CAPCALERA: la botiga

Jornalet, gaseta occitana d'informacions

Dijòus, 21 de genièr

Pau Gaymard

Diluns, 30.11.2020 03h00

Libertat


Comentaris Pas cap de comentari    
Dolent Fluix Bo Molt bo Fabulós (4 vòtes)
carregant En cargament


Es per aquò que mòstro una auja ‘‘ dau potz’’ dins lo vilatge de Casternòu d’Entraunas als visitors diguent qu’es lo pairolàs de “Panoramei” (un ipotetic Panoramix vivaroalpenc) perqué los Venètes d’en Bertanha son estats vinçuts per los Romans en 6 meses




Sabètz que li es un canton de França actuala qu’es estat liure mai tardi que los autres?
 
A la debuta li èran que de Ligures. Pi los Cèltes son venguts en la part màger de çò qu’es devengut Provença. Mas son pas venguts en las montanhas, en los Alps. Quora los romans son venguts ajuar los marselheses, an atacat los Ligures de la còsta, en n’an deportat quarques en Campania. E an conquistat la Provença Narbonesa. Mas an pas conquistat lo País dals Ligures de la montanha que sonavon Liguri Capelli.
 
Pi, Cesar conquistèt la(s) Gàllia(s) tota(s). En l’an mens 16, los romans se son atacats amb dificultat als Alps. Las tres valaas que an resistit lo mai son aquelas de Tinea, Verdon e Var.
 
Es per aquò que mòstro una auja ‘‘ dau potz’’ dins lo vilatge de Casternòu d’Entraunas als visitors diguent qu’es lo pairolàs de “Panoramei” (un ipotetic Panoramix vivaroalpenc) perqué los Venètes d’en Bertanha son estats vinçuts per los Romans en 6 meses.
 
E aquí au nòstre, èran los darrièrs qu’an resistit als Romans. Aquestos son estats tant fiers qu’an fach un monumentàs en Torbia! Après èran pas en Gàllia, ni cisalpina ni transalpina, èran en limite dals Alpi maritimae e Alpi Cottianae. Denant la feodalitat las comunas gavòtas èran esquasiment autogeraas.
 
En la guèrra contra Francés Promièr, lo senhor Grimaldi dals Cròcs (toscanofrancizat en Ascros, vilatge amb un chastèl dins la valaa gavòta d’Esteron) ataquèt las masatges de la valaa. Mas es pas per dire que son devenguts franceses. An tornat au Comtat de Buelh.
 
Quora Anibal Grimaldi, cònte de Buelh, es estat executat en 1622, las gents de’n Casternòu an crompat de mai sas libertats. Pi li es estat la parentèsi de Loís lo quatorzen. Lo tractat d’Utrecht en 1713 oblièt Sant Martin e Antraunas adonc es per aquò que la frontièra de França que durèt lo mai longtemps es das Forchas fins als Sangaris entre Aurent (sus la comuna de Braus) e Enaus (de Vilanòva).
 
Après, Savòia a vist que los impòstes avian pas aumentats despí de la dedicion de las Tèrras nòvas de Provença en 1388. Alora a demandat un montant de 50 fes lo “PNB” das comunas. Pi an infeodat las comunitats. En Casternòu, i èra un curat. N’a chalgut que doas annaas per que la comuna pague un prètz rasonable e revengue “comtessa de per ela”.
 
En la guerra segonda, Casternòu fasia part dau quadrilatèr de Buelh. Los Alemands si son arrestats a Barlata...
 
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Pau Gaymard

Pau Gaymard logo rss

Mèstre de conferéncia en Sciéncia dals Materiaus jubilat

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions