CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Dijòus, 14 de novembre

Tònho Castet

Dimenge, 15.10.2017 03h00

Eth dret d’associacion


Comentaris Un comentari    
Dolent Fluix Bo Molt bo Fabulós (2 vòtes)
carregant En cargament


Fin finala que mos auem constituït en ua associacion sense ànim de lucre.
 
Eth Grop de Musica Es Paums, enes darrèri ans, ath  delà de compausar, editar e interpretar musica en aranés, mos auem emboishat en d’auti projèctes de desparièrs àmbits coma er espòrt  (Torneg de Tènnis Taula), era lengua (Grop de Convèrsa occitan/aranés dera Universitat de Lhèida), era istòria (monument ath Venerable Joan), era cultura (aumentage a Joan Coromines), eth torisme(Campanha “Eth Pòble mès Polit de Lhèida), era natura (Vilamòs tiò, cultura e natura), era oiconimia (recensament de cases istoriques), eth gènre religiós (missa en aranés), eca.
 
Pensam que dotant-mos de personalitat juridica poderam trebalhar de manèra unificada e mès efectiua enes desparièrs projèctes, auer ua milhor representacion deuant des institucions e era societat  e amassar a toti es volontaris que vien collaborant tamb nosati d’ua manèra mès coordinada.
 
Eth passat diuendres dia 6 d’octobre profitèrem eth programa de Lleida TV sus Vilamòs, tà anonciar era constitucion dera associacion sense ànim de lucre “ES PAUMS, Associacion tà promòir era musica, era lengua e era cultura aranesa”.
 
Era anóncia la hérem pendent era emission  deth programa Cafeïna que eth dia 6 installèc eth sòn platèu en Vilamòs tà eméter un especiau sus eth pòble tamb motiu d’auer artenhut eth Prèmi de Vilamòs coma Pòble mès polit de Lhèida, segons es lectors deth Diari Segre, que en ues votacions tamb mès de 200 pòbles candidats an autrejat a Vilamòs eth 52% des vòts.
 
Era Associacion ES PAUMS a era sua sedença en Vilamòs(Val d’Aran) mès eth sòn àmbit d’actuacion ei era Val d’Aran e tota Occitània.
 
Era sua finalitat constitutiua qu’ei de promòir era musica, era lengua, era cultura e quinsevolh activitat qu’age a veir tamb era identitat aranesa e vò amassar a toti es que i siguen interessadi.
 
Entre es sòns projèctes mès immediats que i a compausar, editar e interpretar musica en aranés, méter musica as tèxtes de poètes aranesi e  difóner es atractius  culturaus e toristics de Vilamòs e dera Val d’Aran.
 
Enquiara sua constitucion era Associacion ES PAUMS (abans Grop de Musica) ja a portat a tèrme projèctes restacats tamb es sons fins fundacionaus: edicion deth videoclip en aranés Net de Huec, edicion deth CD de musica aranesa Era soca de Nadau basat en tèxtes deth poèta Jèp de Montoya tamb era collaboracion deth Conselh Generau d’Aran e er Institut d’Estudis Ilerdencs, campanha tà arténher eth Prèmi de Vilamòs coma eth Pòble mès Polit de Lhèida, edicion des Gòis a Sant Ròc de Vilamòs tamb era collaboracion deth Conselh Generau d’Aran, aumenatge e edicion deth huelheton biografic deth filològ Joan Coromines tamb era collaboracion der Institut d’Estudis Aranesi, Acadèmia Aranesa dera lengua occitana, organizacion deth Torneg Popular de Tènnis de Taula de Vilamòs tamb era collaboracion der Ajuntament de Vilamòs, gestion deth Grop de Convèrsa aranés/occitan tamb era collaboracion der Institut de Llengues dera Universitat de Lhèida,  concèrts de musica aranesa, concèrt e missa cantada en aranés de Es Paoesses, campanha tara creacion deth logotipe “Vilamòs, tiò cultura e natura”, collaboracion tamb era plataforma d’aprentissatge aranés on line Club Aranés, eca...         
 
Des de era Associacion ES PAUMS vos encoratjam a toti, sigatz o non dera Val d’Aran a  junher-vos ath projècte. Viende!
 
Mès informacion en: espaums@gmail.como en Facebook: www.facebook.com/AssociacionEsPaums/
 
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

15 d'octòbre 21.37h

I a pas cap de comentari per saludar la forma mai naturala d'organizar d'activitats umanas per vitalizar la lenga locala. La lenga es pas una tòca desper se, sonque un supòrt de la vida en totis domenis.
Les araneses demòran pas qu'aquò tömbe dal cèl, se fan la vida en aranés...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Tònho Castet

Tònho Castet logo rss

Musician, acordeonista integrant dera formacion Es Paums. Diplomat en psicologia. Mastèr en Direccion de Vendes. Èx professor de Relacions Umanes de Dale Carnegie.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions