CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Matieu Casanòva

Dimenge, 3.11.2013 03h00

Bastir... mai qué?


Comentaris 12 comentaris    
Dolent Fluix Bo Molt bo Fabulós (13 vòtes)
carregant En cargament


Fa mai d’un an ara que comencèron d’acamps a l’entorn dau Manifèst Occitanista, un pauc de pertot en Occitània. Au mes de junh passat, s’es creat Bastir, un movement qu’a l’ambicion de portar l’idèa occitana per leis eleccions municipalas de 2014.
 
 
Un movement popular?
 
Fau pas escondre qu’aquela nòva plataforma occitana foguèt inspirada e lançada per lo Partit Occitan. Pasmens uei, d’autrei formacions jògan lo jòc de Bastir, coma Libertat ò lo PNO que participèron activament ais acamps dins lei cantons ont son actius.
 
Mai acampar lei fòrças occitanistas es pas sinonim de succès popular. A la fin d’aqueste mes d’octòbre, un pauc mai de 770 personas an signat lo manifèst que representa l’accion de Bastir. Una chifra interessanta mai pas tant importanta fin finala, se la comparam per exemple au nombre de manifestants a la darriera manifestacion per l’occitan a Tolosa: mai de 30 000.
Aquò vòu dire, bensai, que lei gents que sostenon la lenga demòran sus de reflèxes aquerits dins leis ans 80, que fan que considèran l’occitan coma un fach culturau, sociau de còps, mai pas vertadierament politic.
 
D’autre caire, interessar de gents que sabon ren ò quasi de la lenga e de la cultura dau país ai problematicas occitanas sembla totjorn aitan complicat; per pròva, que leis acamps organizats fins ara per Bastir son compausats a 99% de militants occitanistas. Dins aquelei condicions, bastir un larg movement popular es pas ganhat. Lei menaires de Bastir, que son de militants de lònga, o an comprés, es per aquò que seràn pas solets dins aquela batalha.
 
 
D’aliganças divèrsas, fòrça divèrsas…
 
Sens dobte marcats per lei resultats catastrofics d’Entau País en Biarn dins leis ans 90, e dau PÒC mai generalament, qu’ensagèron de se presentar amb lor etiqueta pròpria dins d’eleccions localas, aquelei que vòlon “bastir” an decidit aqueste còp de cambiar de tactica.
 
Coma aquò, lei candidats de Bastir ais eleccions municipalas francesas de març se presentaràn jamai solets. Segon la comuna, causiràn lo candidat que sembla mai pròche deis idèas occitanas. Aquò vòu dire que lo nòu movement serà aliat siá au PS, siá au Frònt d’Esquèrra, siá ai centristas ò a la drecha. Franc dau Frònt Nacionau amb lo quau refusa de se presentar, Bastir se dona ges de limit. A Agen per exemple, de discussions aprefondidas se fan amb lo candidat de l’UMP.
 
Lo pragmatisme es rei. S’agís de representar l’occitanisme ais eleccions localas, e basta, la maniera es, finalament, pas importanta per aqueu movement.
 
Mai que faràn, lei candidats de Bastir, quora seràn elegits? Dison que seràn independents, pasmens totei s’engatjaràn a votar lo budget de la majoritat que ne fan partida. Faudrà donc, per lei futurs candidats, èstre coratjós e carismatic per faire entendre la votz occitana dins lei conseus municipaus.
 
 
Occitan, un ponch comun sufisent?
 
L’occitan es, de fach, un problèma / una problematica politica, coma tot çò que pertòca la societat. Mai ont es la logica, la credibilitat politica, quand un movement politic s’aliga a de partits tan divèrs per d’eleccions? Podèm tot faire en nom de l’occitanisme? Se mesclar au quadre francés talament que ne tocam totei lei tendéncias, es l’avenir de l’occitanisme?
 
Lo problèma es, bensai, aquò: l’occitan coma ponch comun a jamai fach un programa politic coerent. Una lenga es nèutra per definicion e defendre la practica e lo desvolopament de l’occitan pòu pas èstre considerat coma un militantisme de senèstra ò de drecha. Aquò o constatam sovent a l’Assemblada Nacionala: se tròba en cò dei deputats de defensors e de persecutors de la lenga nòstra un pauc pertot.
 
Per èstre onèst, fau dire que Bastir anóncia dins son programa que vòu anar au delà de la problematica linguistica e presentar la carta de la proximitat, de la descentralizacion, mai se còntraditz completament en cercar d’alianças amb de partits francés que, cada jorn, pròvan que fan ren per cambiar lo sistèma centralista e jacobin francés. L’avenir nos dirà s’aquela forma d’entrisme serà eficaça e se poirà prene vam fins a melhorar la situacion de l’occitan dins l’Exagòn.
 
De tot bais, siam forçats de constatar que, per uei, ges d’autra votz occitana politica se fa ausir, que degun sembla capable de representar la via d’un occitanisme assumit, que se considerariá pas sistematicament francés e que seriá prèst a menar una batalha politica importanta per l’emergéncia d’una nòva Occitània.
 
Un jorn, bensai...



publicitat
BANNER1 - OPLO erasmus



Comentaris

7 de genièr 08.02h

Atalar l'occitanisme aus partis politics de dreicha o d'esquera es lo pus maeschant servici que l'òm pus li balhar. D'autant mai qu'aqueus partis son la penta que davala. Los résistants son nombros mas se taisan. esperan que lo sistem en plaça s'esbolha tot sol perque i a p'una democracia dins aqueus pais. La revolucion vai per denaut pas per le bas. La revolucion es de natura espirituala e scientifica. Si lo catarisme s'es developpat dins lo Languedoc quo es d'abord per qu'i a eu una relig... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 de novembre 10.04h

#8
Me soi enganat Dionis du Séjour lo Cònsol d'Agen es pas CDI mas UDI lo partit del Borloo


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 de novembre 08.44h

PAIS NOSTRE participa tamben a la dinamica BASTIR .Venèm de faire una reunion publica a Narbona amb David Grosclaude e aurèm de candidats a Carcassona,Lesinhan,Narbona,Castelnaudari e dins de vilatges d'Aude e d'Erault ... BASTIR es una accion pragmatica e dubèrta a la societat occitana .
JOAN-PEIRE LAVAL , president de PAIS NOSTRE .


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

4 de novembre 20.41h

#3 compreni pas la vòstra responsa.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

4 de novembre 20.32h

"A Agen per exemple, de discussions aprefondidas se fan amb lo candidat de l’UMP."

es fals, lo cònsol sortènt d'Agen Dionis du Séjour es pas UMP es CDI e dins la tièra que se farà portar en 2014 lo pes de l'UMP locala serà leugièr


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

4 de novembre 19.03h

Dens ua eleccion municipau qu'èm obligats de compausar dab los autes candidats subertot quan i a sonque ua lista. N'èm pas en capacitat d'apitar listas autonòmes de pertot. Que pensi que Bastir qu'ei un mejan d'espandir quauques principis de l'occitanisme au bèth miei de la classa politica locau. Qu'ei un tribalh de miar en paralèle deu tribalh de formacion d'ua basa populara a partir deus movements e partits politics occitans (quan ac hèn) o d'associassions. Que i a quauques exemples de ... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

3 de novembre 14.34h

"Faudrà donc, per lei futurs candidats, èstre coratjós e carismatic per faire entendre la votz occitana dins lei conseus municipaus."

L'idea de "Bastir" qu'ei, justamant, de pas deishar solet l'elegit occitanista de servici dins los conselhs municipaus : dambe "Bastir", pòt diser qu'a tota ua còla d'elegits dambe eth, ua còla benlèu mès poderasa qu'un pichon conselh municipau de vilatjòt ! e aquò pòt hèr avançar las causas : s'ètz capables de mobilizar aisidament ua brava còla... Legir la seguida


Valora aquest comentari:   votar positiu 12   votar negatiu 0
Respondre comentari replica Comentari inadequat   Formulari d'abús de comentari

3 de novembre 14.25h

"Se mesclar au quadre francés talament que ne tocam totei lei tendéncias, es l’avenir de l’occitanisme?"

e oc ! atau, que sia la dreta o la gaucha au poder, i aurà tostemps d'occitanistas dambe los decisionaires que haràn lor tribalh, benlèu un tribalh de formiga, mès seràn tostemps présents ! e sustot seràn sostenguts par los autes de "Bastir" capvath Occitània tota, quina que sia l'etiqueta de la còla dins la quina se sont presentats ! au lòc que la causida d'un camp qu'ei d... Legir la seguida


Valora aquest comentari:   votar positiu 12   votar negatiu 0
Respondre comentari replica Comentari inadequat   Formulari d'abús de comentari

3 de novembre 11.17h

Voler bastir es melhor que de ren far. Occitània a ges de besonh de l'imobilisme.
Una chausa entrainant l'autra, es en fasent chamin que se veirà fins ont se pòu anar......


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

3 de novembre 10.22h

La descentralizacion, que l'am e qu'ei ua catastròfa de las bèras. Lo noste personau politic locau n'ei pas digne deus sons poders immenses.


Valora aquest comentari:   votar positiu 0   votar negatiu 8
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Matieu Casanòva

Matieu Casanòva logo rss

Licenciat d’Istòria a l’UPPA (Bearn), ancian jornalista de Ràdio País, ara sòci de l’Ostau dau País Marselhés.

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions