Diluns, 16.5.2022 03h00
L’autre jorn siam anats veire lo vernissatge de l’exposicion dals placards de la Còsta d’Azur, que sonam la Còsta d’Usura quora siam en Gavotina e que chal s’encalar en vila.
De l’arrèst dau trambalan fin au Barri Lòng, qu’es l’ancian banhe de Nissa (veire) , chalia chaminar alòng dals trepadors e coma mon còl dau femur es estat rot... bondiu!
Après las parletas dals oficials, lo Ciotti passèt serrar las mans. Li ai dich “li son manco de bancs per venir fins aquí”.
Sembla que comprengue pas la lenga, mi respondèt “c’est très bien cela” [es verament ben aquò]. Après siam anats veire los placards en la galeria ont se ve pus ren dau banhe. Au ponch qu’an pas laissat los portissòls (diches en francés’volets à l’italienne, escurets en los escurs) dals escurs dau banhe das fremas que son au segon plan, installats a l’invèrs, durbent solament en aut. Çò qu’era fach per qué posquèsson pas veire los òmes. Fin finala, lo menaire de la naveta dau pòrt (dich “lo passatgin”) a ben volgut nos menar fin a l’arrèst dau tram (qu’es pus ben balant, son los bus que nos fan balar de drecha a seneca (senèstra) e de davans en arrier.
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
En cargament
Pas cap de comentari
Mandar
