Bandièra01 1180x150: Comuna de Tolosa

Opinion

Solelhàs 3

Lo conferencier avia manco de probabilitat d'aver per antenat lo mòrt de Solelhàs, perque aquel òme es mòrt jove. De tot biais, sabètz que la maire d'un antenat es a la mema probabilitat d'èstre antenaa, mas per lo paire, es pas parièr. Meme se si basam sus los animals los mai fidèls, coma las auchas e los gorrilhes, los tèstes genetics mòstran que chal pauc de generacions per aver mai de probabilitats que vòstre antenat siegue un autre òme qu'aquel que portatz lo nom. Seguent lo librion, l'ostal dau mòrt era en lo masatge, e benleu aquel de Bernat. Quora sio passat en Solelhàs, m'an demandat se èro un Gaymard de Veralhon, lo sabio pas, aurio benlèu après de cauvas. Çò que sabia pas lo conferencier es que Bernat avia crompat en viager lo títol de cossenhor de Veralhon qualquas annaas denant la revolucion a un mossur qu'avia lo meme nom que lo mòrt, benleu lo vièlh avia deseritat son fiu o son felen. Lo vendeire avia crompat Veralhon a una De Amicis d'Auvara e aquel nom d'ostal es d'Entraunas. Benlèu es la grana de la filha qu'esposèt lo fiu de Bernat...




(còpia dau viager en question)



abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article