Opinion
Crida a totes los occitanistas sul decopatge del país nòstre
Ara lo govèrnament francés a decidit d’acabar lo trocejament del país nòstre, Occitània. Als òrdres de la “Tròika” (FMI, Comission europenca, Banca centrala europèa), lo poder francés a decidit de limitar lo nombre de regions de l’exagòn e, coma aqueste poder francés es particularament zelós, o a fach rapidament, e sustot amb l’idèa de pas reconstituir los paises colonizats, “les provinces”… Tot aquò o fa en jogant sul manten dels poders o dels privilègis dels diferents baronets, socialistas o non, dins la plaça.
N’i a pro d’endurar aqueste acarnament del poder central parisenc contra tots los paises e pòbles colonizats d’aquel estat. Los Bretons ja an reagit a l’anóncia d’un nòu trocejament Hollande-Valls contra la reunificacion de Bretanha. Al projècte d’unificar Corsega amb la region PACA, Jean-Guy Talamoni, militant del partit independentista Corsica Libera a dich qu’aquò èra “una declaracion de guerra“, e En Hollande cambièt lèu-lèu aquel projècte… E nosautres, occitanas e occitans (dels partits occitanistas o sens partit), davant un despeçatge atal de çò que demora de l’Occitània, qué fasèm?!
Pensatz pas qu’es temps de reagir vivament e unitariament? Occitanas e Occitans dels partits occitanistas o sens partit, pensi qu’ara es lo moment d’unificar las fòrças nòstras per complir lo dever normal de tot patriòta occitan.
Al delà de las garrolhas de partit o de personas, pensi qu’es un dever de s’unir per la causa nòstra e d’organizar rapidament una manifestacion granda o/e d’accions dins tot lo país per exigir l’unificacion del País d’Òc. E mai s’es pas ganhat, lo silenci nòstre seriá la fin de nòstras esperanças.
Espèri que parlaretz, dins los grops vòstres e al vòstre entorn, d’aquela crida a faire quicòm.
_____
Letra dobèrta adreiçada al PNO, al PÒC a Libertat"
N’i a pro d’endurar aqueste acarnament del poder central parisenc contra tots los paises e pòbles colonizats d’aquel estat. Los Bretons ja an reagit a l’anóncia d’un nòu trocejament Hollande-Valls contra la reunificacion de Bretanha. Al projècte d’unificar Corsega amb la region PACA, Jean-Guy Talamoni, militant del partit independentista Corsica Libera a dich qu’aquò èra “una declaracion de guerra“, e En Hollande cambièt lèu-lèu aquel projècte… E nosautres, occitanas e occitans (dels partits occitanistas o sens partit), davant un despeçatge atal de çò que demora de l’Occitània, qué fasèm?!
Pensatz pas qu’es temps de reagir vivament e unitariament? Occitanas e Occitans dels partits occitanistas o sens partit, pensi qu’ara es lo moment d’unificar las fòrças nòstras per complir lo dever normal de tot patriòta occitan.
Al delà de las garrolhas de partit o de personas, pensi qu’es un dever de s’unir per la causa nòstra e d’organizar rapidament una manifestacion granda o/e d’accions dins tot lo país per exigir l’unificacion del País d’Òc. E mai s’es pas ganhat, lo silenci nòstre seriá la fin de nòstras esperanças.
Espèri que parlaretz, dins los grops vòstres e al vòstre entorn, d’aquela crida a faire quicòm.
_____
Letra dobèrta adreiçada al PNO, al PÒC a Libertat"
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 vedi pas çò de glorios d'èster pas encartat. benlèu las gents estossin mei encartadas, justament, las causas serén pas arribadas ad aqueth punt de despolitizacion e d'indiferéncia a la causa publica. au despetaçatge deus nòstes territòris e a l'interdiccion de la nòsta lenga. a la perduda de consciéncia qu'èm un puple, a l'impossibilitat d'obtenir un estatut e un estandard de bon emplegar publicament per la lenga. vrai, vedi pas de qué pavonejar d'èster pas encartat.
es ça que abià compres amb la debuta de Bastir.... ara es segùr que bastirèm ça que poirèm....mas, per bastir, cal ça que cal.... fondamentas seguras, materials nòbles e subre tot embeja de bastir un quicòm, un avenidor....pas beson de gents que venon pel poder....per lor glòria o per la parença !
i cal anar, cal pas mancar lo tren !
Bastir vòl organizar una protèsta contra la reforma hollando-socialisto-estupido-territoriala?
Surprenent mas s'aquò se fa es una excellenta causa
Occitanista non encartat : felicitacions ! Aquò's pas tan frequent.
Adiu Car Miquèl Bechereau
Sus aqueste subjècte vai solet que lo PNO es plan d'acòrdi per una protèsta comuna organizada amb los autres partits o gropets politics occitanistas coma Iniciativa per Occitània, Pais Nòstre, lo Partit Occitan, Libertat e d'autre monde non encartats ... Es una protèsta que deuria èsser presa en carga per la movença Bastir.
Es esperant vaqui lo comunicat de prensa que lo PNO publiquèt lo 22 d'abriu de 2014 ... e malurosament un mes e mieg mai tard i a res a i cambiar !
Quina reforma territoriala per la Republica francesa ?
Aprèp doas annadas de patetariás sul pretendut « acte tres de la descentralizacion », lo novèl govèrn francés tòrna a las practicas de la tradicion centralista e tecnocratica.
Las 21 regions metropolitanas son apeladas a fusionar per aumentar lor talha e reduire lor nombre a 11, en foncion de critèris unifòrmes, sens consideracion per lor diversitat sociala, istorica, culturala (especialament lingüistica) ni per las volontats de las populacions tocadas.
Al lòc de delegar de competéncias novèlas a las regions e de lor autrejar los mejans politics e budgetaris correspondents, lo govèrn envisatja de lor retirar tornarmai la « clausa de competéncia generala », suprimida jos Sarkòzi en 2010 e restablida en 2014 (!)
Lo Partit de la Nacion Occitana rapèla sas posicions :
- per l'autonomia e la cooperacion de totas las regions e collectivitats occitanas dins l'Estat francés e delà de sas frontièras.
- per lor redefinicion en foncion de las identitats lingüisticas e culturalas (en particular en enclusent las zònas occitanas perifericas) e non pas de manièra tecnocratica mas en consultant las populacions tocadas par referendum.
- per la restructuracion de l'espaci occitan pel mièg dels « païses » que devon remplaçar los departaments coma collectivitats de proximitat.
- per un refortiment dels poders e dels mejans financièrs de las regions, per que pòscan estimular lo desvolopament economic e asegar lo territòri.
Lo Partit de la Nacion Occitana s'opausa donc a de regropaments eterogèneus, coma aqueles envisatjats entre Aquitània e Lemosin d'un costat e Peitau- Charenta de l'autre, o entre Ròse-Alps e l'Auvèrnha (conven al contrari de destacar Dròma e l'Ardècha de Ròse-Alps).
S'opausa tanben al dògma de la necessitat de grandas regions que impausarián als bascs e als catalans de s'integrar dins de regions occitanas mentre que reinvindican amb rason de collectivitats especificas. Per tornar definir pel melhor los territòris regionals, cal poder tornar definir tanben d'unes territòris departamentals.
Per lo Partit de la Nacion Occitana, las regions occitanas devon èstre definidas tan coma se pòt en foncion de las solidaritats e proximitats constatadas dont un indicator es la lenga occitana que lor es comuna. De mai, la revitalizacion de l'espaci central d'Occitània necessita la reconeissença e la valorizacion d'una identitat guianesa, de Brageirac à Menda. De regropaments son possibles entre aquelas regions, dins le respècte de lors personalitats respectivas e en essent que las populacions tocadas los aproven.
Partit de la Nacion Occitana
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari