Bandièra01 1180x150: Comuna de Tolosa

Opinion

Chantar

Si prèsta qu’als rics.
“Se c(h)anta” es estat escrich per lo nep dau trobador Ramond Feraud, famós trobador d'Ilònsa dins la valaa de Tinèa.
Gaston Febus de l'autre costat d'Occitània, dins las nòstras montanhas tanben -mas aicí en Pirenèus-, èra mai interessat per sas amoretas que son ben luenc de la Dama de l’amor cortés.
 
Ramond Feraud disia que son provençal (dins lo sens d'occitan, e ja començava d'aparéisser de traches de vivaroalpenc!) èra pas lo mai pur.
 
Gaston Feraud chantava en vivaroalpenc l’Amor cortés. Sa Dama era au pè das còlas de Niça, pròche de la sòrga de Gorbelon e Gaston èra en plan das Torres pròche de son oncle Ramond. Ai trobat una cobla de mai en los pergamins de familha. Lo vaicí:
 
Dessota ma fenestra, li es un aucelon
Tota la nuech chanta, chanta sa chançon
 
Se chanta que chante, chanta pas per ieu
chanta per ma mia qu’es aluenc de ieu
 
Aquelas montanhas que tant autas son
M’empachan de veire mas amors ont son
 
Baissatz vos montanhas, planas auças vos
Que pòsco veire mas amors ont son
 
Se chanta que chante, chanta pas per ieu
chanta per ma mieua qu’es aluenc de ieu
 
Aquela montanha tan s’abaissarà
Que ma calinhiera apareisserà
 
Aquelas planas tan si ausseràn
los uèlhs de ma bèla apareisseràn
 
Se chanta que chante, chanta pas per ieu
chanta per ma Dama au pè de cu sio.
 
 
Es per aquò que despí, lo Plan das Torres es tan aut en Gavotina e que Las Planas domina la plana de Camp Lòng a Niça. Ont es nascut, mai luènc que 100 canas (= 200 mètres) .
...
E cric e crac, mon cònte es achabat!
(Es un cònte inventat)
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article