CAPÇALERA2: IEA-AALO

Jornalet, gaseta occitana d'informacions

Divendres, 14 de decembre

Nicolau Rei Bèthvéder

Divendres, 30.11.2018 03h00

Lo pòble dels gilets jaunes e l’Occitània


Comentaris 16 comentaris    
Dolent Fluix Bo Molt bo Fabulós (51 vòtes)
carregant En cargament


Un lotejament de Fontsòrbas (Gasconha tolosana) ont i a fòrça dels gilets jaunes

Correspondéncia deus blocatges deus Gilets Jaunes (17.11.18) e las airas urbanas en França
© NRB




Etiquetas
gilets jaunes, rei bèthvéder, rei bèthvédergilets jaunes

Lo movement dels gilets jaunes es un OVNI politic. Fa paréisser un pòble periurban qu’èra invisible. Al delà d’aspèctes negatius, seriá benlèu un moment per faire avançar l’occitanisme politic.
 
Lo 70% dels Franceses dison sostenir los “gilets jaunes”, poirem donc dire que la França entièra es vestida d’una casubla jauna. Lèu los estudis e sondatges, mas tanben la geografia, nos ensenhan qu’aquel país jaune es pas la França tota, mas la de la periferia, la del periurban (véser mapa).
 
I a cinc ans ja, escriguèri un article sus las banlègas residencialas e lo vòte FN ont fasiái la descripcion d’aqueste ocean d’ostalòts que manjan lo campèstre a l’entorn de las metropòlis nòstras. Es aquela França que suslevèt. Es la França dels gilets jaunes.
 
Dins lo meteis article mostrèri de plan qu’en Occitània, aquelas zònas periurbanas son desoccitanizadas e en mai d’aquò, la part de populacion d’origina occitana es pro baissa. Un dels menaires en Tolosan, dels gilets jaunes, Benjamin Cauchy veng de Soissons.
 
Una Occitània, amb pauc d’occitans, multipla, fòrça divèrsa e contradictòria. Mas avèm en Occitània de gilets jaunes nacionalistas franceses, que sortisson lo drapèu tricolor de contunh, e que cantan la Marselhesa de longa... La preséncia de bandièras amb la crotz occitana es anecdotica contràriament a la Bretanha. 
 
Mas, çò que los unís es que son d’una França periurbana. 
 
Coma o fasiái remarcar ja en 2013, son sovent de gents que vòtan als extrèmes (RN) quand vòtan. De fait, l’abstencionisme es massís. Son “de petits blancs”, amb de còps d’idèas xenofòbas e regètan en tot cas los barris amb de populacions non-europèas. Son de familhas, recompausadas o pas, ont la femna e l’òme trabalhan. I a pauc de joves en cò de las casublas jaunas, an puslèu entre 25 e 65 ans Trabalhan e cadun se ganha entre 1500 e 2000 euros cada mes, mas devon remborsar l’ostal a la banca cada mes, e aquò sus 20 o 30 ans. Vivon dins de lotejaments, tròp sovent lèges e totjorn estandardizats. Aital, lo 95% dels ostals son faits sense arquitèctes. Aquela França dels giratòris e dels envans comercials foguèt plan descriuta dins lo libre de David Mangin, La Ville franchisée.
 
En mai d’aquò, los dos an de veituras, sovent al gasòli, que chucan una part del revengut. Se tròban sovent a 20 km d’una gara dins de zònas mal bastidas, luènh de tota ofèrta seriosa de transpòrt en comun. Un quadre fa 18km per anar a son trabalh, un obrièr fa 40 km! 
 
La partença del movement dels gilets jaunes, o cal pas doblidar, veng de l’augmentacion del prètz del gasòli, que passèt davant l’essença. Aquò foguèt vist coma una provocacion per de gents dont l’ecologia es pas la pensada primièra. Òm parla pas dels 48 000 mòrts per an dins l’exagòne a causa de la pollucion de l’aire. De fait, cada còp en França que se vòl taxar la pollucion, es la revòlta coma amb los bonets roges bretons sus l’ecotaxa de 2013. L’ecologia es pas encara un tèma popular o benlèu pareis encara inaccessibla.
 
Aquesta classa mejana n’an tanben un sadol de las taxas e dels impòstes. Segon l’INSEE , la pression fiscala entre 2008 e 2016 deminguèron lo revengut disponible de las familhas de 500 euros (– 1,4 %). 
 
Coma o disiá Hervé Le Bras, demograf, dins l’Invention de la France,: ”Mai s’alunhan dels còrs de vila, dempuèi 2000 -2002, mai vòtan FN. Es la França periurbana, de las banlègas luenchencas (...) Trabalhan en mejana a 30km de l’ostal, fan las compras a l’ipermercat, i a pas de troquets, i a pas de fèstas al vilatge, (...) Son de vidas complicadas, pòdon pas gaire comptar sus una comunitat per los aculhir o los ajudar, plantats al mièg dels camps. Es d’una grana duretat. 
 
Olivier Todd dins lo libre polemic Qui est Charlie?, de 2015, dessenhava en negatiu, aquesta França periferica ont una islamofobia e un òdi dels migrants, sovent amagats, se revelan ara (veire l’editorial del Jornalet). Cal dire qu’aquel movement, dit espontanèu, es animat per fòrça gents que vengan del RN de Le Pen coma en Rosselhon Thomas Miralles.
 
Lo movement dels gilets jaunes es tanben un neo-pojadisme, portat per de pichons patrons d’entrepresas, d’artesans, de mercadièrs e d’emplegats de tota mena. De gents qu’an mens de diplòmas que l’ensemble de la populacion. Son de gents que legisson pas tròp e regètan la premsa. Se malfisan de la television e s’infòrman unicament sus las rets socialas. L’apleit de la revòlta es pas lo pavat, mas lo telefonet. Per totas aquelas rasons, la França jauna es malurosament mespresada pels elèits. 
 
Qualqu’un coma Didier Tauzin, general a la retirada e amb d’idèas d’extrèma dreta mas tanben influent dins lo movement dels gilets jaunes, diguèt qu’èra ”la França prigonda contra la França centralizada”. 
 
Vesèm pertot un regèt de París —o per melhor dire del parisianisme— e podèm tanben parlar d’un regèt del centralisme. 
 
Alara, i a pas res d’esperar d’aquel movement populista per l’occitanisme? I a benlèu qualques elements positius. Pel primièr còp vesèm donc, en França “periferica”, un movement orizontal sense caps, sense organizacion, plan luènh del jacobinisme abitual. Vòlon pas mai d’un Jupitèr.
 
I a donc una ocasion per l’occitanisme politic de prepausar de solucions a aquesta movement, fait d’emocions e de crits de colèras. Las idèas autonomistas, de democracia locala pòdon eventualament èsser una via de sortida d’aquela crisi prigonda. Las municipalas de 2020 seràn, per nosautres, un moment essencial.
 
O cal esperar.
 




abonar los amics de Jornalet



publicitat
BANER1: IEA-AALO



Comentaris

4 de decembre 21.11h

Avetz rason, dona Maria Joana Verny, de reprene l'anali d'En Gerard Noiriel.


Valora aquest comentari:   votar positiu 3   votar negatiu 8
Respondre comentari replica Comentari inadequat   Formulari d'abús de comentari

3 de decembre 21.09h

#13 Vertat, e i avia jà de "casseurs" dins las manifestacions de 68, tan coma dins totas aquelas de las annadas setanta. Se ne'n avia pas agut de "casseurs", lo govern auria pas jamai plegat. Perque lo sol lengatge que compren e qu'ausis es aquel de la força. La ben-pensança de la bobotalha post-68 es estranhament amnesica sus aquel fenomen. Ne'n son puslèu a s'escalustrar perque lo poble es vengut salopejar lor polit boboland parisenc. De que se regausir en efiech.


Valora aquest comentari:   votar positiu 21   votar negatiu 6
Respondre comentari replica Comentari inadequat   Formulari d'abús de comentari

3 de decembre 20.36h

#10 òsca per aquela autòcritica del profesor NRB.

De segur, mai del 75 del cent de la populacion de l'estat francés que sostenon lo moviment dels gilets jaunes son pas de "beaufs" a la Reiser, coma descrichs dins aquela opinion !


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

3 de decembre 20.27h

#12 Cercatz pas mai luenh, Mai de 68 comencèt parrièr. Las revendicacions èran tan divèrsas, bordelicas e confusas coma o-disian jà lo poder e sa jornalistalha que se refusavan de creire que i avia pas un malordit "de l'anti-France" darrièr tot aquo. Alara qu'èra tot simplament lo sadol del poble contra las institucions. Es sonque aprèp l'eveniment que lo moviment es estat presentat logic e coerent pels meteisses jornalistas e politics que sul moment i comprengueron pas res. Quita a l'e... Legir la seguida


Valora aquest comentari:   votar positiu 22   votar negatiu 5
Respondre comentari replica Comentari inadequat   Formulari d'abús de comentari

3 de decembre 19.47h

Pensi que lo moviment « gilets jaunes » es un brave sadol d’una manca de democracia mai anciana :
-pas de vertadièra causida per las presidencialas
-de candidats que presentan çò que fan pas (Macron es pas lo primièr! Vos remembratz « mon enemic es la Finància »)
-una democracia (en particulièr un Parlament e una decentralizacion) que fonciona pas
Lo govèrn actual passèt l’òsca tre la debuta (es sa fauta primitiva) amb la supression de l’ISF. Supression inexplicabla e i... Legir la seguida


Valora aquest comentari:   votar positiu 2   votar negatiu 8
Respondre comentari replica Comentari inadequat   Formulari d'abús de comentari

2 de decembre 22.24h

#9 L'editorial de la setmana passada (largament comentat) èra tanben consagrat als "gilets jaunes".
Pel demai, sus aqueste moviment: i a un resson dels "gilets jaunes" qu'es estonant. En causa del biais novèl d'accion? En causa del malcontentament pro generalizat?
En tot cas las manifestacions an pas passat las 300 000 personas per França tota. Es fin finala pas tant qu'aquò comparat a las darrièras mobilizacions sindicalas (lei El Khomri) o la "manif pour tous".
E qué dire de la compara... Legir la seguida


Valora aquest comentari:   votar positiu 11   votar negatiu 3
Respondre comentari replica Comentari inadequat   Formulari d'abús de comentari

2 de decembre 21.59h

#9 Lo Jornalet que hè çò qui pòt. N'as pas qu'a escríver un article. Lo movement occitanista qu'ei plen de monde qui critican de contunh, mes ne son pas numerós los qui hèn...
Entà respóner suu hons, ne soi pas de Barcelona, que demòri dens aquesta França periferica. Que parli donc de çò que vivi. Lo Jornalet que publiquè lo men article que pòrta suus "gilets jaunes" totun e Valadier que'n hasó un tanben lo dia d'abans.
Après lo movement deu gilet jaunes que càmbia, òra per ... Legir la seguida


Valora aquest comentari:   votar positiu 14   votar negatiu 5
Respondre comentari replica Comentari inadequat   Formulari d'abús de comentari

2 de decembre 13.43h

Aqui ont vesem que Jornalet es dirigit dempuèi Barcelona (ço qu'en general es pas fach per nos desagradar) es que rendètz pas compte d'aquo que se passa ara en Occitània amb los gilets jaunes. A Marselha, al Puèi-en-velai, a Narbona, a Tolosa...eca...an cremat de gendarmarias, i a de combats per carrièiras, de radars que son brutlats, de jornalistas que son castanhats perque son vistes coma los aligats del poder, la revolta que poja de jorn en jorn, sostenguda per mai de 85 per cent del p... Legir la seguida


Valora aquest comentari:   votar positiu 28   votar negatiu 11
Respondre comentari replica Comentari inadequat   Formulari d'abús de comentari

1 de decembre 19.57h

Curiositat : perque los sols drapels desplegats pels gilets jaunes a Paris son lo francès e lo breton ? Pas jamai l'occitan , lo corse o lo basc. Perque ?


Valora aquest comentari:   votar positiu 28   votar negatiu 6
Respondre comentari replica Comentari inadequat   Formulari d'abús de comentari

1 de decembre 19.18h

#6 Interessant tanben. Me sembla pas completament incompatible amb l'analisi de Nicolau.
En tot cas me sembla impossible d'aver un agach real de la totalitat d'aqueste moviment. Per ma part i vesi tant de causas positivas coma de pregondament perilhosas. Revèla plan la caforna ont es la societat francesa.


Valora aquest comentari:   votar positiu 13   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Nicolau Rei Bèthvéder

Nicolau Rei Bèthvéder logo rss

Escrivan, licenciat en sciéncias politicas e professor d’occitan e d’istòria geografia tanben en occitan.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions