Opinion
La coardèla
La coardèla comuna (motacilla alba)
Es la coardèla mai comuna coma son nom o indica. Mesura 19 cm de long, fa entre 30 e 32 cm d’envergadura e pesa 23 g. Viu un pauc pertot mas subretot al bòrd de l’aiga; es un ausèl de mai en mai present en vila.Es sovent visible dins los estadis per çò que li agrada fòrça la pelena, l’èrba corta. Es un ausèl que passa l’ivèrn en bendas.
Es un ausèl de bon reconéisser gràcias a son esquina grisa, lo dessús del cap et la garganta negres, mas tanben per çò qu’a una actitud plan remar- cabla: cor de contunh e a sa longa coa que trantoleja.
Se noirís d’insèctes qu’arrapa en lor córrer aprèp. Se passeja dins l’èrba a la recèrca d’un pichòt invertebrat puèi quand ne vei un, se ronça dessús en córrer gaireben a la velocitat d’un òme que camina! Mas li arriba tanben d’arrapar d’insèctes (sovent de moscas) en vòl, coma un rojacoa (veire l’article sul rojacoa).
Nisa d’abril a agost, fa sovent 2 nisadas e de còps 3. Pond a cada còp 5 o 6 uòus que son coats pendent un pauc mens de doas setmanas. Puèi doas setmanas mai tard, los pichons sòrton del nis. Los joves an pas lo cap ni la garganta negres.
La coardèla dels rècs (motacilla cinerea)
Es la coardèlamai longa, es tanben la qu’a la coa mai longa. Mesura 21 cm de long, per 29 cm d’envergadura e pesa fins a 25 g. Es plan mai dependenta de l’aiga que sas cosinas. Es correnta als bòrds dels rius, dels rècs e tanben dels valats. Coma la coardèla comuna es pas tròp pauruga. Es fòrça solitària.
Es mai jauna que la coardèla comuna, en periòde novial a la garganta negra e tot lo ventre jaune. Es encara mai graciosa que sa cosina grisa.
Se noirís coma la grisa, mas mai al bòrd de l’aiga. De còps arrapa d’insèctes sus una paret en fasent de vòl estacionari.
Nisa dins un trauc de paret, sovent al bòrd d’un punt d’aiga (per exemple jos un pont de pèira). Fa de pichons entre abril e julhet, coa pendent 11-14 jorns puèi los joves demòran encara doas setmanas dins lo nis.
La coardèla jauna (motacilla flava)
Es la mai pichona d’aquelas tres coardèlas. A una coa mai corta que las autras mas es ça que la una granda coa. Mesura 17 cm de long, fa 28 cm d’envergadura e pesa 23 g. En Occitània es subretot visibla en migracion. Es sovent pels prats, a l’entorn de las vacas o dels cavals.
Es puslèu dificila de la diferenciar de la coardèla dels rècs, mas urosament es pas una coardèla plan dependenta de l’aiga: s’i pòt veire pròcha de l’aiga, mas es mai sovent pels prats. Es plan mai sovent en companhiá de la coardèla comuna que de la dels rècs. N’existisson 18 jos espècias, lor sola diferénçia es la coloracion del cap.
Manja d’insèctes atrasuts per las cròtas de caval o de vaca: coma las doas autras, cor per los arrapar. Contràriament a la coardèla comuna qu’es assimilada a una bugadièra, ela es associada a un pastre.
Coma migra, torna sus sa zòna de nidificacion pas qu’en abril: fa lo nis en mai, puèi a léser de far una nisada e rarament una segonda. Fabrica lo nis pel sòl, pond coma las autras 5-6 uòus. Los pichons quitan lo nis a l’edat de 11 jorns abans de saber volar.
Vesitatz lo blòg Auselum.
Es la coardèla mai comuna coma son nom o indica. Mesura 19 cm de long, fa entre 30 e 32 cm d’envergadura e pesa 23 g. Viu un pauc pertot mas subretot al bòrd de l’aiga; es un ausèl de mai en mai present en vila.Es sovent visible dins los estadis per çò que li agrada fòrça la pelena, l’èrba corta. Es un ausèl que passa l’ivèrn en bendas.
Es un ausèl de bon reconéisser gràcias a son esquina grisa, lo dessús del cap et la garganta negres, mas tanben per çò qu’a una actitud plan remar- cabla: cor de contunh e a sa longa coa que trantoleja.
Se noirís d’insèctes qu’arrapa en lor córrer aprèp. Se passeja dins l’èrba a la recèrca d’un pichòt invertebrat puèi quand ne vei un, se ronça dessús en córrer gaireben a la velocitat d’un òme que camina! Mas li arriba tanben d’arrapar d’insèctes (sovent de moscas) en vòl, coma un rojacoa (veire l’article sul rojacoa).
Nisa d’abril a agost, fa sovent 2 nisadas e de còps 3. Pond a cada còp 5 o 6 uòus que son coats pendent un pauc mens de doas setmanas. Puèi doas setmanas mai tard, los pichons sòrton del nis. Los joves an pas lo cap ni la garganta negres.
La coardèla dels rècs (motacilla cinerea)
Es la coardèlamai longa, es tanben la qu’a la coa mai longa. Mesura 21 cm de long, per 29 cm d’envergadura e pesa fins a 25 g. Es plan mai dependenta de l’aiga que sas cosinas. Es correnta als bòrds dels rius, dels rècs e tanben dels valats. Coma la coardèla comuna es pas tròp pauruga. Es fòrça solitària.
Es mai jauna que la coardèla comuna, en periòde novial a la garganta negra e tot lo ventre jaune. Es encara mai graciosa que sa cosina grisa.
Se noirís coma la grisa, mas mai al bòrd de l’aiga. De còps arrapa d’insèctes sus una paret en fasent de vòl estacionari.
Nisa dins un trauc de paret, sovent al bòrd d’un punt d’aiga (per exemple jos un pont de pèira). Fa de pichons entre abril e julhet, coa pendent 11-14 jorns puèi los joves demòran encara doas setmanas dins lo nis.
La coardèla jauna (motacilla flava)
Es la mai pichona d’aquelas tres coardèlas. A una coa mai corta que las autras mas es ça que la una granda coa. Mesura 17 cm de long, fa 28 cm d’envergadura e pesa 23 g. En Occitània es subretot visibla en migracion. Es sovent pels prats, a l’entorn de las vacas o dels cavals.
Es puslèu dificila de la diferenciar de la coardèla dels rècs, mas urosament es pas una coardèla plan dependenta de l’aiga: s’i pòt veire pròcha de l’aiga, mas es mai sovent pels prats. Es plan mai sovent en companhiá de la coardèla comuna que de la dels rècs. N’existisson 18 jos espècias, lor sola diferénçia es la coloracion del cap.
Manja d’insèctes atrasuts per las cròtas de caval o de vaca: coma las doas autras, cor per los arrapar. Contràriament a la coardèla comuna qu’es assimilada a una bugadièra, ela es associada a un pastre.
Coma migra, torna sus sa zòna de nidificacion pas qu’en abril: fa lo nis en mai, puèi a léser de far una nisada e rarament una segonda. Fabrica lo nis pel sòl, pond coma las autras 5-6 uòus. Los pichons quitan lo nis a l’edat de 11 jorns abans de saber volar.
Vesitatz lo blòg Auselum.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Atencion, los noms scientifics de genre començan totjorn per una letra granda. Doncas, cal escriure Motacilla amb una m granda: Motacilla sp. , aital. Òsca per l'article!
Tot e còp es un plaser de vos legir.. Contunhatz
Coneissi ren de ren als ausels, e en vos legissent n'apreni cada còp un bocin mai. M'atreva mai que tot de poder aprener causas en occitan.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari