CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Diluns, 9 de decembre

Matieu Casanòva

Divendres, 18.5.2012 03h00

La linguistica, lo mau occitan


Comentaris 15 comentaris    
Dolent Fluix Bo Molt bo Fabulós (13 vòtes)
carregant En cargament


Se'n parla pas en los mèdias e totun, la causa ei seriosa, los occitans deu sègle XXI son tocats per un mau aparentament incurable : la linguistoïta aguda, mei coneguda com malaudia de la linguistica. Soi segur que tots l'avètz constatat, còps que i a, una discussion tot a fèit inocenta o seriosa s'engatja en occitan quan ei copada per una reflexion linguistica. Una tendéncia accentuada per l'espelida deus mejans de comunicacion navèths. L'escritura pardona pas, la mendre dèca ei notada, denonciada, e exija redempcion de la part de son malurós autor.
 
Mes per estar aunèste, cau diser qu'aquò ei pas la manifestacion prumèra de la Linguae Pestis  (be òc, cada malaudia a son nom latin, nani?). Lo paratge, car aus occitans, los empacha generalament d'umiliar l'autre per un estrambordanta sapiéncia. Atau donc, l'activitat favorita deus occitanistas ei de devisar, solets, de la relativitat de la dialectizacion de l'occitan, de la metatèsa de la "r", de la nasalizacion de la "n" o enqüèra deu ròtle deu substrat basco en la construccion deu gascon.
 
De qué balhar envèja au Ravi de la grépia provençala de baishar los braçs e de s'anar jetar dens lo putz deu vilatge. Personas normalament constituidas suportarén pas longtemps aquera obsession filologica, mes los occitans son pas d'aquestas. Ailàs, se hè pas mèfi, lo Jornalet caderà lèu dens lo bolhon de la linguistoïta aguda, e li calerà partir en quarantena deu costat deu Twitter, on la qualitat de la lenga e l'origina deus mots son completament mespresats e on degun gausaré parlar linguistica  per paur de se pèrder la meitat deus followers.
 
Se cau rénder a l'evidéncia: sonque un gèste hòrt pòt sortir los occitans d'aqueth estorbilh infernau. Com la lei Godwin qui enoncia la probabilitat grana d'una insulta relativa au fascisme au cap de quin debat que sia,  devèm pensar de crear una lei qui encadre lo concèpte de linguistoïta. Una lei qui contienerà tot desbordament linguistò-filologic, una lei autoritària e intolerenta qui balharà, sonque per quauques privilegiats, lo dret  de debàter d'aqueths subjèctes. Los qui hèn pas partida d'aquera elita, lo pòble, los occitans d'en baish, se contentaràn de parlar fotbòl, cosina, musica o politica. Un petit pas per l'òmi, mes un gran pas per Occitània!



publicitat
BANER1-2-3: DGPL DICTADES



Comentaris

24 de febrièr 17.51h

es "lo ravit" (del vèrb "ravir")


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

25 de setembre 12.33h

ILLUSTRACION:

«tots O avètz constatat (…) »

«balhar envEja (…)»

«s’anar Getar dens lo pOtz (…)»

«una lei qui enQUadre (…)»


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

18 de mai 23.53h

Es freudian : avem passat l'enfança a se tocar lo viron, adara s'en fau servir !


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

18 de mai 20.41h

En mei de'quò, e'm pensi que ne cau pas har deu "pausa l'i tot doç" en har semblant que le lenga es parlada per qui que sii, on que sii. Adara, l'occitan n'exista pas mé hen l'espaci public, e uei lo jorn los dont ne parlan que seràn sii paisans, sii ahuecats com èm nosatis qu'escrívem aqueths comentaris. Donc, qu'es logic que per aquesta dusau traca, lo monde que parlin de lingüistica percé qu'an estudiat aquera lenga o qu'an un espiar un chic lunhèc sus era.
Que m'aduvi plan que ne c... Legir la seguida


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

18 de mai 20.34h

Qu'ei de dòu har de non pas aver sentit lo costat umoristic d'aqueth article.
Mes siatz segur d'ua causa : assumi completament mon costat populista !


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

18 de mai 20.14h

Fin finala qu'ei un article drin populista pusque vòu evacuar tota discussion sus un subjèct scientific/tecnic, qui n'interessaré pas eth monde "normaus", eths "occitans d'en baish", en un mot eth pòble.

Hens era nosta epòca, eths ciutadans i mèma eths decididors ne masedan pas tots eths problèmas qui's pausan i qu'an tendéncia a se'n reméter ara paraula deths expèrts. Per exemple: eth nuclear. Qu'ei un dongèr tara democracia. Ací, Matèu Casanòva que nse prepausa de deishar 'ra l... Legir la seguida


Valora aquest comentari:   votar positiu 5   votar negatiu 5
Respondre comentari replica Comentari inadequat   Formulari d'abús de comentari

18 de mai 17.45h

Bona soscada ! Son los que parlan lo mei de linguistica qu'asseguran lo mens la passacion de la lenga en familha e auprès de la generacion seguenta !


Valora aquest comentari:   votar positiu 7   votar negatiu 4
Respondre comentari replica Comentari inadequat   Formulari d'abús de comentari

18 de mai 17.02h

Totun, aquesta lenga, sortida d'enlòc, ni gascon, ni lengadocian, que me'n balha l'enveja a jo de parlar de lingüistica...


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

18 de mai 12.50h

Pensi que mercés ad aquesta patologia, assistim a la creacion d'un contrecorrent (inconscient o pas). Assistim a la naishença d'iniciativas que mencionan pas (o chic) la lenga, mes que l'emplegan. Detz.tv per exemple. Me brembi de la projeccion deu Chris de Bedel a l'Estivada en 2008, e èra un deu Còr de la Plana (me brembi pas qui) qu'avèva felicitat la còla deu filme pr'amor justament èra "en" occitan, mes "hòra-mitologia" (Catars, crotz, jaune e roi, Tolosa, Carcassona, perque m'an p... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

18 de mai 12.06h

Perteio l'avejaire de l'article. La lenga nòstra, que son usatge s'es prefondut en rapòrt de las annaas passaas, es sovent debatua coma s'era una religion. Simbòle dal malaise dal monde de veire sa grèva situacion, que cadun i cerca de solucions de son costat.
Al mai la lenga declina, al mai se parla d'ela e de sa perda. Es necessari de sortir d'aquel cercle infernal de guetoïsacion, guetoïsacion passiva (que subissem) mas parier activa (que s'i metem). Anar per qualquaren, e plus còntra... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Matieu Casanòva

Matieu Casanòva logo rss

Licenciat d’Istòria a l’UPPA (Bearn), ancian jornalista de Ràdio País, ara sòci de l’Ostau dau País Marselhés.

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions