Diluns, 29.11.2021 03h00
Vaicí la version qu’ai ausia d’Estròp. Lo nom de Payan (grafia francizaia, en grafia occitana Paian) es un nom d’ostal qu’es estat un dals mai emplegats en la valaa. Subretot en Entraunas e Sant Martin.
Es un Payan d’Entraunas que rentrava de Sant Martin o un Payan de Sant Martin que rentret d’Entraunas? Coma ditz la version 2 dau Lanternin. Aquò s’es perdut. Penso puslèu qu’era un Payan estenchon (d’Estenc) que rentrèt dau borg. Marchava sus lo chamin per si rentrar au sieu. Denans de passar alòng d’un bosquet, ausèt de musica. Pi veguèt, en una escleiria, plen de monde a l’entorn d’una taulassa. Èran de monde fòrça beu, amb de vestits de sea, de sedarias, de dentelas que charravan, amb lo gòt, l’anap en man. Sensa que l’ague vist venir, li èra pròche d’eu, un òme plus ben vestit que lo baron de Buelh!
Tot de sea roge e velut negre amb un chapel grandàs amb de plumassas d’estruchi. (de seguir)
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
En cargament
Pas cap de comentari
Mandar
