Opinion
L’Athletic Bilbao, simbòl dau pòble basco
I a de clubs que son mai emblematics que d’autres. En País Basco, ò Euskal Herria, l’Athletic Bilbao es mai qu’una esquipa de fotbòl. Tot comencèt amb d’obriers anglés venguts a Bilbao per bastir de batèus. L’Athletic, coma l’apèlan d’en pertot, foguèt creat en 1898 per de borgés bascos que sovent joguèron de partidas amicalas amb aqueleis obriers. Son especificitat, unica dins lo mond dau balon, es que son esquipa es compausada solament de jogaires bascos: es a dire de jogaires que son nascuts en País Basco ò ben que son estats formats dins un club basco.
Lei marridei lengas dison uei encara qu’es una règla discriminatòria. Mai l’ambicion dau club es mai nòbla: s’agís de representar melhor l’identitat de la vila e dau parçan en se basant sus lo centre de formacion, la cantera. Una bòna partida dei jogaires professionaus dins l’istòria de l’Athletic Bilbao foguèron formats a la cantera, coma Karanka, Yeste, Muniain ò Llorente.
Pasmens lei règlas cambièron un pauc dins leis ans 90 amb la possibilitat de recrutar tanben dins leis autrei centres de formacions bascos e de se dobrir ais autrei parçans bascos. Es coma aquò qu’arribèt a Bilbao en 1996 l’ancian girondin, Bixente Lizarazu, primier jogaire de ciutadaniá francesa dau club.
Aquela caracteristica originala a pas empachat l’Athletic d’èstre competitiu dins lei competicions nacionalas e internacionalas. A pas mancat una sola sason dau campionat espanhòu de primiera division dempuèi sa creacion en 1928. Fins a 2009, tanben teniá lo recòrd dau nombre de victòrias en la Copa dau Rei, recentament despassat per lo gigant Barça. L’Athletic a enfin participat a doas finalas de Copa d’Euròpa, en 1977 e puei recentament en 2012 e mai se perdèt dos còps.
Uei, l’Athletic, e mai que mai sei suportaires, son un basa d’expression importanta de l’independentisme basco. Èra ja a l’estadi San Mamès de Bilbao, en 1975, que se despleguèt la primiera bandiera basca, l’ikurriña, dempuei la casuda dau regim faissista de Franco. L’Athletic foguèt tanben, lòngtemps, un dei solets clubs au Mond a refusar d’esponsors sus la camiseta. Lo primier esponsor causit foguèt, en 2004, lo lògo de la collectivitat basca.
Lei marridei lengas dison uei encara qu’es una règla discriminatòria. Mai l’ambicion dau club es mai nòbla: s’agís de representar melhor l’identitat de la vila e dau parçan en se basant sus lo centre de formacion, la cantera. Una bòna partida dei jogaires professionaus dins l’istòria de l’Athletic Bilbao foguèron formats a la cantera, coma Karanka, Yeste, Muniain ò Llorente.
Pasmens lei règlas cambièron un pauc dins leis ans 90 amb la possibilitat de recrutar tanben dins leis autrei centres de formacions bascos e de se dobrir ais autrei parçans bascos. Es coma aquò qu’arribèt a Bilbao en 1996 l’ancian girondin, Bixente Lizarazu, primier jogaire de ciutadaniá francesa dau club.
Aquela caracteristica originala a pas empachat l’Athletic d’èstre competitiu dins lei competicions nacionalas e internacionalas. A pas mancat una sola sason dau campionat espanhòu de primiera division dempuèi sa creacion en 1928. Fins a 2009, tanben teniá lo recòrd dau nombre de victòrias en la Copa dau Rei, recentament despassat per lo gigant Barça. L’Athletic a enfin participat a doas finalas de Copa d’Euròpa, en 1977 e puei recentament en 2012 e mai se perdèt dos còps.
Uei, l’Athletic, e mai que mai sei suportaires, son un basa d’expression importanta de l’independentisme basco. Èra ja a l’estadi San Mamès de Bilbao, en 1975, que se despleguèt la primiera bandiera basca, l’ikurriña, dempuei la casuda dau regim faissista de Franco. L’Athletic foguèt tanben, lòngtemps, un dei solets clubs au Mond a refusar d’esponsors sus la camiseta. Lo primier esponsor causit foguèt, en 2004, lo lògo de la collectivitat basca.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Serai pas tròp objectiu per te respòndre, mai me sembla ben que çò que s'apròcha lo mai seria l'Olimpic de Marselha.
Bordèu, Tolosa, Montpelhier e Niça son mai que mai sostenguts dins sa region. L'Olimpic de Marselha es sostengut ben en delai de Marselha, e sa rivalitat còntra Paris, es soventei fes viscuda coma l'opausicion Paris/Provincia.
D'alhors lei parisencs aculisson lei marselhés amb de bandairòlas "Bienvenue en France" quand lei marselhés enebisson la bandièra francesa dins l'estadi e desplegan lei colors provençalas e occitanas.
Bon jorn,
Primièr de tot perdon per m'aluenhar del tèma... Mas ai una question pels occitans amants de l'espòrt:
Quauquarrés me poiriá dire s'i a qualque equipa occitana de fotbòl o rugby que represente un pauc çò que representa la USAP o lo Barça pels Païses Catalans?. En salvant las distàncias, clar.
Per exemple, dins los nombroses grops d'animacion de l' Olympique de Marselha n'i a qualqu'un que defenda las valors occitanas?. O tanben, un còp vegèri una plancarda al camp del Niça que disiá: "La Countea nouostre païs, Nissa nouostra capitala".
Fòrça gràcias!
Salut!
PD: Perdon per lo mieu occitan, soi catalan.
Cresi pas que siegue lo solet club d'aguèt une politica de far jugar unicament de jogaire "dau pais"...
Lei Chivas de Guadalajara fan jugar unicament de mexicans.
E puei as l'UGA Ardziv de Marselha que per lei jugar fau aguer au mens un grand d'origina armèni !
Flame article pasmens !
Ne crei pas que a Sent Sebastian e considèren l'Athletic com lo "simbèu deu pòble basco"...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari