Bandièra01 1180x150: Comuna de Tolosa

Opinion

Los bernats

Bernat Pescaire
Bernat Pescaire
Pèire Pojada

Pèire Pojada

Nascut en agost de 2001, es afogat d’ausèls dempuèi 5 ans. Es creator e autor del sit auselum.

Mai d’informacions
Aquesta familia parteja de similituds, coma lo fait de manjar de peisses, crustacèus, insèctes aquatics e autres pichons vertebrats; coma tanben lo fait de nisar en colonias, sovent amb d’autras espècias de bernats.


Lo bernat pescaire (ardea cinerea)
 
Es un grand cambarut. Mesura 98 cm de long e de 175 a 195 cm d’envergadura, per un pes comprés entre 600 e 1200 g. Es gris sus l’esquina, blanc sul ventre e sul còl. Son cap es blanc amb las ussas negras, los adults an de plumas longas que parton del front cap al còl. Viu al bòrd dels rius, dels estanhs e dins los prats. Los joves an lo còl mai gris que los adults. Pendent que pesca es fòrça pacient, pòt esperar de desenas de minutas sens bolegar.
 

Lo guiraudet (Nycticorax nycticorax)
 
Lo guiraudet es un bernat de talha mejana. A de fòrça polidas colors, mas a un còl tròp cort que li balha l’aspècte d’un gibós. Lo dessús de l’esquina e de son cap es negre, e lo dejós mai clar, gris sul ventre e blanc sul còl. Es un ausèl puslèu nocturne, mas se pòt veire en activitat dins la jornada. Mesura entre 58 e 65 cm de long, fa entre 105 e 112 cm d’envergadura e pesa fins a 1 kg. Es en regression pertot en Euròpa a causa de la desaparicion de las zònas umidas.
  
Lo garda buòu (Bubulcus ibis)
 
Lo garda buòu es un bernat plan corrent, pels prats, en companiá de las bèstias. Es un bernat plan gregari. Contràriament a sos cosins, se noirís mens d’animals aquatics e mai d’insectes que tròba pròche de las vacas e dels cavals; viu plan mens pròche de l’aiga, mai se demòra importanta per el. Es tot blanc, levat en estiu ont a de ros sul dessús del cap e sul pitre. De talha leugièrament mai pichona que lo guiraudet, mesura 56 cm de long e entre 88 e 96 cm d’envergadura, per contra es plan mai leugièr: pesa 300-400 g.
  
 
Lo petit bernat blanc (Egretta garzetta)
 
De totis aquelis ausèls, lo petit bernat blanc es lo qu’ai mai vist e mai fotografiat. Es corrent al bòrd del riu mai pròche de mon ostal e a Maseras. Sembla a son grand cosin, mas a lo bèc negre e  lo cap de las patas jaunas (lo demai de la pata es negre). En estiu a de longas e finas plumas sul còl, sul crani e sus l’esquina. Pesca de peisses dins d’aiga pas tròp prigonda; sa tecnica es originala: remena una pata per far venir los peisses e de còps fa d’ombra amb sas alas per atràser sas predas. Li arriba de córrer en batre de las alas per arrapar un peis. Fa la meteissa talha que lo guiraudet, es a dire 60-65 cm de long per 86-104 d’envergadura. Pesa de 500 a 640 g.
 

Lo bernat blanc (Ardea alba)
 
Es lo grand cosin del petit bernat blanc. El, a lo bèc jaune, las patas complètament negras e lo còl mai long. Nisa sovent amb de bernats pescaires. De totis, es lo mai grand: fa 3-5 cm de mai que lo bernat pescaire. Mesura entre 90 e 104 cm de long e entre 1,4 e 1,7 m d’envergadura, çò qu’es 20-30 cm de mens que lo gris e pesa 1-1,5 kg. Dins l’estat francés i a plan pauc de cobles que nisan e es subretot visible dins los camps en ivèrn. Ara es protegit mas abans patiguèt fòrça de las persecucions per sas plumas longas que servissián per ornar los capèls.
 

Lo bernat ros (Ardea purpurea)
 
Es fòrça semblable al bernat pescaire, mas es mai brun e un pauc mai pichon. A lo meteis mòde de vida qu’aquel, levat qu’es mens sovent en plena vista: se ten mai dins las plantas nautas. Sas dimensions son: longor: 90 cm, envergadura: 120-150 cm, pes: 600- 1400 g.



Mai de fotografias sus Auselum.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jan l’Aisit Mimbasta
14.

#12 "Benlèu tanben , aquel que s'amaga, crentos e vergonhos, darrèr un escais". Ni crentós ni vergonhós bahida mes enmascarat, ben, per miélher enganar e "bufar sus las cendres de la provocacion e de la division".
La lista es pauca deus "usual suspects" (non n’èi pas qu’un en cap).
Demandi perdon a’N Pèire per m’esloishar contra un tròl en aquestes comentaris, que lo sol subjècte ací e deuré estar lo son article e lo son blòg, ambdús de tria. Parlem donc de bròis ausèths e non pas de lèds aujamis.

  • 1
  • 0
Gerard Cairon Florentin d'Albigés
13.

Fòra del commentari #9, que m'a fach venir la èrnhas, òsca per ton article, Pèire. Nos fas partejar tas passions amb estrambòrd! Contunha, Fanton !!

  • 4
  • 0
Gerard Cairon Florentin d'Albigés
12.

#10- Cossi podètz, en marrit occitan lengadocian en mai d'aquò, daissar creire que lo gascon es pas d'occitan; benlèu que , darrèr tot aquò, i a un conflicte personal qu'es pas a venir reglar sul " Jornalet" amb d'arguments lamentables; o benlèu, çò que crenti- amb aquel afar del nom de la region, qu'apareissèn de monde , sens cap de coneissença de la lenga, ni empirica, nimai elaborada, que se vengan pretendre , sens vergonha, eles sols a se dire occitans!
(Per rire, vòli dire que ieu que parli l'occitan lo mai central- a çò que cresi , e que demòri al ras de la vila que d'unes, dins lors somis, ne volian far la capitala d'Occitania, ai tota legitimitat a aver un avis sul sicut. )
En mai d'aquò, dins aquela -benlèu- futura region i se parla gascon ( Lomanha, Armanhac, Gasconha tolzana, Bigòrra, Commenge, Coserans) .
Benlèu tanben , aquel que s'amaga, crentos e vergonhos, darrèr un escais, ensaja de bufar sus las cendres de la provocacion e de la division; e aquò, o cal denonciar....es pas aquò que nos far besonh a l'ora d'ara.

  • 6
  • 0
Jan l’Aisit Mimbasta
11.

#10

Some dumb dope by the name of Bernard
Out of boredom would fight in the yard.
I wonder if he knows
I’d piss right up his nose *
By the time he could call out "en garde".

* Consider it done, really.
And by the way, if you’ll use Occitan rather than Gascon it’s "podètz", not "podetz".

  • 13
  • 2
Lo Rei-bernat Montpelhièr d'Occitània
10.

I a agut un problema ! "Jan l'aisit", podetz pas esciure en occitan puslèu qu'en gascon ?

  • 2
  • 9

Escriu un comentari sus aqueste article