CAPCALERA: PAIS INVISIBLE
CAPÇALERA2: mot amagat

Jornalet, gaseta occitana d'informacions

Diluns, 6 de febrièr

Mattia Pepino

Dimenge, 11.12.2022 03h00

La solucion es Occitània


Comentaris 13 comentaris    
Dolent Fluix Bo Molt bo Fabulós (7 vòtes)
carregant En cargament


AFP / Gerard Fouet




La solucion es... Occitània! Es un periòde ont la crisi de l’occitanisme es jos los uèlhs de totes, atenuada sonque parcialament per l’aspècte musical-cultural. Aquesta maximà deu empedir los que creson encara que la cultura occitana pòt e deu viure (o renàisser) de pas aver paur de se dire “occitan” dins los luòcs ont se viu! Se parlar en “ lenga d’òc “ es totjorn mai dificil per l’esfòrç nombre de personas, subretot en joventut, parlant occitan es totjorn lo dever de cadun de nosautres de parlar la nòstra lenga mas subretot res e pas cap nos empacharà de nos dire occitana dins cada contèxte que la vida nos met davant! Al trabalh, a l’escòla, en familha dins los luòcs d’amusament, en tota ocasion de socializacion nos cal remembrar que nòstra tèrra es occitana, abans qu’italiana, francesa, espanhòla o catalana.
 
Se parla sovent dels problèmas socials, economics e politics que tocan nòstras regions, nòstres païses. Dins aquel camp devèm aver lo coratge de prepausar una alternativa, una alternativa occitanista! París, Roma, Madrid e Barcelona t’escotan pas? L’estat t’es luènh? I a l’alternativa! L’alternativa es ton país! L’alternativa es lo federalisme! L’alternativa es en Occitània e ben l’alternativa es Occitània! Sortissèm dels discors etnicopolitics qu’entusiasma pas que nosautres coneisseires de la matèria mas que interessan pas nòstres compatriòtas! Cambeam nòstre biais de nos porcar, quitèm de parlar solament entre nosautres!
 
Vòli parlar al pòble amb los biais (e problèmas) que parla lo pòble! Devèm tornar crear lo terren per un novèl Larzac, ont l’etnicisme e los problèmas socioeconomics se fusionèron e l’occitanisme èra grand! La defensa de la lenga e de la cultura es lo pegaire entre nosautres occitanistas, mas per nos unir al rèste del pòble nos cal parlar de tematicas socioeconomicas en tot luòc e en tota ocasion! Perque la solucion es aquí! La solucion es dins lo país! La solucion es l’occitan!
 
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris

22 de decembre 14.05h

#12 Exactament, es l'Alfà e l'Omegà d'aqueste Graal. Lo Regis Debray (qu'es pas de tot, occitan, mas, pecaire, pas diguns es perfièch ! ) n'a escrichas de polidas sus aquel sicut.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

21 de decembre 09.12h

#11 De fach, es çò que suggerís e desira Mattia Pepino dins aquel article.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

17 de decembre 17.58h

#10 Tot al long del sègle 19 la martingala, la clau, per pas dire l'astucia dels intellectuals nacionalistas (de quin nacionalism que sia) es estada de transformar un malcontentament socio-economic en una revendicacion identitària. Lo poble (que patissia la fam, la pauretat e l'expleitacion granda) se'n chautava de l'identitat, sols los intellectuals s'i afogavan. Lo celebre "desvelh de las nacionalitats" es ni mai ni mens qu'aquel torn de passa-passa. Tot cop marcha (Catalonha, Tchequia, Ro... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 de decembre 19.36h

"Devèm tornar crear lo terren per un novèl Larzac [...] La defensa de la lenga e de la cultura es lo pegaire entre nosautres occitanistas, mas per nos unir al rèste del pòble nos cal parlar de tematicas socioeconomicas en tot luòc e en tota ocasion!"...

ÒC !

"...Larzac ont l’etnicisme e los problèmas socioeconomics se fusionèron e l’occitanisme èra grand!"

??? i aviá d'occitanistas entremièi los manifestaires del Larzac, mès pas sonque.

Curiosament, quand i a avut los Co... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

14 de decembre 12.27h

#8 Dont acte. Avètz rason e vos ai mal comprés. Mercé per vòstre testimoniatge fòrça interessant.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

13 de decembre 17.31h

#7 Car amic, vos fasiai una descripcion fisèla e exaustiva de l'aire del temps d'aquestas annadas setanta en general, e dels participants de las fèstas del Rajal del Guòrp en particular, dins los ans 73 e 74.
E ben, sensa cap sorpresa, s'i trapavan a l'encòp maites seissanta-uèchards, maites utopistas, maites gauchista, de la Gauche Prolétarienne als maoïstas en passant per la Ligue communiste révolutionnaire, Lutte Ouvrière e patin-cofin, emai i venguèt lo socialista Miterrand que ... Legir la seguida


Valora aquest comentari:   votar positiu 11   votar negatiu 1
Respondre comentari replica Comentari inadequat   Formulari d'abús de comentari

13 de decembre 16.19h

#6 "la movença pòst seissanta-uècharda utopica-gauchista-tiersmondista-babacool-maoïsta "

Desparlatz. Aquela "movença" existís pas dins la realitat. Dins lo mond real, veiretz pas jamai un hippie (o un babacool) dins un grop maoïsta. Coneissètz pas res als movements d'esquèrra.

Avètz un discors caricatural de la drecha utopica e irracionala.


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

13 de decembre 07.48h

#4 Plan vertat, serviguèt mai que mai d'aisina ideologica, idem que LIP o lo Vietnam, a la movença pòst seissanta-uècharda utopica-gauchista-tiersmondista-babacool-maoïsta qu'èra a la mòda (e òc !) d'aquel temps. L'occitanisme i-èra tras qu'anecdotic, los cantaires occitans èran pas de tot previstes dins las fèstas que se debanèron al Rajal del Guòrp en 74 e 75 e deguèran butar una brava bramadissa a cò dels organizators per poder passar. De tot biais la majoritat dels participan... Legir la seguida


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

12 de decembre 17.51h

Un article bon, optimista e necessari. Mercé!


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

12 de decembre 09.37h

"Vòli parlar al pòble amb los biais (e problèmas) que parla lo pòble! Devèm tornar crear lo terren per un novèl Larzac, ont l’etnicisme e los problèmas socioeconomics se fusionèron e l’occitanisme èra grand! " Aqui una frasa d'antologia ! Justa una precision.... sul Larzac jamai l'occitanisme siasquèt plan important, al mai qualques desentas de militants perduts al mièg de la molonada


Valora aquest comentari:   votar positiu 13   votar negatiu 3
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OC Brigada

Perfil

Mattia Pepino

Mattia Pepino logo rss

Militant de l’Assemblada Occitana dins la Val Vermanhana, ont viu e trabalha

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions