espí

Marc Espí

Neishut en Garòs (Val d'Aran), estúdie audiovisuaus en Barcelona. Guitarrista e passionat pera musica, mès que mès era restacada damb era cultura urbana e underground; sustot reggae, soul, brit pop e mod revival.

Mai d’informacions
Eth movement sorgit enes annades 1980 en Madrid nomentat “Movida madrileña” siguèc eth precursor ara ora d’aparèisher bandes de musica moderna e de clares connotacions subculturaus. Atau, es prumèri grops sorgits ena ciutat d’estils coma eth pop underground o eth new wave siguèren dempús referents dera musica mès en vòga deth public generau.
 
D’auti, per contra, consolideren un succès tant efimèr coma es sues carrères musicaus. Se per bèra causa se caracterize eth movement sorgit en Madrid ei pera grana quantitat de grops sorgits de manèra descontrarotlada en tot popar des influéncies qu’arribauen de dehòra dera Peninsula Iberica. Autant coma en Bascoat eth punk hèc aparèisher tota era scena coneguda coma RRB (Rock Radical Basco), er estil de musica arribèc a Madrid en tot fusionar-se damb uns aires mès calmats qu’es que se boludauen peth nòrd. Bandes coma Los Nikis joguèren un punk rock descafeïnat mès damb paraules plies de sentit der umor e absurditat.
 
En tot hèr un estil de musica proplèu as dera banda nomentada, pr’amor qu’es protagonistes d’aué se bastiren entà sonar en un concèrt de Los Nikis, sorgiren en 1983 “Los Vegetales”.
 
Era new-wave e eth postpunk caracteritzen eth sòn deth qu’èm a parlar.
 
Era sua trajectòria musicala brèua, les permetèc enregistrar 3 maquetes qu’an demorat perdudes en univers des coleccionistes des discs descatalogats e recercats.
 
En an 1996, eth sagèth Subterfuge recopilèc toti es tèmes deth grop entà reeditar un disc damb 27 cançons qu’arremassen era musica der ensemble de 1985 a 1990.
 
En es sues paraules hèn referència ath mon deth comic, com ei eth cas de “Vampirella”, “Estela Plaetada” o “Marte exige carne”, autant coma tamben deth cinèma: “Atraco a las tres y tres”, “Tiburón XIII” o “Gallinas gigantes con metralletas”.
 

 

 

 

 

 

 
Eth grop compausèc cançons que dempús harien famoses d’auti artistes coma ei eth cas de “Mi Novia es una Zombie”, que versionaue era cantaira Alaska.
 

 
Eri tamben gausèren versionar temes e aumenatgèren as Rivieras en tot adaptar eth sòn “California Sun”.
 

 
Era rèsta des sues paraules parlauen de causes tant diuèrses coma der amor a dues gojates ath viatge, era adolescéncia complicada d’un joen de 17 ans, er òdi ar estiu e ath solei o era incompatibilitat d’ua parelha pes astres.
 

 

 

 

 

 

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

pèire cardenal
1.

siàu pas gaire coneissènt de la musica punk o new wave, me siàu arrestat per totjorn au jazz deis annadas sieissanta e anarai pas pus luenh, mai m'agrada que se posque escriure de melodias o segur de paraulas intituladas coma galinas gigantes ambe mitralhusa o làmia n° XIII, foguèsse en castilhan e m'agrada qu'un jovent coma Marc Espi pogue escriure sa lenga ambe tant de biais e de gai saber ! osca, l'escola de la Val d'Aran !mai tanbèn (quand même) possarai pas lo masoquisme enjusqu' a escotar totei lei songs que nos manda per la magia d'internet -de la taraninha, onte leis aranhas son invesiblas

  • 5
  • 0

Escriu un comentari sus aqueste article