Opinion
E cau estar gelós deu PSG?
“Ibra au PSG”. La novèla a virat e risca de tremolar encara lo planèta fotbòl.
Cau díser que l’actualitat de l’estiu ei pas miravilhosa, mes enfin, cau pas sos-estimar tanpòc aqueth eveniment per lo monde deu fotbòl. Per los qui vèden pas l’interés de har a la babala o qui considèran lo fot com lo simbèu d’una societat capitalista malauta, podètz passar vòste camin tot simplament per’mor l’amor deu fotbòl s’explica pas.
A quasi 31 ans, Zlatan Ibrahimović, considerat com un deus mei bons atacants d’Euròpa, vien donc de signar au París Saint-Germain per 20 milions d’euros deu Qatar e sustot 14 milions de salari per an: serà tot simplament lo dusau jogaire de fot mei plan pagat après Samuel Eto’o .. star de l’Anji Makhatchkala au Daguestan, com que la moneda pòt tot crompar. Perqué donc Zlatan a causit París, après l’Inter, lo Barça e lo Milan? Sonque lo hèit de pausar aquera question hè enrabiar los suportaires deu PSG qui considèran tota critica com simpla gelosia. Díser que seré pas planviengut a Bordèu Tolosa o Marselha un Ibrahimović, seré pas vertat. Mes empacha pas de se demandar on va lo fotbòl dab aqueth putz de moneda shens hons.
Cadun pòrta son comentari: lo Che Guevara mancat deu fotbol, Vikash Dhorasoo, explica coma aquò la politica deu prince deu Qatar Saint-Germain: “Eths, vòlen sonque crompar car. Coma los tipes qui coneishen pas ren au bon vin”. Car d’acòrdi, mes la qualitat mancarà totun pas au PSG l’an qui vien: “Ibra” poderà comptar sus son colègua Thiago Silva e sus Lavezzi, eth tanben recrutat en Serie A italiana. L’atacant de Suècia, maugrat son salari desmesurat, demora un bon investiment quan sabem per exemple que Liverpool a pagat l’an passat 41 milions d’euros per Andy Carroll qui maugrat son evidenta simpatia, ei autant eficaç coma una craba davant las caujas. Hè car lo quilò de carn ...
Lo questionament vertadièr ei de saber se lo PSG s’ei perdut o non son esperit quan s’ei vendut au Qatar. Una bona partida deus suportaires istorics, qui supòrtan pas lo navèth ambient Disneyland / Footix deu Parc, responaràn que quiòc. Mes qué vau miélhor? Demorar fidèus a çò qu’èm tostemps estat o bastir un projècte faraminós per ganhar la Liga deus Campions en 3 o 4 ans?
La gelosia assumida o non contra lo PSG se pòt compréner s’espiam un pauc lo mercato deus clubs occitans. Per lo moment una arribada a l’OM: Raspentino (lol); Zebina engatjat a Tolosa com capitani; Niça a recrutat sonque jogaires libres com Kolodziejczak de Lion; Montpelhièr a recrutat inteligent (mes pas briga sexy) dab Mounier e Congré; enfin los Girondins de Bordèu, aparentament urós de lor sason passada, an pas jutjat utile d’engatjar qui que sia dinc adara.
Un mercato tot poirit, lo cau díser, per rapòrt a la capitala qui espèra encara recrutar un autra star mondiala, Kaka.
Conscient que la situacion pòt embarassar, lo conselh municipau de París a redusit sa subvencion anuala au PSG. Balharà totun augan 1 milion d’euros, de qué pagar lo Champagne aus convidats VIP deu prince qatari. Se’n fotem, son los contribuables parisencs qui pagan!
Cau díser que l’actualitat de l’estiu ei pas miravilhosa, mes enfin, cau pas sos-estimar tanpòc aqueth eveniment per lo monde deu fotbòl. Per los qui vèden pas l’interés de har a la babala o qui considèran lo fot com lo simbèu d’una societat capitalista malauta, podètz passar vòste camin tot simplament per’mor l’amor deu fotbòl s’explica pas.
A quasi 31 ans, Zlatan Ibrahimović, considerat com un deus mei bons atacants d’Euròpa, vien donc de signar au París Saint-Germain per 20 milions d’euros deu Qatar e sustot 14 milions de salari per an: serà tot simplament lo dusau jogaire de fot mei plan pagat après Samuel Eto’o .. star de l’Anji Makhatchkala au Daguestan, com que la moneda pòt tot crompar. Perqué donc Zlatan a causit París, après l’Inter, lo Barça e lo Milan? Sonque lo hèit de pausar aquera question hè enrabiar los suportaires deu PSG qui considèran tota critica com simpla gelosia. Díser que seré pas planviengut a Bordèu Tolosa o Marselha un Ibrahimović, seré pas vertat. Mes empacha pas de se demandar on va lo fotbòl dab aqueth putz de moneda shens hons.
Cadun pòrta son comentari: lo Che Guevara mancat deu fotbol, Vikash Dhorasoo, explica coma aquò la politica deu prince deu Qatar Saint-Germain: “Eths, vòlen sonque crompar car. Coma los tipes qui coneishen pas ren au bon vin”. Car d’acòrdi, mes la qualitat mancarà totun pas au PSG l’an qui vien: “Ibra” poderà comptar sus son colègua Thiago Silva e sus Lavezzi, eth tanben recrutat en Serie A italiana. L’atacant de Suècia, maugrat son salari desmesurat, demora un bon investiment quan sabem per exemple que Liverpool a pagat l’an passat 41 milions d’euros per Andy Carroll qui maugrat son evidenta simpatia, ei autant eficaç coma una craba davant las caujas. Hè car lo quilò de carn ...
Lo questionament vertadièr ei de saber se lo PSG s’ei perdut o non son esperit quan s’ei vendut au Qatar. Una bona partida deus suportaires istorics, qui supòrtan pas lo navèth ambient Disneyland / Footix deu Parc, responaràn que quiòc. Mes qué vau miélhor? Demorar fidèus a çò qu’èm tostemps estat o bastir un projècte faraminós per ganhar la Liga deus Campions en 3 o 4 ans?
La gelosia assumida o non contra lo PSG se pòt compréner s’espiam un pauc lo mercato deus clubs occitans. Per lo moment una arribada a l’OM: Raspentino (lol); Zebina engatjat a Tolosa com capitani; Niça a recrutat sonque jogaires libres com Kolodziejczak de Lion; Montpelhièr a recrutat inteligent (mes pas briga sexy) dab Mounier e Congré; enfin los Girondins de Bordèu, aparentament urós de lor sason passada, an pas jutjat utile d’engatjar qui que sia dinc adara.
Un mercato tot poirit, lo cau díser, per rapòrt a la capitala qui espèra encara recrutar un autra star mondiala, Kaka.
Conscient que la situacion pòt embarassar, lo conselh municipau de París a redusit sa subvencion anuala au PSG. Balharà totun augan 1 milion d’euros, de qué pagar lo Champagne aus convidats VIP deu prince qatari. Se’n fotem, son los contribuables parisencs qui pagan!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me sovieni qu'un còp dens un estanquet, a Bordèu, i avè sabi-pas-qué contra Paris, e lo monde espiavan aquò d'un ulh, mei per la beutat de l'espòrt qu'auta causa, vist que la còla locala jogava pas. Quand son arribats dus tipes que cridèn hòrt lo lor sosten au PSG. Auré podut passar, se n'avèvan pas gulat au nas de quauques ultràs bordalés, "Ici c'est Paris", en los convidar a sostiéner la còla francesa. La discutida ne durè pas : d'un costat los bordales, hòus de colèra davant aqueth colonialisme esportiu (es atau qu'ac sentivan) e de l'aute dus praubes tipes, quitament pas parisencs eths medish, que ne comprenèvan pas perqué lo monde ne volèvan pas sotiéner lo grand club de la caiptala, que dèu, b'es plan normau, estar mei plan dotat que los autes, en jogaires, en moneda, en trofèus, e beneficiar deu sostien shens falhida de tots los estatjants de l'Estat.
Se'm remembri plan, que son sortits de l'estanquet la maishèra en avant.
Aquò tà diser que lo centralisme, coneishem, l'omnipoténcia de Paris, qu'ens truca despuish sègles, n'am l'experiéncia. Mes aquiu francament, quand aqueth poison politic invadeish l'espòrt, amei s'es popular, que caminam suu cap ! N'an pas arren, la còla n'es quitament pas la melhora de França, mes vòlen tot, sonque perque es Paris, la ciutat de dret divin que senhoreja sus totas las autas.
Francament, de que serveish de har un campionat dens aquestas condicions ?
Ah, e tanben, jo aimi pas lo foot, o puslèu tot çò qu'i i a darrèr. I jogar, òc, lo seguir e l'espiar, bof. Sèi pas se lo fot es lo "simbèu d’una societat capitalista malauta" mes en tot cas es plan malaut eth tot sol. E l'amor deu fotbòl s'explica de plan, es sonque que sovent n'ac volèm pas explicar. Riscarém de's réner compte de las nòstas contradiccions e de la nòsta alienacion...
#5 Pagar tant car qu'as de sòus a non sacher de que ne faire... se lo pòdon permetre malurosament...
Se s'impausa pas Ibra, ne'n prendràn un autre, quau que ne siegue lo prètz, fins que fonccione son estrategia.
As rason pasmens, siau a me cercar un autre espòrt de predileccion. Lo rugbi es tròp anglés per ieu, cresi que me vau metre de seguir la petanca mai seriosament. Farà au mens un espòrt que pratiqui !
#4 Anem, vas pas passar au rugbí o au tir a l'arc ?
Èi una question de maucredent (que soi) : pagar tant car per un òme de 31 ans, es pas un chic riscat ?
Gamaci mon bèu Mateu de nos venir parlar de çò que per quant a ieu es a venir una vertadiera chaucha-vièlha.
Se podem questionar sus la logica de tot aqueu chamatan.
Un club que faguèt ren despuei lei dètz darreireis annadas, franc de quauquei copetas, que se faguèt puslèu conoisser dins l'encastre dei « faits divers » que dins l'encastre esportiu e que s'atròva encuei gavat de pieç a n'un nivèu tant espetaclós que degun en França, Euròpa e mai dins lo monde posque pas mai luchar.
Coma explicar que de clubs coma Lion, Marselha, Lilla, que prenguèron lo temps de se bastir, ò de se tornar bastir per l'OM, sus lei mesmei dètz darriereis annadas siguesson encuei completament distanciats ?
Mont'es la logica de tot aquò ? Monte son lei famosei « valors esportivas » ? (Mi dirètz que fa de temps quei aviam perdudas, pasmens, un club coma lo FC Barcelona, se fa de sòus, pòu tanben s'encreire d'aguer format una tropaleda de jogarassàs catalans sensa anar despolhar leis autreis equipas )
E l'explica meravilhosa : « ¨Paris s'amerita un grand club per representar França » nos ven encara ramentar l'umiliacion que pòdon aver dins la capitala de veire de vulgars club « provinciaus » s'apoderar l'espòrt lo mai popular.
Lo club parisenc qu'a dins son conselh de susvelhença un representant de l'Estat. Un club estatau ! Se vesiá pas mai despuei que cabussèt lo blòc de l'est !
Que pena per leis amators de fotbòl... Que pecat, qunta misèria ! Siáu au bot dau bot, vertadierament... De pensar que l'a solament doeis annadas de temps eriam nautres lei marselhés campion de França e de veire coma se desvirèt la L1...
Qu'ei vertat qu'aqueth "marcat" n'ei pas extraordinari ... Ne vesi pas Montpelhièr poder hèr la medisha sason que l'an passat, Tolosa que jogarà lo manteng dambe Niça, Bordèu que serà capable de çò de miélher com çò de sordeish, e Marselha ... n'ac sèi pas mès cresi que serà de mau jogar entad eres. Ne m'agradaré pas totun que los clubs occitans vengossen com lo PSG. Ne'm hè pas saunejar ... N'ei pas mes lo medish public. Que soi d'acòrdi dambe Matèu Casanòva e quan escriu qu'ei Disneyland "lo parc deus princes". Que hè pietat ... e aqueth fotbòl non m'agrada pas. Que i a enqüèra mes poralha ... a maugrat deu cambiament de "populacion" d'aqueth estadi. Ne da pas hame d'anar véser fotbòl dambe aqueras condicions (shens ambient en mes d'aquò ...). Ne m'agrada pas tanpòc d'aprénguer que las partidas de fotbòl se jogaràn tostemps lo divés de ser mès a 18h45 !!!! Açò entà hèr a plaser a beINSPORT. La television e la moneda que van tuar la liga 2 ... www.sos-ligue2.com Fin finau, n'ei pas un ahar de París o de PSG mès de foot business tot simplament. Qu'ei París adara mès que poderé estar l'OM ... Que cau boicotar aqueth "espòrt". Qu'ei vengut tròp merdassèr ... e que serà la medisha causa dambe lo rugbi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari