CAPÇALERA: IEO09-01
CAPÇALERA2: OPLO

Jornalet, gaseta occitana d'informacions

Dimars, 29 de novembre

Mattia Pepino

Divendres, 28.10.2022 03h00

Apèl per una lista transnacionala “per l’autonomia d'Occitània”


Comentaris 13 comentaris    
Dolent Fluix Bo Molt bo Fabulós (13 vòtes)
carregant En cargament





Las eleccions europèas son encara distantas, au mínim a l’aparença, mas crei qu’es necessari d’iniciar un debat entre totes las forças occitanas (sense exclure de natura politica) que promovon una idèa autonomista o independentista. Las eleccions europèas son las eleccions mai “occitanas qu’existisson”, la nacion s’estén en realitat sus 4 estats (Itàlia, França, Espanha e Mónegue) dont 3 son dins l’Union Europèa. A mai, lo format de las eleccions europèas permet una presentacion mai aisada a las eleccions permetent de presentar-se sense la recolha de signaturas (qu’en Itàlia e en Catalonha risca d’èsser una quimera insuperabla considerat los nombres escasses de residents dins las zonas occitanas) mas amb un simbòl present dins lo parlament europèu. Una lista unificada a las eleccions europèas amb un simbòl unic d’una realitat autonomista e federalista seriá una realitat mai unica qu’una rara en Europa!
 
Es necessari d’escampar totes las divisions qu’an impedit fins ara a l’occitanisme politic de s’afirmar coma movement politic credible e popular. Es temps d’i provar! Las condicions politicas (amb lo chauvinisme crescut a tot arreu, coma demostrat per las recentas eleccions politicas en Itàlia e en França e coma las sondatges mostran en Espanha amb Vox) ditz que si seguèm dividits, nos risquèm de desaparéisser! Sèm una de las nacions mai grandas del Monde, mas tanben una d’aquelas on la lenga e la cultura s’esvanisson rapidament, englobadas per la cultura “globala” que finta de protegir las culturas minoritàrias mas que las relega al folklore e que se convertiá en una cultura de manchas: ben, per tot aquò, nos convencèm fermament que cal reaccionar!
 
Unim-nos, non pas dins una lista qu’anulle las diversitats e que finís per èsser solament electorala e d’eleit sense lo seguiment popular, mas dins un manifèst programatic simple, amb qualques punts clars e unitaris, sus çò que tots sèm d’acòrd! E soi aquí!
 
Qui nos vòu seguir dins aquò? Aquesta iniciativa nasquèt dins una discussion entre qualques membres de l’Assemblada Occitana Valadas mas en autonomia de la casa maire e s’estendèt a totas las realitats occitanistas dins las Valadas occitanas d’Itàlia, dins la granda Occitània, e en Val d’Aran!
 
 


Interests contactatz aqueste email.
 
 
abonar los amics de Jornalet

 



publicitat
BANNER1 - OPLO erasmus



Comentaris

31 d'octòbre 15.52h

Era grana "occitania " n'etsista pas e n'a jamès etsistat ,eth imaginari nacionau occitan que's horgué per poètas esbarrits en er'istòria dab un cortegi de simbèus coma per etsemple era crotz de Tolosa devenguda eth simbèu deth drapeu d'aquera occitania fantasmada dab eròis nacionaus mès qui en arrealitat èran enemics entre eths dab condes quasi mitics tornats construits e tornats compausats a posteriòri .Tot aquerò que crea ua arrepresentacion mitica dera nacion occitana .No cau pas... Legir la seguida


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

30 d'octòbre 06.33h

#11 La "neutralitat", la podètz aténher en matématica, fisica e quimia, eventualament en biologia. Un jornal neutre, es coma d'aiga sèca. E tant melhor…


Valora aquest comentari:   votar positiu 2   votar negatiu 7
Respondre comentari replica Comentari inadequat   Formulari d'abús de comentari

29 d'octòbre 19.50h

#9
No, normau = neutre, seriós. Se sabèuatz lo nombre de screenshots ridicules de Jornalet qu'am sauvagardats per riser a plenh canèth quand am una petita deprima...


Valora aquest comentari:   votar positiu 5   votar negatiu 4
Respondre comentari replica Comentari inadequat   Formulari d'abús de comentari

29 d'octòbre 17.50h

Es talament gròs ! Lo quite nom de l'autor sembla una plasentaria ! Jordi Costes es reviscolat ? Vesetz pas qu'es un troll !!!!!!


Valora aquest comentari:   votar positiu 6   votar negatiu 2
Respondre comentari replica Comentari inadequat   Formulari d'abús de comentari

29 d'octòbre 10.48h

#8 E donc "normau" es çò que va segon vòstre biais, e "propagandista" çò que va dins un autre sense que lo vòstre ? Non vos manca mai qu'a crear un novèl jornal en occitan… E vos legirai tot probable, coma legissi tanben jornalet.


Valora aquest comentari:   votar positiu 5   votar negatiu 9
Respondre comentari replica Comentari inadequat   Formulari d'abús de comentari

29 d'octòbre 09.27h

#7
La Setmana. Acò'ra un jornau "normau", seriós, informatiu, un vrai jornau qué, pa un site de propaganda nacionalista.


Valora aquest comentari:   votar positiu 5   votar negatiu 9
Respondre comentari replica Comentari inadequat   Formulari d'abús de comentari

29 d'octòbre 08.18h

#6 Non vos interèssan los afars occitanistas ? Vos fan Rire, e non vos concernisson ? Perqué legissètz Jornalet, alavetz ? A si, plan segur : per rire tanben. Coneissètz un autre jornal tot en occitan que non vos faga rire, aquel ? Me triga de lo descobrir, tot rajolant del seriós que li acordaretz…


Valora aquest comentari:   votar positiu 11   votar negatiu 7
Respondre comentari replica Comentari inadequat   Formulari d'abús de comentari

28 d'octòbre 20.24h

Sonqu'en vesent lo titre, i a de qué s'escanar de ríser coma una vaca qu'hèi xabròt, praubets. "Una lista transnacionala per l'autonomia d'Occitània ?" Mè qui sap çò qu'es aquera "Occitània" e s'encoenta de son autonomia en duhòra d'un punherat de militants folclorics ? Los occitanistas e assimilats son pa nombrós, e amèi de 'cò son pa tots autonomistas o independentistas.
Mè bon, acò a lo merite de nos hèser ríser entr'amics. Quora am l'escasença d'escarnir los extraterrèstr... Legir la seguida


Valora aquest comentari:   votar positiu 7   votar negatiu 12
Respondre comentari replica Comentari inadequat   Formulari d'abús de comentari

28 d'octòbre 19.21h

Somiem pas!
Podèm ben capejar e bracejar, tant qu'aurèm pas bastida una basa sociala que sostenga l'idèia d'un occitanisme politic (se n'es besonh...), e tant qu'aurèm pas menada una reflexion per aquò far,...en fàcia, pòdon totjorn rire en nos diguent : "Los "occitans*", quantes d'electors...?"
Cada jorn se'n van los que podián aver una relacion afectiva ambe la lenga.
Pensi qu'es ora de pensar a cossí far per articular un estacament novèl a una lenga menaçada e al pichon paí... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

28 d'octòbre 11.51h

"Si seguèm dividits, nos risquèm de desaparéisser" e si sèm units, o riscam tot parièr. Los decideires establits al nòrd França non respèctan que los que lor fan páur. Despuèi uèit sègle, a qui volètz qu'encara fagam páur… Per contra, demest nosautres, ne coneissi gaireben son que de los qu'an páur de s'unir, quin aspècte que prenga aquesta union, e mai non siá que linguistica. Aquò es un primièr problèma.

Segond problèma es qu'en general, en politica, se tracta primièr... Legir la seguida


Valora aquest comentari:   votar positiu 7   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Mattia Pepino

Mattia Pepino logo rss

Militant de l’Assemblada Occitana dins la Val Vermanhana, ont viu e trabalha

mai d'informacions

contactar l'autor

Las mai...

Archius




D'autres articles


Jornalet, gaseta occitana d'informacions