CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Diluns, 20 de novembre

Terric Lausa

Divendres, 13.10.2017 03h00

Independéncia catalana: una leiçon per Occitània


Comentaris 15 comentaris    
Dolent Fluix Bo Molt bo Fabulós (15 vòtes)
carregant En cargament


Independéncia catalana: una leiçon per Occitània




Àudios (MP3, 3' 41'')

Escolta audio


Etiquetas
aran, catalonha, independéncia, lausa, occitània

Aquestas darrièras setmanas, la premsa francesa sembla qu’aja descobèrt l’existéncia del procés independentista catalan, per pas dire que sembla aver descobèrt l’existéncia de Catalonha. En qualques jorns tot çò que París produsís de jornalistas s’es autodecretat especialista de la politica catalana. E en qualques jorns aquesta jornalistalha s’es transformada, per la màger part, en agents de propaganda del colonialisme espanhòl en Catalonha. En efièit, la premsa francesa s’es mesa al comandament de la classa politica francista (e ispanista per solidaritat colonialista) e de las siás ideologias arcaïcas pudissentas que son lo jacobinisme, lo centralisme, l’antidemocratisme e lo supremacisme. Aquestas darrièras setmanas gaireben totas las emissions de TV, ràdios, totes los articles an pres partit contra l’independentisme catalan e sovent an fait mòstra de teorias vertadierament catalanofòbas. Es estat dificil de trapar d’informacions objectivas e seriosas. Aquò rai! Nosautres occitans sabèm plan que cal pas esperar trapar cap de sinceritat ni dins la premsa francesa ni dins sa classa politica.
 
En defòra d’aquesta operacion de contra-informacion, los malhums socials, eles, an plan foncionat. De pertot los internautas an escambiat sus aquestes eveniments istorics que son l’activitat parlamentèria catalana, lo referèndum del 1èr d’octobre, la repression e la violéncia policièra, administrativa e judiciària espanhòla. Demièg aquesta abondància d’informacions alternativas, lo mond occitanista s’es bravament mobilizat en favor del pòble de Catalonha e de la siá luta per l’independéncia de son país. Per milièrs los activistas, militants o simples simpatizants de la causa occitana an pres partit per la nacion catalana dins la siá quèsta de la libertat e de l’autodeterminacion. Sembla que la catalanofilia -qu’es al mieu vejaire un compausant integral del militantisme occitan e qu’èra un pauc endormit dempuèi qualques ans- se siá despertada amb energia e estrambòrd quand se desvelèron d’un costat una violéncia estatala digna d’un Franco, e de l’autre l’aspiracion pacifista d’una nacion a voler decidir de per ela.
 
Aqueste retorn pel planèta Occitània de concèptes coma pòble, nacion, independéncia, autodeterminacion, colonialisme fa plaser. L’independéncia de Catalonha e d’Aran, aqueste tròç d’Occitània, es per arribar rapidament. S’acaba lo procés independentista e la mesa en plaça concreta de la nòva republica es pas qu’una question de qualques setmanas. Mas es ineluctabla. Se farà. E del moment que se farà, res non serà pas jamai pus coma abans: la nòstra lenga occitana serà lenga d’estat, atal coma lo catalan, nòstra lenga sòrre. Al delà de la question lingüistica, lo retorn dins las bocas occitanistas de la tematica independentista legitimarà l’independentisme occitan. S’i a una leiçon que podèm e devèm prene de l’independéncia catalana es la de partatjar lo bonaür de la libertat retrobada e tanben la de se pausar la question de cossí la nòstra Occitània pòt començar a prene aqueste camin.
 
 


abonar los amics de Jornalet
 



publicitat



Comentaris

15 d'octòbre 12.00h

#12 Lei jornalistas francés! Despièi que se parla dau referéndum, una adreiça soleta: http://www.ccma.cat/tv3/directe/tv3


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

14 d'octòbre 23.25h

Una leiçon o un exemple?
L' UE dels Estats-Nacions vòl far amb Catalonha un exemple coma amb Grècia.
Gara als pòbles rebèls!


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

14 d'octòbre 11.16h

Com me serem mes...Si després de Cat. venen els PP.CC. i després Occitània, molt millor ja sarem molts una majoria, spain no podra fer res si els Catalans estem units, el mateix passa a Occitània, la unió fa la força.
Tot el que fan els ispans, els serà retronat després, vaja que es caven la pròpia fosa.
I malgrat tot ens en sortirem, fa massa temps que havia de passar, hi ha passat, Puigdemont aclara't.
I Occitans, tampoc ho dubteu, a totes!
Visca la terra...Lliure!
L'Ernest, "El Tà... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

13 d'octòbre 21.23h

#4 "Una leiçon per França. Es a dire tròp de decentralizacion > regionalisme > autonomisme produch lo desir independentista. Alara per un Estat tan centralista coma es França, çò d'aprene del fach catalan per França es atudar tota envida anant cap a la decentralizacion."
De tota mena aquela paranoïa de l'estat francès es jà presenta dempuèi un fum de temps. E per la parisencalha prèsta a faire una reaccion alergica tre que nasèja lo mendre bocin de poder "regional", l'Europa d'u... Legir la seguida


Valora aquest comentari:   votar positiu 16   votar negatiu 0
Respondre comentari replica Comentari inadequat   Formulari d'abús de comentari

13 d'octòbre 19.28h

#7 *prevesit: PREVIST - *Avropa: Euròpa


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

13 d'octòbre 19.28h

#7 *prevesit: PREVIST - *Avropa: Euròpa


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

13 d'octòbre 19.28h

#7 *prevesit: PREVIST - *Avropa: Euròpa


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

13 d'octòbre 18.26h

#7 "Oksitanlaştıramadıklardanmısınız" (??? Tsss...), Arrèsta un pauc de nos coflar amb ton charabià e tòrna-te'n a Istanbul veire ton Erdogan ben-aimat, macarèl !


Valora aquest comentari:   votar positiu 21   votar negatiu 5
Respondre comentari replica Comentari inadequat   Formulari d'abús de comentari

13 d'octòbre 18.02h

Catalonha : PIB 224 milhards d’euros.
1/5 de la riquessa espanhòla e far rampèu a Madrid.
Catalonha representa 19% del PIB espanhòl
Dins avrupa catalonha es al meteis nivèl qu’Irlanda.
Catalonha 56% del PIB consagrat als « start-up ».
Taus de caumatge 13,2% / espanha 17,2% de caumatge
65% de las exportacions catalanas son amb espanha e U.E
Endeutament 80 milhards d’euro es a diser 35% del PIB catalan.
En càs d’independencia farà una econòmia de 16 milhards d’euros (escart... Legir la seguida


Valora aquest comentari:   votar positiu 8   votar negatiu 22
Respondre comentari replica Comentari inadequat   Formulari d'abús de comentari

13 d'octòbre 15.22h

#5 Pas exactament en acòrdi. Que Catalonha sià mai fòrta economicament sens Espanha i cresi pas. Mas lo problèma independentista catalan es pas SONQUE un subjècte economic (lo sol subjècte sus que s'apièjan los comentaires en França). Nos cal pas tombar dins la trampa.


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Terric Lausa

Terric Lausa logo rss

Faguèt d'estudis d'occitan a l'Universitat de Montpelhièr. Militant occitanista e aimador de la frairança occitano-catalana.

mai d'informacions

contactar l'autor

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions