Opinion
La guèrra de cent oras
Leis afogats de fotbòl va sabon, fotbòl e politica son totjorn estat ligats dins l’istòria. L’afaire se passa dins leis annadas 1960 en America centrala. Honduras e Lo Salvador, dos país vesins, s’opausan per de rasons d’imigracion e de supremacia economica. Lo sentiment nacionalista creis dei dos costats, Honduras acusa Lo Salvador de colonizacion.
Es dins aquèu contèxte que se debana, lo 8 de junh 1969 a Tegucigalpa (Honduras) un encontre eliminatòri per la copa dau monde de fotbòl entre lei fraires enemics. La velha, lei suportaires hondurens s’acampan davant l’ostalariá onte demoran lei jogaires dau Salvador, fan de bruch tota la nuech per leis empachar de durmir.
Lo lendeman donc, aflaquits, lei salvadorians se pèrdon la partida a la darrièra minuta de jòc. Desesperada, Amelia Bolanios, una jove suportaira dau Salvador, supòrta pas l’umiliacion e se tira una bala dins lo còr. Sas funeralhas son nacionalas e amai son difusadas en dirècte a la television.
Lo match retorn per la qualificacion es previst lo 15 de junh: meteis arcuelh per Honduras qui amai veirà son ostalariá cremar. Doas personas son tuadas dins d’afrontaments entre suportaires. Lo Salvador ganha 3 a 0, mai la diferéncia de gòl compta pas a l’epòca: faudrà donc jogar una tresena partida en Mexic, que Lo Salvador ganha 3 a 2. Mai lei violéncias s’arrestan pas aquí perqué leis arbitres son acusats d’èstre malaunestes e d’aguer favorizat l’equipa salvadoriana.
Lo conflicte politic es tarrible entre lei dos país: la frontèra comuna es barrada, leis imigrats de cada país son expulsats. L’armada entra en jòc e un avion de caça dau Salvador larga una bomba en çò dau vesin. La primièra guèrra dau fot, batiada guèrra de 100 oras, farà mai de 5000 mòrts e faudrà esperar mai de 10 ans per signar un tractat de patz.
Es dins aquèu contèxte que se debana, lo 8 de junh 1969 a Tegucigalpa (Honduras) un encontre eliminatòri per la copa dau monde de fotbòl entre lei fraires enemics. La velha, lei suportaires hondurens s’acampan davant l’ostalariá onte demoran lei jogaires dau Salvador, fan de bruch tota la nuech per leis empachar de durmir.
Lo lendeman donc, aflaquits, lei salvadorians se pèrdon la partida a la darrièra minuta de jòc. Desesperada, Amelia Bolanios, una jove suportaira dau Salvador, supòrta pas l’umiliacion e se tira una bala dins lo còr. Sas funeralhas son nacionalas e amai son difusadas en dirècte a la television.
Lo match retorn per la qualificacion es previst lo 15 de junh: meteis arcuelh per Honduras qui amai veirà son ostalariá cremar. Doas personas son tuadas dins d’afrontaments entre suportaires. Lo Salvador ganha 3 a 0, mai la diferéncia de gòl compta pas a l’epòca: faudrà donc jogar una tresena partida en Mexic, que Lo Salvador ganha 3 a 2. Mai lei violéncias s’arrestan pas aquí perqué leis arbitres son acusats d’èstre malaunestes e d’aguer favorizat l’equipa salvadoriana.
Lo conflicte politic es tarrible entre lei dos país: la frontèra comuna es barrada, leis imigrats de cada país son expulsats. L’armada entra en jòc e un avion de caça dau Salvador larga una bomba en çò dau vesin. La primièra guèrra dau fot, batiada guèrra de 100 oras, farà mai de 5000 mòrts e faudrà esperar mai de 10 ans per signar un tractat de patz.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Qu'ès passat au provençau, Matieu, òsca !
E ben!
Quin episòdi pietadós de l'istòria latinoamericana!
En legir aqueste article, me tornarvan venir a la ment las paraulas d'Ernesto "Che" Guevarra:
"Soi nascut en Argentina; es pas un secret per degun. Soi cuban e tanben soi argentin e, sens desobligar lo brave monde d'America Latina, me sentissi tant patriòta d'America Latina, de quin país d'America Latina que siá, qu'al moment que se faguèsse mestièr seriái disposat a donar ma vida per la liberacion de quin país d'America Latina que siá, sens demandar res a degun, sens exigir res, sens espleitar degun"
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari