Diluns, 25.4.2022 03h00
Tot aquò comencèt a la debuta de 1700. Los temps eran durs per los estatjants: Loís lo quatorzen venia de redonar a Savòia lo Comtat de Nissa, era lo maximum dau pichon atge glaciari.
En invern, tant aut fasia pas chaud, Vauban eu meme l’escriguèt. Tant lèu que Victor Amadèu II aguèt lo Val, son administracion recarculèt los impòsts e exigèt una soma enormassa. Aquela afar de sòus era pas achabaa en aquel temps. Lo monde de la valaa avion plen de crucis!
En febrier dau 1700, Anna Ollivier nascua Leautaud, ja malauta, fuguèt pas ben. Fuguèt confessaa pi ma setena reira grand Isabeau de Amicis, frema dau notari Cesar Payany, prestèt d’objèctes sacrats pi faguèt “odorar” pi beure de tisana de jacinta a la malauta.
Coma lo mau era pas partit, Gaspard, l’òme d’Anna pensèt qu’un vesin mandèt un malefici.
Alora crompèt en Colmars d’agulhas e de vinagre per los faire bolhir coma un preire li avia conselhat.
(de seguir)