Bandièra01 1180x150: Comuna de Tolosa

Opinion

Natura e cultura

Vilamòs
Vilamòs
Tònho Castet

Tònho Castet

President e fondador dera Associacion Es Paums, acordeonista, dinamizaire culturau en Vilamòs, activista dera lengua e traductor

Mai d’informacions
Es membres, amics e simpatizants deth Grop de musica e cultura aranesa Es Paums èm emboishadi en cinc prepauses de dinamizacion  entath nòste pòble.
 
Era tòca ei hèr a conéisher es valors de Vilamòs e difóner es atractius deth nòste parçan en tot programar activitats de cultura, de natura, e d’espòrt alternatiu ara nhèu. Sustot  enes mesi d’estiu en que en pòble s’i amassen fòrça familhes e visitants.
 
Profitaram era tribuna de Jornalet entà informar de quines son aqueres cinc prepauses e deth son desvolopament pendent es mesi que vien.
 
Entà amiar entà deuant aguestes prepauses que demanam era collaboracion de vesins, visitants, simpatizants e amics, tant de Vilamòs coma de dehòra de Vilamòs. Tanben que mos cau era ajuda des institucions.
 
Son projèctes entath pòble, gessudi deth pòble, entàs que auem de besonh era ajuda de volentaris.
 
Triga eth projècte o projèctes enes que mès t’agradarie participar e ditz-mos’ac escriuent ath corrèu electronic espaums@gmail.com
 
Ací qu’as es cinc prepauses de dinamizacion:
 
 
Aumenatge ath filològ Joan Coromines
 
Enguan ei eth 20au aniversari dera mòrt deth filològ mes important dera sua generacion. Escriuec ua òbra de gran transcendéncia entara lengua aranesa El Parlar de la Vall d’Aran e la escriuec en Vilamòs. Li volem reconéisher era grana difusion que hec deth nòste pòble plaçant-lo enes pagines d’aquera òbra mèstra dera lingüística. Volem descorbir ua placa d’arrebrembe ena casa a on escriuec e demorèc. Mès informacion en: http://opinion.jornalet.com/2079
 
 
Gòis a Sant Ròc de Vilamòs
 
Èm des pòqui pòbles d’Aran que non sauve es Gòis deth Sant Patron. Eth poèta e erudit aranés Jèp de Montoya e eth compositor Jaume Masana, que ja han collaborat amassa en d’auti projèctes, son en procés de creación d’uns Gòis a Sant Ròc inedits e en aranés. Se t’agrade cantar, encara que te semble que non ne sabes guaire, inscriu-te. Les assajaram enes pròplèus mesi e les estrearam ena Hèsta Major de Sant Ròc. Mès informacion en: http://www.jornalet.com/3808
 
 
Plaça deth Venerable Joan de Vilamòs
 
Eth religiós agustinian neishut en Vilamòs e que moric en 5 de març de 1603, artenhec eth grad de Venerable, çò que permet venerar-lo a on ei neishut. Entà aunorar era sua memòria e sauvar eth son arrebrembe auem prepausat de dedicar-li ua plaça, “Plaça deth Venerable” e hèr-li ua escultura a on i siguen materialment representades totes es cases deth pòble e toti es pòbles deth Terçon de Lairissa. Mès información en http://opinion.jornalet.com/1712
 
 
IIau Tornèg de tennis de taula, Hèsta Major de Vilamòs
 
Dempús dera reüssida der an passat, tant pera quantitat d’inscrits coma de public, ja premanim era dusau edicion deth Torneg. Te pòs inscríuer coma participant o coma volentari. Mès informacion en http://www.jornalet.com/7253
 
 
Eth pòble mès polit dera província de Lhèida
 
Eth Grop Segre està amiant eth Concors entà trigar per votacion populara eth pòble mès polit dera provincia de Lhèida. Eth Concors fenís cap ara fin deth mes de mai e Vilamòs a ores d’ara aucupe eth prumèr lòc dera classificacion. Pòs votar en link: http://old.segre.com/nc/lomeupoble/vota/. Ei ua auta manèra de hèr difusion des nòsti atractius toristics. Mès informacion en http://old.segre.com/lomeupoble  
 
Es cinc prepauses que compden tamb eth supòrt der Ajuntament de Vilamòs, de d’autes institucions e de patrocinadors dera Val e de dehòra dera Val.
 
Aué i a sèt rasons entà visitar Vilamòs: Musèu Etnografic Joanchiquet, glèisa Santa Maria, ermita Sant Miquèu, Hont/Comada/Lauader, Horn de Caudia, Mestièr, guardader de Santa Barbarà.
 
Ad aguestes sèt meravilhes n’i volem ahíger d’autes entà que eth nòste pòble sigue mès coneishut, visitat e estimat.
 
Botja-te e participa.
 
abonar los amics de Jornalet
 
 




 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article