Dimècres, 9.12.2015 03h00
Paure Cristo, revenguesses sus terra, ti clavelerion un còup de mai.
Monti en scena per ne'n dire doi en niçard que bensai quauqui van audir lo mieu bram. Dion que li son pus que de vielhs babachos per ne'n gardar l'usanca. Ulu (elu) au manco l'auderàn lo mieu bram e la mieu matana. T'an levat lo Festin dai repròches (fèsta tradicionala niçarda, de catarcis sociala que cadun diia a un autre tot cen qu'avia en bila despí l'an). Venon just de repilhar lo Festin dai Cogordons (en Cimiés) e la Fèsta dau Mai. E meme la mieu molher qu'es asiatica non mi pòdi garolhar ensèmb ela en niçard... vergonha. Fa pròpi racar. Se n'i a que si tròbon dins lo meme cas que si vengon radunar emb ieu. M'aquò cadun podrà "loger ses haines" coma dion en l'estadi nòu de Bala au pen (Allianz Riviera stadium de la Plana de Var), bastit d'ont creissia la blea. Lo dion en francés.
Paure Cristo se li capita de perdre, ti van clavelar en la gabia dai gòls o ti mandar de peiras en ti tractant de fadat. E si tendes l'autra gauta, ti mandon un virasoleu a ti far petar li dents. Mas d'ont anam far tèsta aüra?
Chau Viva en toi!
Comentaris
5 d'abril 10.17h
E paure Cristo lo Reinat, qu'es anat retrobar li estelas.
E non, que non ères un vièlh babacho!
http://ieo06.free.fr/spip.php?article3137
Valora aquest comentari:
0
0
9 de decembre 07.28h
Dire a l'autre tot çò que l'òm a sus lo còr.
O ben dire a l'autre totas las qualitas que l'i trobatz?
Valora aquest comentari:
4
6
1
Comenta
Lo comentari es estat mandat corrèctament
2 comentaris
En cargament
2 comentaris
Mandar
