CAPÇALERA: VAU SERENA

Jornalet, gaseta occitana d'informacions

Dissabte, 4 d'abril

Reinat Toscano

Dimècres, 19.2.2020 03h00

Cantaire (en) occitan?


Comentaris 7 comentaris    
Dolent Fluix Bo Molt bo Fabulós (7 vòtes)
carregant En cargament





Au mes d’abriu dau 2019 nen laissava lo cantaire Dick Rivers. Au travèrs dei sieu cançons, manifestèt un interès per la sieu vila, de “Je n’ai pas reconnu ma ville” fins à “Nice Baie des Anges”. E dins li sieu entrevistas non manquèt jamai de dire lo sieu estacament à Niça. Ma perqué cantèt jamai en occitan?
 
La lenga, la sabia, aquò es segur. Coma auria poscut èstre autrament, per un qu’èra naissut à Niça d’una familha d’origina italiana installada dins la Vila Vièlha?
 
De la sieu conoissença dau niçard, m’en faguèt part un jorn Aubèrt Rosso (adaptator en niçard dau Pichin Prince), qu’un jorn mi cuntèt coma Dick Rivers, dins una emission de ràdio dei annadas ‘60, avia cantat, per si divertir, un tròç en niçard d’un dei sieus succès dau moment.
 
Faguèt parier dins una emission de television en lo 2011, quora cantèt “Calant de Vilafranca”. Ma ailàs jamai ren dins lu sieus discs ni sus lo pontin. E non fuguèt fauta de l’encoratjar à lo faire! Li prepauèri per divèrs biais d’adaptacions de cançons sieui e d’autres cantaires, e finda de cançons originali, sensa que jamai mi respondesse. Coma non mi respondèt quora li prepauèri d’adaptacions d’un autre cantaire occitan qu’avia jamai cantat, parierament, en occitan, lenga que pura conoissia: Jòrgi Brassens. Dick Rivers cantant de Brassens? Après tot, perqué pas? A ben enregistrat “C’est extra”, de Leo Ferré...
 
Minga nòva, parierament, quora demandèri la permission d’enclaure de tròç de cançons sieui en occitan dins lu mieus romans policiers.
 
Domatge per l’occitan, qu’auria poscut aver una bèla presença dins lu mèdias!
 




 
                       
           

fffff   fffff
  Faire un poant
(J. DENVER/S. KOOLENN)
 
De la tieu cara
Au mieu ostau
Lo fièr Palhon corre tota l’annada.
E dau tieu morre
Ai mieus uèlhs que plóron,
Li a mai Palhon que juèga à nos separar.

Faire un poant
Per dau boan,
Li donar
Lo tieu nom,
Lo traversar
Per ti baiar,
Faire un poant
Sus Palhon…

Ai ben provat
De navigar
Vèrs d’autres coars, ma lo tieu canta tant foart !
De tu à ieu,
Au fuèc dau soleu,
Li a solament Palhon per nos separar !

Faire un poant
Per dau boan…
 
Adaptacion R.TOSCANO
 
     




 
 
 
 
abonar los amics de Jornalet
 
 



publicitat
BANER1: AOF



Comentaris

28 de febrièr 10.01h

#6 Ailàs, aquò es la veritat en França, perqué alhors...
Julio Iglesias https://www.youtube.com/watch?v=7pB0fKhimBI
Shakira https://www.youtube.com/watch?v=x_42S_7-GLk
Fabrizio de André https://www.youtube.com/watch?v=78YNQ7zzxvQ
https://www.youtube.com/watch?v=nK77YrR25B... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

20 de febrièr 20.37h

#2 Diriai pas los mai marrits mas puslèu los mai idealistas, qu'a la debuta se lançan plens de vam dins aquela aventura sens aver consciença de l'espessor gigantassa del plafond de veire mantengut per las institucions francèsas contra las lengas regionalas. Lengas que d'alhors son pas consideradas coma de lengas vertadièras, mas coma de sembla-lengas que son ni mai ni mens que de francès desformat o degenerat. Cantatz en occitan e serètz pas jamai pres al serios. E se sètz un cantaire f... Legir la seguida


Valora aquest comentari:   votar positiu 13   votar negatiu 0
Respondre comentari replica Comentari inadequat   Formulari d'abús de comentari

20 de febrièr 14.02h

#2
N’i a que son talentoses e que causisson las lengas « regionalas » per cantar. Non pas totes, se’n manca ! N’i a que son puslèu militants qu’artistas, es vertat mas avèm besonh de totes.
Al contrari, d’unes, pas nombroses, que fan aquela causida, almens per una part, son, de plan luenh, los melhors, los pus pionièrs del paìs tant per la musica coma per las paraulas. Mas sovent, son pas tant reconeguts per los militants d’en çò d’eles coma per los artistas estrangièrs ... Legir la seguida


Valora aquest comentari:   votar positiu 2   votar negatiu 1
Respondre comentari replica Comentari inadequat   Formulari d'abús de comentari

20 de febrièr 14.02h

#2
N’i a que son talentoses e que causisson las lengas « regionalas » per cantar. Non pas totes, se’n manca ! N’i a que son puslèu militants qu’artistas, es vertat mas avèm besonh de totes.
Al contrari, d’unes, pas nombroses, que fan aquela causida, almens per una part, son, de plan luenh, los melhors, los pus pionièrs del paìs tant per la musica coma per las paraulas. Mas sovent, son pas tant reconeguts per los militants d’en çò d’eles coma per los artistas estrangièrs ... Legir la seguida


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

20 de febrièr 12.56h

E l'accent del miegjorn ?
N'i a que servan, servàban al mens l'accent o una part...
De senhalar le grop Zebda de Tolosa, eissut de l'immigracion, damb un accent autentic.
A quin edat, quin mitan social, quina urbanitat s'arrèsta l'accent?
E l'occitan en mai?


Valora aquest comentari:   votar positiu 0   votar negatiu 6
Respondre comentari replica Comentari inadequat   Formulari d'abús de comentari

19 de febrièr 14.24h

De la meteissa manièra que los realizadors Catalans preferisson far films en Espanhòl o en Anglés, puslèu qu'en Catalan. Los gents qu'an de talents, generalament, fugisson las lengas regionalas coma la pèsta (e particularament per l'Occitan e lo Catalan). Rèstan pas que los marrits coma Massilia Sound System.


Valora aquest comentari:   votar positiu 6   votar negatiu 11
Respondre comentari replica Comentari inadequat   Formulari d'abús de comentari

19 de febrièr 09.40h

Comprengui plan. Per estar reconegut peus mèdias dits "nacionaus", cau botar de costat sa cultura. Es totjorn lo cas, per malastre.


Valora aquest comentari:   votar positiu 14   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Reinat Toscano

Reinat Toscano logo rss

Escrivan, poèta e professor d'italian e occitan. Autor d'una Gramàtica niçarda

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions