CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Terric Lausa

Divendres, 9.9.2016 03h00

La bandièra occitana es sacrada


Comentaris 17 comentaris    
Dolent Fluix Bo Molt bo Fabulós (19 vòtes)
carregant En cargament





Àudios La bandièra occitana es sacrada (MP3, 4' 49'')

Escolta audio


Etiquetas
bandièra, drapèl, lausa

Dimars passat, a l’escasença de la vesita de la ministra de l’educacion estatala a Tolosa d’unes emplegats del servici protocolari de la region dita Occitanie suportèron pas qu’i agèsse la bandièra occitana e la bandièra catalana darrièr lo pupitre ont la ministra èra per parlar: retirèron los drapèls jos de pretèxtes sornes.
 
Ma primièra reaccion foguèt de pensar que vertadierament vivem dins un país poirit. Quina democracia en general e quina democracia europèa en particular es capabla de suportar aquesta mena de comportament decadent? Al motiu qu’una ministra se passeja en Occitània deuriam amagar las bandièras que nos representan? E quines son aquestes foncionaris regionals alienats al punt de se comportar coma de renegats? Aurián volgut provocar lo pòble occitan e catalan que s’i serián pas preses autrament. Es vergonhosa la Crotz Occitana nòstra que la cal amagar?
 
Un còp la colèra passada —finissèm totes per nos acostumar als actes occitanofòbs— me soi pensat que far dasaparéisser las bandièras occitana e catalana, fin finala, aquò es un acte politic logic: sèm dins un contèxte d’ocupacion politica d’Occitània per l’estat francés. L’estat non pòt pas acceptar que las bandièras nacionalas nòstras pòscan aparéisser al meteis nivèl que la bandièra tricolòra. En escafar los drapèus, los del servici de protocòl de la region occitanie-ana se son faits agents de la propaganda jacobinista estatala.
 
Aquesta anecdòta es un epifenomèn per çò qu’es de la vida publica de la nòstra bandièra. Mai importanta sembla la relacion surprenenta d’una cèrta categoria d’occitans cap a lor bandièra. Per una bona partida dels militants de l’occitan -los “culturalistas”- la bandièra occitana es puslèu ectoplasmica. Non representa pas lor nacion (per eles la nacion occitana existís pas), ni lor país (Occitània existís pas vertadièrament), ni lor projècte politic (dison que s’ocupan sonque de la lenga - coma se la lenga foguèsse pas una question politica!). Per eles la bandièra occitana es la bandièra d’una lenga! En çò fasent doblidan qu’es abans tot la bandièra d’un país, lo nòstre. Una bandièra de lenga, aquò existís pas, a l’excepcion de la bandièra de la francofonia, çò qu’es pas una referéncia en tèrmes de liberacion lingüistica!
 
Mas benlèu que la posicion dels culturalistas es pas tant caricaturala. Coma es lo cas a cada eveniment occitanista, a la manifestacion de Montpelhièr del 24 d’octobre passat, i aviá de milièrs de bandièras occitanas que passavan carrièra. Quina èra la proporcion de patriòtas occitans e de culturalistas entre aquestes portaires de bandièras? Dificil d’o dire. Pòdi pas creire que los culturalistas qu’arboran lo drapèu pensan pas un pauc qu’Occitània se limite pas a la lenga, a l’ensenhament e la cultura. Soi segur que pensan pauc o pro a Occitània coma a un país que s’amerita una dignitat nacionala. Benlèu que las frontièras mentalas entre las doas categorias de militants son pas ermeticas: l’alienacion que França nos pòrta sovent asfixia la nòstra reflexion cap a la realitat nacionala nòstra. Çò segur es que se passejar amb una bandièra occitana, dins l’estat francés d’ara, es pas un acte anodin e es encara mens anodin quand las bandièras forman una multitud. A una escala globala, forman la partida vesibla d’un país occitan que vòl viure e parlar. A una escala individuala forman la part victoriosa d’una luta intèrna de cada individú per metre en plaça lor Occitània mentala, l’Occitània que França ensaja d’eliminar.
 
La bandièra occitana es una benediccion dobla. Es benesida çò primièr coma simbòl del País Nòstre e de tota la riquesa umana qu’i viu dempuèi un millenari, çò es la nacion nòstra. E tanben es benesida coma simbòl de la subrevida d’un país que refusa de se far tòrcer dempuèi de tempses immemorials. Es lo dever sacrat de cada occitan de l’aimar e de l’onorar. La bandièra occitana, la de la nòstra libertat, es la sola muralha que tenem contra l’ultranacionalisme francés de conquèsta que rosega nòstre país.
 



publicitat
BANER1-2-3: DGPL AN LAFONT



Comentaris

13 de setembre 20.26h

#16 a jo que m'agradan las lengas, pas las bandieiras, E comprenetz? Ua causa, qu'ei ua lenga (fenomen acustic de comunicacion) e ua auta qu'ei ua bandiera (fenomen politic de separacion)


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

12 de setembre 22.19h

Un autre que vòl voidar la vessiga (o la tripa): Apatrid, lo sembla rei dels gascons?


Valora aquest comentari:   votar positiu 3   votar negatiu 1
Respondre comentari replica Comentari inadequat   Formulari d'abús de comentari

12 de setembre 22.00h

la bandiera occitana que m'en foti, te!


Valora aquest comentari:   votar positiu 1   votar negatiu 7
Respondre comentari replica Comentari inadequat   Formulari d'abús de comentari

11 de setembre 14.34h

"sacrada", "benediccion", "benesida"x2, "dever sacrat" quò fai totparier beucòp de religiositat a mon agrat. Crese pas que l'i àia qué que siá de sacrat en se, qu'es tot mas de las construccions socialas çò sacrat (qué vòu dire ? Qu'un pòt pas tocar ? Venerable ? Au dessús de tot ? Ieu sabe pas exactament ; çò sacrat per los uns sirá indigne de respiech per los autres etc., ai cherchat l'absolut, l'ai pas trobat). Sus lo fons, sei daus que son p'unpiau nacionalista (e las emblemas... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

10 de setembre 22.28h

#11
Pasmens lo cap dels gascons, lo president de Nòvakitania se reconeguèt occitan, puòi que se planhèt de l'anschluss tolzan. Qué faire? Benlèu qu'en Bearn, Francés Vairon acceptarà lo poste de rei dels gascons?


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

10 de setembre 19.19h

Òc-ben Terric, la bandièra occitana es sagrada.

A l'ora d'ara i a la bandièra occitana sus fond roge amb una crotz jauna dels comtes de Tolosa que malurosament representa pas que la provincia de Lengadòc.

E i a la bandièra occitana totjorn sus fond roge amb una crotz jauna dels comtes de Tolosa acompanhada amont a man dreita de l'Astrada o estèla dels rais del Felibritge que simbolisa l'unitat de las sèt regions dialectalas occitanas (Gasconha, Lengadòc, Provènça, Daufinat, Auvernha... Legir la seguida


Valora aquest comentari:   votar positiu 7   votar negatiu 7
Respondre comentari replica Comentari inadequat   Formulari d'abús de comentari

10 de setembre 14.06h

#10
eh òc, e la non construcion de la nacion gascona qu’ei dens la vosta testa, e que de bandieras gasconas n’i a pas pro ... continuam? ;-)


Valora aquest comentari:   votar positiu 6   votar negatiu 12
Respondre comentari replica Comentari inadequat   Formulari d'abús de comentari

10 de setembre 13.07h

#9

Qué vos pòdi respondre?
Que la non existéncia de la nacion occitana es dins vòstra tèsta. E que de bandièras occitanas n'i a pas pro.

Constructiu l'escambi, non? :-)


Valora aquest comentari:   votar positiu 9   votar negatiu 6
Respondre comentari replica Comentari inadequat   Formulari d'abús de comentari

10 de setembre 12.22h

Aquera nacion occitana existís pas, Terric, qu’ei tot dens la vòsta testa. Avem pro de bandieras!


Valora aquest comentari:   votar positiu 6   votar negatiu 10
Respondre comentari replica Comentari inadequat   Formulari d'abús de comentari

9 de setembre 20.56h

Soi pas tròp nacionalista, mas reconeissi que las bandièras son de simbòls que unisson las nacions.


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Terric Lausa

Terric Lausa logo rss

Faguèt d'estudis d'occitan a l'Universitat de Montpelhièr. Militant occitanista e aimador de la frairança occitano-catalana.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions