CAPÇALERA: dintrada
CAPÇALERA2: AMICS DE JORNALET

Jornalet, gaseta occitana d'informacions

Dijòus, 21 de setembre

Terric Lausa

Divendres, 16.6.2017 03h00

Lo tuning: lo revenge del petit pòble sus l’automobila de luxe


Comentaris 8 comentaris    
Dolent Fluix Bo Molt bo Fabulós (9 vòtes)
carregant En cargament





Àudios Lo tuning: lo revenge del petit pòble sus l’automobila de luxe (MP3, 6' 23'')

Escolta audio


Etiquetas
lausa, tuning

Fau partida de las personas pas tròp interessadas per las automobilas. Las marcas alemandas, la poténcia, lo cuèr suls sètis, la climatizacion bi-zòna e ara la connectivitat son de concèptes que me bufan sul copet sens me donar la pepida. Ben segur, sabi reconéisser una polida veitura quand ne vesi una, mas jamai non me soi pas sentit envejós de los que n’an. Qualques amics mieus non juran pas qu’a travèrs de las Audi, Mercedes o BMW. A ieu pauc me fa. Demandi a ma veitura que me pòrte del punt A cap al punt B, tranquillament. E coma soi pas un fanatic de velocitat, aquò tomba plan.
 
Darrierament lo Festenal prestigiós de Canas nos permetèt de veire los anars e venirs de las stars de cinèma. Aquestes actors e actrises, realizators e productors sovent hollywoodians atraversan pas la vila de Canas a pè, plan solide. Las mai polidas veituras del planèta los menan o las menan fins al tapís roge. Pendent los qualques jorns del festenal las informacions TV e las emissions cinematograficas nos faguèron veire tant las personas mai glamorosas de l’ecran, mas tanben las automobilas mai envejadas del planèta. E aquí, parli pas de las Range Rover, Volvo, o Audi de naut de gamma. Non. Aqueles people aiman se passejar en Bentley, Porsche, Rolls Royce, Ferrari o Aston Martin. Menan o se fan menar dins las veituras mai luxuosas e mai caras del planèta.
 
Per los qu’aiman las veituras de luxe m’imagini qu’aquestes imatges a la tèle son de moments privilegiats. Un amic que faguèt tota sa carrièra dins l’industria automobila m’expliquèt que la causida d’un veitura correspond a l’imatge que volèm donar de nosautres, a la vision de l’estatut que volèm que los autres tengan de nosautres. Ben segur, las veituras de pantais de la Costièra d’Azur dintran completament dins aquesta esquèma.
 
E lo petit pòble? Deuriá èsser lo petit pòble d’Occitània fòrabandit d’aqueste univèrs de las veituras que fan somiar, de çò glamorós dins los veïculs al motiu que jamai se las poiràn pas pagar dins lor vida? Lo petit pòble nòstre seriá condemnat a rotlar dins de petitas Renault, Citroën o Fiat anonimas e sovent d’ocasion? E ben non! Lo pòble totjorn trapa un mejan de s’enauçar, de trapar sa plaça, de metre un pauc de fun, un pauc de fiertat dins sa vida e, digam-o, un pauc de luxe.
 
Lo petit pòble a inventat lo tuning o tunatge en lenga nòstra. Lo tuning es l’art de transformar de veituras ditas ordinàrias en veïculs extraordinaris, en modèls unics, de còps flashies e extravagants, de còps ultratecnics, de còps ultrapotents. Lo tunatge es l’ensemble de las modificacions qu’un pòrta a sa veitura de sèria per la rendre mai potenta, rendre son estil mai polit o encara per la rendre unica. Existisson tot un fum de jos-genre de tuning, segon las especialitats coma per exemple lo Donk, lo Dub, lo VIP, los Sleepers, lo Lowriding, lo Spanish Style, l’Italian Style, etc.
 
Sovent, los tuningaires meton l’accent suls sistèms àudios subrepotents.
 
Fòrça monde considèran que lo tuning e totas sas manifestacions son un léser de las classas populàrias (“un léser de beauf”, çò dison) e d’efièit los mèdias mainstream non lor donan gaireben pas cap d’espaci d’expression. Dins ma vilòta cada annada i a un tuning-show. Fa qualques annadas i anavi ieu tanben amb aquel prejutjat que lo tunatge es un daquòs de beauf. Fins al jorn que la curiositat me butèt a anar discutir amb un tuningaire. L’òme m’expliquèt que s’èra més al tuning perqué se seriá volgut crompar una BMW, mas la banca li prestèt pas l’argent. Se crompèt una veitura basica amb los sòusses qu’aviá estalviat e puèi pauc a pauc decidiguèt de la melhorar: de metre de sètis de cuèr, de vidres fosques, de lums LED. Puèi cambièt per un motor mai potent e puèi venguèt la carroçariá. Dintrèt dins un club d’entosiastas del tuning e doçamenton aprenguèt el-meteis a bricolar sa veitura. Aviá pas qu’a pagar per las pèças: la man d’òbra èra el que la donava. Son abiletat d’obrièr d’usina li serviguèt per se fargar un modèl automobil unic e glamorós.
 
Per ieu lo tunatge es lo revenge del petit pòble sus las veituras de luxe de sèria que se poiràn pas pagar: las veituras tunadas se las son fargadas eles, amb lor saber-far manual. Las an pagadas pauc a pauc. Las an modeladas segon lors gostes exactes e tot aquò amb la dignitat del trabalh d’engenh fait amb las mans. E lo pòble s’engana pas: de tuning-shows s’organizan de pertot amb de molonadas qu’i van assistir. Al darrièr tuning-show de Quilhan, un tuningaire me faguèt: “Vesètz? Aquí tanben avèm de polidas veituras e de polidas filhas dedins: es pas la pena d’anar sus la Costièra d’Azur. Aquí tanben o sabèm far!”. Lo tunatge, fenomèn popular per definicion, a trapat sa plaça dins la cultura populara nòstra e ieu vòli veire aquò coma la manifestacion de la dignitat e de la grandor nòstras, petit pòble occitan.


 


abonar los amics de Jornalet
 



publicitat



Comentaris

19 de junh 22.16h

#7 E ben ! Quanta enterpretacion que fasètz de mon comentari ! Quantas acorchas que prenètz ! Se sètz pro entelligent per faire l'ase, saique o saretz per analizar pus fons mos perpaus... Bòna nuèch :-)


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

19 de junh 15.36h

#6

Es pas segur que l'umanitat pantaissa encara de circular a esquena de muòla o de chivaul, o a pè.


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

19 de junh 11.28h

Una pròva mai que lo pòple a sovent pantaisat lo trin de vida dau monde de nauta futalha. Quora sortirem d'aquela puta de materialisme qu'empoisona las espèras, acorchís la vista e estrechís lo poder que poiriam téner sus nòstras vidas ?
Es aquò la cultura populara actuala ? Podèm pas esperar mai e mièlhs de la societat, entre l'absença de tressaut de consciença, d'accion collectiva e l'enveja de possedir ?
E la set d'èstre, quora la veirem espelir ? Paura umanitat destimborlada e... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

17 de junh 21.39h

Un pegasolet aital per afiscar darrier son carri : Lo que toca a ma ronha, rovilha...


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

16 de junh 15.20h

Gramací per aquel article que dòna la paraula ais apassionats mau jutjats !
Fau partida d'aquelei gents interessats per lei bèlei veituras, e entre autrei lei que son metamorfosadas per la creativitat umana.
Ieu tanben pantalhe de "tunar" mei veituras (n'ai agudas 3). M'aurai agradat de lei rendre mai polidas encara.
Pasmens, s'i a una partida de veritat dins lei fachs qu'expauses Terric, per de gents coma ieu es pas possible (e mai s'aviau lei competéncias en mecanica e tot aquò) de se c... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

16 de junh 11.14h

"e de polidas filhas dedins", coma dire... :(


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

16 de junh 10.59h

Correccion:del pòble que non aun pas.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

16 de junh 10.25h

Es verai qu'es un pichòt revenge del pòble que non ai pas de que se pagar las veiturassas que te coston lo prètz d'un estudiò a Aurilhac.
I a tanben una espausicion de tunatge dins mon vilatge. Ne coneissi quauques uns, son plan biaissuts per tot çò de la veitura màs tre que s'agís de votar la mecanica vira pas pus e nos trapam amb de 50 del cent de vòtes FN. Se lo fotbal es l'opium del pòble, lo tunatge n'es benlèu la cocaïna.


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Terric Lausa

Terric Lausa logo rss

Faguèt d'estudis d'occitan a l'Universitat de Montpelhièr. Militant occitanista e aimador de la frairança occitano-catalana.

mai d'informacions

contactar l'autor

Las mai...


Mai d'articles

Archius




Etiquetas

cantat   catalonha   lausa   occitan   sus la rota   tuning  

D'autres articles


Jornalet, gaseta occitana d'informacions