CAPÇALERA: VAU SERENA
CAPÇALERA2: ESTRENA DE L'AN

Jornalet, gaseta occitana d'informacions

Dimenge, 26 de genièr

Nicolau Rei Bèthvéder

Divendres, 13.12.2019 03h00

L'occitan, ua vertadèra LVB?


Comentaris 9 comentaris    
Dolent Fluix Bo Molt bo Fabulós (15 vòtes)
carregant En cargament





1. Ua prumèra mentida: Ua Lenga Viva B (LVB) generalizada en licèu
 
Au CAEOC de junh de 2019, estoc indicat que l’occitan seré ua LVB (ex-LV2) dins 23 licèus de l’acadèmia de Tolosa sus 35 on i a encara d’occitan. La LVB existishèva dejà dins 7 licèus. Ne calèva donc draubir 16...
 
En realitat, lo gat es magre! N’i a pas nat on l’occitan LVB estoc oficialament draubit…
 
Estoc la prumèra grana mentida de l’educacion nacionala, quan la propaganda blanqueriana disèva lo contrari.
 
 
2. Ua segonda mentida: Ua LVB OC entau bac
 
Dins ua amassada de formators interlengas, lo 27.09.19 a Colomèrs, los IPRs de lengas vivas de l’acadèmia de Tolosa certifiquèn que damorarem, entà la causida, quasi sus la medisha formula qu’abans.
 
Entà estar clar: son los liceans, en classa de prumèra, a la fin deu prumèr trimestre e au moment de l’inscripcion au bac, que causirén l’òrde de passatge de las lengas au bac. 
 
Entà dar un exemple concret, ua LVB Castelhan seré presa en compte coma tala entà Parcoursup, mès que poiré estar ua LVC (ex-LV3) entau bac. De la medisha faiçon ua LVC Occitan damoraré LVC entà l’establiment mès que seré LVB entau Bac.
 
Aquesta solucion permeteré de hòra-banir los provisors de la causida de las LVs au bac. Sonque l’escolan e la familha causirén.
 
Mès en realitat, aquesta solucion èra ua experimentacion deu rectorat mondin, pas brica validada per la Direccion Generala de l’Ensenhament eSCOlar de París (DGESCO).
 
L’afar deu licèu de l’Isla de Baish de la debuta de deceme, on 8 escolans de LVC se vejón interdits de LVB au bac, mostrèc la segonda mentida.
 
Après la mobilizacion deus parents, deu provisor, d’associatius e d’elegits s’acceptèc “a títol excepcionau” l’inscripcion deus liceans lisleses a la LVB Òc.
 
Dins aqueste lamentable episòdi, l’empacha èran pas ni l’administracion deu licèu, ni lo rectorat, mès clarament la DGESCO.
 
En realitat, dins d’autes licèus de l’acadèmia de Tolosa, escolans d’occitan se vejón interdits de LVB (Galhac per exemple), mès l’afar prengoc pas la dimension de l’Isla de Baish.
 
D’aulhors, ara que las inscripcion s’acabèn, caleré que l’OPLO hascosse ua comparason entre los inscriuts d’enguan LV2 OC de terminala e los LVB OC de prumèra. Seré fòrça instructiu.
 
 
3. Ua liquidacion amagada?
 
Darrèr las darrèras camaligas sus l’occitan, trobam la DGESCO soent
 

— Lo rector balhèc ua derogacion a ua escolan de cumular los EDS OC + EDS Anglés, mès la DGESCO la refusèc. Ací estoc un combat de mèi
 
— Lo restabliment complicat de la LVB a Sant Africa.
 
— L’afar deu cumul BachiBac + Occitan on l’arrestat deu 5-6-2019 publicat au J.O. deu 23-6-2019 ditz dins son article 5 que “Les élèves scolarisés dans une section Bachibac ne sont pas autorisés à choisir une langue vivante régionale au titre de l’épreuve de langue vivante B.”
 
— Refús renovelat de dar l’estatut avantatjós de las Lengas e Culturas de l’Antiquitat a las Lengas Regionalas.
 
 
Es clar ara que i a gents au ministèri del’EN que vòlen pas dar nada plaça a l’occitan dins l’encastre de la refòrma Blanquèr deus licèus.
 
Jo apèri açò ua liquidacion escusèra.
 
 
 
 


abonar los amics de Jornalet
 



publicitat
BANER1: AOF



Comentaris

16 de decembre 22.40h

#7 — Qué serà l'ensenhament de l'Occitan de deman ?
— Espèri que serà quicòm puslèu que non pas res mai, mas non ne prenèm lo camin, actualament…

— Sabèm plan que los mejans especifics son pas un dispositiu durable a que plaçan aquel ensenhament dins una situacion precària…
— Vos enganatz ! Los mejans especifics son actualament indispensables a la subrvida de nòstre ensenhament (e donc del nòstre pòble). Si qu'es precària la situacion de las lengas ditas "de França".... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

14 de decembre 08.48h

#7 Ai pas gaire de temps per respondre, ça que la:
"Caquelà es un trabalh de mantenença, pas vertadièrament prospectiu."
Non, fasèm pas un trabalh de mantenença, mantenèm pas una situacion estant que "cream" de novèls locutors (los escolans occitanofònes abans d'arribar a l'escòla son de raretats). L'objectiu es donc de multiplicar lo nombre de locutors.
"Que sera l'ensenhament de l'Occitan de deman ?"
Ne sabi pas mai que tu. Espèri que serà melhor qu'actualament, es per aquò que ... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

14 de decembre 08.34h

#6 Trabalh preciós, vertat. Caquelà es un trabalh de mantenença, pas vertadièrament prospectiu. Que sera l'ensenhament de l'Occitan de deman ? Sabem plan que los mejans especifics son pas un dispositiu durable a que plaçan aquel ensenhament dins una situacion precària. Quanhas son las proposicions alternativas de la FELCO ?


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

13 de decembre 23.50h

#4 Picotalos, coma president del CREO de l'academia de Tolosa me permeti de vos respondre. Ai pas cap de dobte qu'avètz plan legit la reforma Blanquer e qu'avètz plan seguit las inscripcions pel bac d'ongan. Vos demandi pas çò qu'avètz fach per melhorar la situacion, es sovent mal vengut dins los comentaris. Vos vau dire donc çò que faguèt lo CREO de l'academia de Tolosa pr'amor que me sembla qu'ès pas estat assabentat (sètz donc perdonable).
Rapèli que lo CREO es sòci de la FELCO ... Legir la seguida


Valora aquest comentari:   votar positiu 5   votar negatiu 1
Respondre comentari replica Comentari inadequat   Formulari d'abús de comentari

13 de decembre 21.53h

#1 Prova de militantisme mas per quin partit??


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

13 de decembre 21.49h

Lo CREO Tolosa
Dos trens de ratards:
-La reforma blanquer es passada l'an passat (la calia benleu legir...)
-l'inscripcion de las lengas pel bachilierat èra abans lo 11 de decembre

A Tolosa los cans jaupan aprep que la caravana aja passada...


Valora aquest comentari:   votar positiu 3   votar negatiu 3
Respondre comentari replica Comentari inadequat   Formulari d'abús de comentari

13 de decembre 11.39h

#1 Ah ah !

Ai doblidat de precisar de causas d'importància ! (vesètz qu'es complicat)

Nòtas de LVA = representa 7% del bachelierat total
Nòtas de LVB = 7% del bachelierat - mas las espròvas son mai aisidas que la LVA.
Nòtas de LVC = 1% del bachelierat -> Pas mai d'espròvas, comptan solament las nòtas dels bulletins de 1èra e Terminala.

Autrament dit : se meti 20/20 a un escolan en OCCITAN pendent 6 TRIMÈSTRES, ganha 1 PUNT pel Bac.


----
Sens parlar d'occitan ->
La Nòta totala de... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

13 de decembre 11.06h

#1

1) Amb la reforma Blanquer las lengas càmbian de denominacion.

Son pas mai LV1 - LV2 - LV3 dins un òrdre d'importància.

Son ara LVA - LVB - LVC dins un òrdre d'importància.

Es lo principi de la nòvlenga. Es tot parièr coma de per abans, mas cambiam los noms. Es tot.

2) Es bravament complicat d'explicar CLARAMENT çò qu'es la DGESCO (Direction Générale de l'Enseignement Scolaire) perque es çò qu'un sociològ de la organizacion apelariá una "BOITE NOIRE".

La DGESCO es l'org... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

13 de decembre 09.20h

Ambe tota l'amistat que t'ameritas pel teu militantisme, te fau remarcar que i a qualques legeires del Jornalet que son pas ensenhaires- seriá bon d'esclairar lor comprenèla tan lèu que s'utilisa un sigle misteriós ...LVB ....DGESCO......


Valora aquest comentari:   votar positiu 12   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Nicolau Rei Bèthvéder

Nicolau Rei Bèthvéder logo rss

Escrivan, licenciat en sciéncias politicas e professor d’occitan e d’istòria geografia tanben en occitan.

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions